Usa ka Leksyon sa Pagpasaylo

Carlos ug Jenny Comena Guzman, Ica, Peru

Samtang ang among pamilya naghisgut sa among labing halandumon nga family home evening, unsa ang nakanindot walay kalabutan sa makalingaw nga kalihokan, maalamong paghulagway sa leksyon, o sa espesyal nga pagkaon. Usa kadto ka yano apan maanindot nga kasinatian nga nagsugod sa usa ka leksyon nga giandam sa among 17 anyos nga anak nga lalaki, si Fielding, mahitungod sa pagpasaylo.

Human sa leksyon, ang tanan adunay kahigayunan sa pagpadayag sa iyang mga pagbati mahitungod sa unsay among gusto sa usag usa ug unsay among buot palamboon sa among mga kaugalingon. Naghisgut kami sa mga hagit nga among giatubang sa usag usa ug nagtinabangay sa pagpangita og mga solusyon. Nanghilak kaming tanan, nangayo og pasaylo sa usag usa, ug mihimo og mga tumong nga mas magbinuotan.

Ang family home evening nahimong usa sa among paborito nga mga panahon. Ganahan kami kon sa unsa nga paagi kini nakatugot sa among mga anak sa pagpadayag sa ilang mga kaugalingon sa mas gawasnon nga paagi ug uban sa pagsalig.