Mga Minugbo nga Balita sa Kalibutan

Open House sa Templo sa Quetzaltenango, Pagpahinungod Gipahibalo

Sa pagsaulog sa pagpahinungod sa Templo sa Quetzaltenango Guatemala, ang mga kabatan-onan sa Simbahan diha sa nasud moapil og usa ka pasundayag sa musika ug sayaw sa kultura inigka Sabado, Disyembre 10, 2011.

Dayon inig ka Dominggo, Disyembre 11, 2011, ang templo ipahinungod diha sa tulo ka mga sesyon, nga isibya ngadto sa tanan nga mga yunit sa Guatemala.

Human sa pagpahinungod, ang templo moabli alang sa mga ordinansa inig ka Martes, Disyembre 13, 2011.

Simbahan Naglaum sa Pagtukod og Templo didto sa France

Si Presidente Thomas S. Monson mianunsyo niadtong Hulyo nga ang Simbahan naglaum sa pagtukod sa unang templo niini sa France diha sa gipanag-iya nga yuta sa mga utlanan sa Paris.

Ang Simbahan naglihok sulod sa daghan nga mga bulan uban sa lokal nga mga opisyal.

Diha nay daghan nga nangaging mga paningkamot sa pagpangita og angay nga dapit alang sa templo sa France, apan walay nadesisyunan. Ang mga miyembro sa Simbahan sa France nga nagtinguha sa pagbisita sa templo sa kasagaran nagbiyahe ngadto sa kasilinganang mga nasud sa Uropa.

Nagtubo ang Kasayon sa Paggamit sa Bag-ong Pormat alang sa Audio Scriptures

Mipagula ang Simbahan og audio nga bersyon sa LDS sa sumbanan nga mga kasulatan nga i-download sa iTunes diha sa audiobook (gitawag og “enhanced audio content” sa iTunes) o MP3 nga format.

Ang audio nga bersyon sa hingpit nga sumbanan nga mga kasulatan anaa sa Iningles ug Kinatsila, ug ang audio nga mga bersyon sa Niponggo, Portuguese, ug Koreano sa mga triple combination anaa usab.

Sa pagsulod ngadto niini nga bag-ong mga kapanguhaan, adto sa seksyon sa mga kasulatan sa channel sa Simbahan diha sa iTunes.lds.org.

Mga audio nga bersyon sa sumbanan nga mga kasulatan anaa karon sa daghan nga mga pinulongan diha sa iTunes.lds.org.