Ol Smol mo Simpol Samting

Epril 2010

Ol Smol mo Simpol Samting

“Tru long ol smol mo ol samting we i no strong, ol bigfala samting i kam blong hapen” (Alma 37:6).

Infomesen abaot ol Namba blong ol Tempol

130: ol tempol we oli open naoia.
: ol tempol we oli anaonsem olgeta o oli stap bildim olgeta yet.
1: siti long wol we i gat tu tempol insaed nomo long ol boda blong hem i, Saot Jodan, Yuta. “Ating bae yu wantem askem from wanem oli stap jusum Yuta oltaem nomo. Hem i from namba blong ol man we oli stap go long tempol, mekem se oli mas bildim moa tempol longwe,”¹ Presiden Godon B. Hinkli i talem, taem hem i bin anaonsem Okwea Maonten Yuta Tempol long Oktoba 2005, nambafo tempol long Sol Lek Vale.
34: ol tempol we oli bin dediketem long 2000, wan yia we oli bin dediketem moa tempol long hem.
85: ol tempol dedikesen we Presiden Hinkli i bin mekem long laef taem blong hem, hemia i bigfala namba bitim eni Aposol long dispensesen ia i save mekem. Mo tu Presiden Hinkli i bin dediketem blong nambatu taem, 10 tempol.
685,000: pipol i bin go long open haos blong Drapa Yuta Tempol. Tempol ia oli bin dediketem long Maj 2009.
6,800: skwea fit (682 skwea mita) long Kolonia Juárez Chihuahua Meksiko Tempol, tempol ia we i smol bitim evri tempol long Jos.
331,032: skwea fit (30,754 skwea mita) long Sol Lek Tempol, tempol ia we i bigwan bitim evri tempol long Jos.
169: ol stek mo ol distrik we Manila Filipins Tempol Distrik nao i stap lukaotem, we i stap sevem moa wod mo branj bitim eni narafala tempol distrik insaed long Jos.

Antap long lef: pikja blong Manila Filipins Tempol i kam long Robet T. Baret; Andanit long lef: ol foto i kam long Matiu Raea; raet: foto © Corbis