Toeni Luhlahp
Sie Tahfuh Singucul: Ikacslah Winto Inkuhsrao
Toeni luhlahp ke Ohktopa 2023

Sie Tahfuh Singucul: Ikacslah Winto Inkuhsrao

Sel Elder Neil L. Andersen

Ke U luhn Mwet Sap Singucul Luo

Winto inkuhsrao ikacklah ke ohiyac pucspucs. Luhlahlfongi ke pacl luhn Leum; mwe insewowo an e kwacna tuhkuh.

Ke nga tuhfahna in som nuh Epang Macrike, Tamuhlwel Roger Parra fin acn Venezuela el akacsruhi nuh sihk ke ma sikyak inge:

“Ke 2019 acn Venezuela tuh kusrusryak ke elyah oruh wacngihn sahrom ke lusen lwen limekohsr.

“Fohs ac kolyuck sesuwohs orek ke acn sac, ac puhs mwet elyah ke wacngihn suhnuhn mongo.

“Kuhtuh selos muhtacwacack in pihsrapasr ke acn in business ke mongo, kuhnahoslah kewa ma sonolos uh.

“Oasr acn in orek fuhlao srihsrih se luhk, ac nga arulacna elyah kac. Ekihn sucu se, kuht sulaclah in kihtaclah nohfohn mongo ke acn in orek fuhlao se lasr inge nuh sin mwet enenuh.

“Ke sie fong losr ah fohs luhlahp sikyak ke acn nuh kwewa. Fosrnga sefanna luhk ah pa in karuhnguhnwacng muhtwacn kiyuhk ac tuhlihk nuhtihk in sef.

“Tang na nga som nuh ke acn in orek fuhlao se lasr ah. Suhpwacrlac, business in mongo nuhkwewa siskacsr ah kuhnausyucklac sin mwet pihsrapasr ah, tuhsruhk ke lut luhlahp luhk, acn in orek fuhlao se lasr ah wo na. Wangin ma kuhnausyucklac. Nga kuloh kaksakihn Pahpah tuhmuhk Inkuhsrao.

“Sun lohmah, nga tahfwuh nuh sin sucu luhk ke mwe insewowo ac karihngihnyuck luhn God

“Elos nohfohn arulacna kuloh kac.

“Lahp muhkul se nuhtik, Rogelio, matwac yac singuculluo, el fwahk, ‘Pahpah! Nga etuh lah efuh stoh lasr ah karinghinyuck. Kom ac Ninac moli sie tahfuh singucul pacl nuhkewa.”

Tamuhlel Parra el fwahk sahflah: “Kahs lal Malachi sun nuhnak luhk uh. ‘Nga fah kalyei mwet kuhnaustwen ke srupowos, ac el fah tiac kuhnahoslah fukun acn lowos’ [Malachi 3:11]. Kuht sikuckmuhtuhnte ac sang kuloh nuh sin Pahpah tuhmasr Inkuhsrao ke usrnguck Lal.”1

Petsac
Sucu Parra.

Ahkpwacyei Nuh Sihk Ingena

Ma nuhkwewa ma oasr yohrohsr ac kuht nuhkwewa tuhkuh sin God me. Oa mwet tuhma lutlut luhn Kraist, kuht insese in akacsruhi nuh sin mwet siskacsr an.

Ke ma nuhkwewa ma Leum El acse nuh sesr, El siyuck kuht in fohlohkohnwacng nuh Sel ac Tohkohsrahi Lal fin facluh ke 10 percent ke ma kapwack lasr uh. El olwelah nuh sesr lah kuht fin moli suwohs sie tahfuh singucul lasr uh, El ac fah “ikasla … winto inkusrao, ac ukuiya … kain in ma wo nukewa, in arulana yolyak nu suwos.”2 El olwelah nuh sesr lah El ac karihngihn kuht liki ma koluk.3 Olwelah inge pwacye,4 Leum El ahkahlwemye, “Srikeyu ac kowos fah liye,”5 pa pohloh kahs se ma sukokyak muhkwena ke Malachi ke ma suhmuhslah.

Winto inkuhsrao ikacklah ke kain in ohiyac. Kuhtuh kuht puhla ke mahno, ac kuhtuh ke nguhn. Kuhtuh fihsrwacsr ac kuht kuh in liye na. Luhlahlfongi ke pacl luhn Leum; e tuhkuh na mwe insewowo uh.

