Komentaryo
Napuno Ako sa Pagpasalamat
Ang Mga Tingog sa Santos sa Ulahing mga Adlaw sa kanunay mao ang usa sa unang mga artikulo nga akong ablihon kon ang akong magasin moabut matag bulan. Ang ingon mao ang nahitabo sa diha nga akong gibasa ang “Kamo ang mga Anghel” (Liahona, Dis. 2010, 38). Kini nakahatag kanako og lig-on kaayo nga espirituhanong gahum, ug napuno ako sa pagpasalamat alang sa misyon sa atong Manluluwas ug alang niadtong kinsa nagserbisyo sa walay paghunahuna sa kaugalingon diha sa Iyang pangalan. Mapasalamaton kaayo ako og dako ngadto ni Heidi Windish Fernandez sa pagpakigbahin sa iyang makapahingangha nga kasinatian.
Larry D. Kump, West Virginia, USA
Liahona Naghimo og Kalainan
Ang mga mensahe sa Liahona sa kanunay misuporta kanako isip usa ka tawo, amahan, bana, ug lider, ug ang mga isyu sa kinatibuk-ang komperensya nagdala og usa ka espesyal nga pagbati diha sa among panimalay. Kanunay akong nag-order og lain nga mga isyu sa komperensya alang sa akong kaugalingon, sa akong asawa, ug sa matag anak nga mga lalaki aron kami makabasa ug makamarka sa mga mensahe sumala sa among tinguha ug busa dili kami magpuli-puli sa magasin. Sa katapusan sa tuig among ipa-bookbind ang mga magasin ug ipanghatag ang bisan unsa nga mga sobra ngadto sa dili kaayo aktibo o dili miyembro nga mga higala. Nagpamatuod ako nga ang Liahona naghimo og kalainan diha sa atong mga kinabuhi.
Fabio Allegretti Cooper, Brazil