E Toafitu Tamaitai Faifeautalai ua Faasusulu atu lo Latou Malamalama i le Misiona
O le Pleiades, po o le Au Uso e Toafitu, o se āoā fetu e fitu e matuai mamao lava, ma e 350 tausaga faatoa mafai ona taunuu mai le pupula o lo latou malamalama i le lalolagi.
O lo latou matutua e mai le vaitausaga o le tai luasefulu ma ona tupu e oo atu i le tai tolusefulu ma ona tupu, o lenei au uso o loo faasusulu atu lo latou malamalama i totonu o lo latou aiga ma i totonu o le misiona a o latou faasoa atu le talalelei i tagata i atunuu e lima.
O Marisol (Chile Osorno), Antonia (Atenitina Resistencia), Daniela (Costa Rica San José), Florencia (Honotura Comayaguela), Verónica (Chile Santiago Sasae), Anai (Aai o Kuatemala i Matu), ma Balbina Nava Aguilar (Atenitina Bahía Blanca) e mai Mekisiko ma o le taimi foi lea o loo latou auauna atu faamisiona ai mo Le Ekalesia a Iesu Keriso o le Au Paia o Aso e Gata Ai.
O le feiloaiga muamua a le au uso i faifeautalai o le AAG, o le taimi lea ina ua amata ona latou auai i vasega e le totogia o le gagana Peretania sa faia i se falelotu i le lotoifale. O le 2006 sa papatisoina ai i latou—faapea ma se tasi o o latou uso ma lo latou tuagane—. O o latou matua, o Albino Nava ma Isidra Aguilar, o e sa auai i le Ekalesia i le tolusefulu tausaga na muamua atu, sa toe toaaga mai i le Ekalesia i lena foi taimi.
Fai mai Sister Aguilar, ua mafai ona ia vaaia le oo mai o faamanuiaga i le auina atu o lana fanau teine e toafitu i ni misiona.
“O loo i ai i latou i aao o le Alii, o loo galulue, e talai atu Lana talalelei ina ia aumai ai ni agaga se toatele [ia te Ia],” o lana faamatalaga lea.
Fai mai Florencia, “Ou te alofa i lenei talalelei ma ou te iloa o le galuega e suia ai olaga. Ua suia ai lo’u olaga, ma o le a suia ai olaga o i latou ou te aoaoina.”
O le a amata ona toe foi atu le au uso i lo latou aiga i le faaiuga o le 2011.
O lenei au uso e toafitu mai le Aai o Mekisiko o loo auauna atu i le taimi lava lea e tasi o ni faifeautalai faamisiona i vaega eseese o le lalolagi.
Atapue mai faaaloaloga a Anai Nava