Kata o Upusii Faamamafaina o le Konafesi
E mafai ona e ‘otieseina nei kata ma faaaoga e faamanatu atu ai ia te oe mea sa e aoaoina i le konafesi aoao.
“A’u uo talavou e … , ia i ai pea lava pea a outou vaaiga i le malumalu. Aua lava nei faia se mea o le a taofia ai oe mai le ulufale atu i ona faitotoa ma ‘ai ai i faamanuiaga paia ma le faavavau iina.”
Peresitene Thomas S. Monson
“O mea foi la e ono foliga mai ia te outou o ni filifiliga laiti, o le a taitai atu ai outou e le Alii i le fiafia tou te mananao ai. O a outou filifiliga, o le a mafai ai ona Ia faamanuiaina isi e le mafaitaulia.”
Peresitene Henry B. Eyring, Fesoasoani Muamua i le Au Peresitene Sili
“Aua nei alu se aso e aunoa ma le faia o se mea e faatino ai uunaiga a le Agaga.”
Peresitene Dieter F. Uchtdorf, Fesoasoani Lua i le Au Peresitene Sili
“Ua outou o mai i le lalolagi i lenei taimi … ma ua uma ona tuu mai e le Alii Lona aao e saunia le lalolagi mo Lona toe foi mai ma le mamalu. O aso nei o avanoa maoae ma tiutetauave taua. O ō outou aso nei.”
Elder Neil L. Andersen o le Korama a Aposetolo e Toasefululua
“O se mea matagofie tele le avea ma se Kerisiano, ma ola e pei o se soo moni o Keriso.”
Elder L. Tom Perry o le Korama a Aposetolo e Toasefululua.
“E mafai ona tatou faauo ia i latou o loo tatou auauna atu i ai e ala i lo tatou agalelei ma auauna atu ma le loto atoa. Mai nei faauoga latou te malamalama atili ai e uiga i lo tatou tuuto atu i le talalelei ma se manao e aoao atili e uiga i le Ekalesia.”
Elder M. Russell Ballard o le Korama a Aposetolo e Toasefululua
“E le mafai ona tatou vaai i lo tatou Tama Faalelagi, ae e mafai ona tatou faalogoina Lona siufofoga e aumaia ia i tatou le malosi tatou te manaomia e onosaia ai luitau o le olaga.”
Jean A. Stevens, Fesoasoani Muamua i le Au Peresitene Aoao o le Peraimeri
“Ma e le o tuulafoaiina outou! … A outou tausia a outou feagaiga sa faia, o le a taialaina outou e le Agaga Paia ma leoleoina outou. O le a siosiomia outou e au agelu o le lagi.”
Elaine S. Dalton, Peresitene Aoao o Tamaitai Talavou