Komentaryo
Ang Yawe sa Kalampusan
Salamat sa “Asukal nga Rimulatsa [Sugar Beets] ug ang Bili sa Kalag” (Thomas S. Monson, Hulyo 2009, 2). Akong gigamit kana nga artikulo isip akong personal nga pagtuon, ug nakatabang kini kanako og dako. Ako nasayud nga ang misyonaryo nga buhat mahimong lisud, apan kini makalingaw ug magantihon usab. Ganahan ko nga makita ang mga kausaban nga nahimo sa mga tawo sa dihang sila nabunyagan. Kini nga istorya nakapadasig kanako sa pagpaningkamot og maayo, nga mao ang yawe sa kalampusan. Ang mga butang nga akong nakat-unan diha sa Liahona makatabang nako nga mahimong mas maayo nga misyonaryo.
Elder Ramon Cristopher H. Villaluna, Philippines Naga Mission
Usa ka Daklit nga Pagtan-aw sa Mahangturong Kalipay
Salamat sa Liahona, nakabaton ako og kaisug nga magpabiling lig-on diha sa ebanghelyo ni Jesukristo. Nakapalig-on kini sa akong pagpamatuod ug nakatabang kanako sa akong mga problema. Ang mga pagtulun-an nga makita diha sa magasin makatabang kanato nga makakita og daklit nga pagtan-aw sa mahangturong kalipay.
Júlia Maria Azevedo, Brazil