2010
Namati Siya
Hunyo 2010

Namati Siya

Ni Allison Graham England

“Ang Ginoo nakadungog sa pag-ampo sa iyang mga katawhan” ( Mosiah 27:14).

  1. Devon, panahon na sa pag-andam alang sa pag-ampo.

    Apan akoandam.

  1. Dili, Devon. Kinahanglan nga moluhod ka, mokyugpos sa imong mga bukton, ug mopiyong sa imong mga mata kon mag-ampo ka. Kinahanglan usab nga dili ka maglihok. Nagpakita kini og pagtahud alang sa Langitnong Amahan.

    Gibutang ni Devon ang iyang dulaan nga trak, gikyugpos ang iyang mga bukton, ug miluhod tupad ni Mama.

  1. Giunsa sa Langitnong Amahan sa pagpamati kanako? Siya aduna bay mga dunggan?

    Oo, Siya adunay mga dunggan. Namati Siya Kon ikaw mosulti sa imong mga pag-ampo.

  1. Misulti si Devon sa iyang pag-ampo ug mipabilin nga nagluhod nga giduko ang ulo ug gikyugpos ang mga bukton sulod sa pipila ka segundo dihang nahuman siya.

    Wala siya mobalos og sulti. Sigurado ka ba nga namati Siya?

    Ang Langitnong Amahan kasagarang motubag sa atong mga pag-ampo pinaagi sa pagsulti ngadto sa atong mga kasingkasing ug mga hunahuna kay sa pagsulti sa atong mga dunggan. Nagbuhat Siya niini pinaagi sa Espiritu Santo.

  1. Devon, unsa ang imong bation kon ikaw makigbahin?

    Malipayon.

    Ug unsa ang imong bation kon ikaw magbuhat og sayop—sama sa paglabay sa imong mga dulaan?

    Dili maayo ang akong pagbati.

    Ang Espiritu Santo nagtabang kanato sa pagbaton niini nga mga pagbati sa pagpahibalo kanato sa matarung ug sa sayop. Nagtabang usab Siya kanato sa pagbaton og mga ideya mahitungod sa unsang mga butanga ang atong mabuhat aron mas magmalipayon.

  1. Adunay lain nga mga paagi nga kita masayud nga ang Langitnong Amahan namati. Nahinumdom ka kon sa unsa nga paagi Niya gitabangan si Lola sa pagbati og arang-arang human niya madawat ang priesthood nga panalangin?

    Oo, nalipay ko nga si Lola mibati og kaarang-arang

  1. Tungod kay wala lamang ka makadungog sa Langitnong Amahan nga nagsulti nganha kanimo, kana wala magpasabut nga Siya wala namati. Nagpadala Siya kanimo og mainiton, maayo nga mga pagbati sa pagpahibalo kanimo nga Siya anaa.

  1. Mibati og kalipay si Devon.

    Karon nasayud na ako, Ma. Ang Langitnong Amahan namati kanako.