Manila Filipins Tempol

Presiden Godon B. Hinkli (1910–2008) i bin dediketem Manila Filipins Tempol long Septemba 1984. Naesfala sikis-sap aean i go antap ia, insaed blong hem i naes tumas wetem ol waet seramik tael mo ol naesfala pam tri oli raonem wetem ol naesfala garen.

Oli bin holem open haos blong tempol ia i no long taem afta long tu hariken we i bin spolem gud Filipins. Nomata long ol hariken ia, ol samting blong dei ia i bin hapen olsem we oli bin planem. Long Septemba 3, 1984, oli bin holem wan tua blong ol impoten man. Long nekis dei blong hem, taem tempol i open blong ol pablik tua, “wan naesfala samting blong lukluk i kavremap ful tempol,” Jovenjio Ilagan i talem, we i eksekutif sekretari blong tempol komiti long taem blong konstraksen blong tempol ia. “San, long ful laet blong hem, i bin kamaot tru long wan sekol blong ol defren kala. … Long wan taem, medel blong sap aean wetem statu blong Moronae i bin kamaot long medel blong sekol blong ol defren kala laet ia. Kolosap wan handred pipol long ol tempol graon oli luk samting ia. Plante oli bin gat wota long ol ae blong olgeta.”¹

Manila Filipin Tempol hem i fas tempol we oli bin bildim long Filipins. Konstraksen blong nambatu tempol long kantri ia i bin stat long 2007 long Siti blong Sebu.