Kuht puhla ahsor wi mwet suc ma elyah ke enenuh luhn moul se inge. Alu uh tuhfahna in orlaclah kahsruh se ke miliacn $54 ke mani Macrike in sang kahsruh tuhlihk ac ninac ma enenuh kahsru fin facluh nohfohn.6 Ac ke mwe sang kowos oraclah ke mahlwem in lalo nuhkewa, pisap wolacna lasr kahsruh tausin mwet ke kais sie wik suc enenuh mongo nuh fin tepuh lalos, nuknuk nuh kaclos, ac lohm nuh fin sifaclos. Ma se fanna kuh in kashrelos ke suhkahsruhp luhn fwacluh pa wosasuc luhn Jisus Kraist.7

Ke Srihpen Luhlahlfongi

Mwet Sap Paul el kai lah etuh luhn mwet uh kahlwem ke ma luhn mwet uh tuhsruhk tiacna kahlwem ke ma luhn God.8 Facluh sruhmuhn sie tahfuh singucul ke mani, tuhsruhk masap muhtahl se ke sie tahfuh singucul uh tuhkuh yohk ke luhlahlfongi lasr uh. Moli suwohs sie tahfuh singucl lasr uh pa sie inkacnek ma kuht ahkahlwemye kena lasr in fihliyac Leum meet in moul lasr, lucng liki na enenuh ac kena lasr. Nga olwelah nuh suwos lah ke kowos luhlahlfongi in Leum, mwe insewowo inkuhsrao e fah tuhkuh.

Jisus El fahk in sang “nu sel Caesar ma lun Caesar; ac sang nu sin God ma lun God.”9 Mwet Lahngo suc sifwilpac moulyak El siyuck sin mwet Nephi in suhmuhslah ke mwe sihm nahtuhlos ke olwelah Lal ma sukokyak ke Malachi.10 Ke pacl lasr uh, Leum El sifil ahkohnye masap muhtahl luhn sie tahfuh singucul, fahkwack lah pa inge muhtacwacackiyen sie tahfuh singucul luhn mwet Lal. Leum El fahk lah mwet Lal enenuh in moli sie tahfuh singucul ke kap lalos ke kais sie yac. Pa inge masap kuh se nuh selos ne tok uh.11

Leum El ahkuhtweyac kahlwem lah e ahkfahsryeyuck fuhkah sie tahfuh singucl, fahk, “Use nofon lupan sie tafu singoul lowos nu ke nien filma,”12 kalmac pa use mwe sang an nuh ke tohkohsrahi fohlohkihnyuckyak Lal, Alu luhn Jisus Kraist luhn Mwet Luhlahlfongi ke Lwen-sahflah.13 El luti lah orekmakihnyen sie tahfuh sincugul muhtahl inge e pruhekihnyuck ac motkoekihnyuck sin u luhn Prestuhnsi Se Met, U luhn Mwet Sap Singucul Luo, Pisaprik ma Kol uh, ac ke Puhsracl sifacna nuh selos.15

Mani Muhtahl luhn Leum

Mani muhtahl inge tiac ma luhn mwet kol ke Alu uh. Mani uh ma luhn Leum. Mwet kuhlwacnsap Lal elos kahlwem yohk ke kunohkohn muhtahl se inge.

Prestuhn Gordon B. Hinckley el sruhmuhn ke el srihk ah: “Ke nga srihk ah nga kihsen siyuck nuh sin pahpah tuhmuhk ah … siyuck ke ma luhpan mani luhn Alu uh. El ackacsmakihnyeyuc lah ma kunuck sin God pa in moli sie tahfuh singucul ac mwe sang luhk. Ke nga sang uh, [pahpah tuhmuhk el fahk,] ma nga sang ingacn tiac sifil ma luhk. Ma lac luhn Leum suc nga kihsackuhnlah.” Pahpah tuhmwacl tahfwelah: “Ma mwet kol ke Alu uh oruh nuh kac uh tiac enenuh in ahkfohsye [kom, Gordon]. Elos top nuh sin Leum, suc e tuhfah oasr srihpac ke paholos.”15

Pwacyena kuht puhlakihn toasriyacn “in top nuh sin Leum.”

Sie Tahfuh Singucul ac Mwe Sang Yohk Lowos an

Ke mwe sang yohk kowos oruh ke sie tahfuh singucul ac mwe sang kom kihsackuhnlah nuh sin Leum inge, ke yac tari ah yohk liki na billion ke mani Macrike orekmakihnyuck in ahkinsewowoye elos suc enenuh.16

Ke pacl yohk srihpac se inge, kunohkohn lasr in fahkwelihk wosasuc fohlohkihnyuck nuh fin facluh, oasr pisen misineri 71,000 kuhlwacnsap ke misin 414.17 Ke srihpen sie tahfuh singucul ac mwe sang lowos, misineri, ma oasr elyah la ke mani, kuh in kuhlwacnsap.

Tempuhl uh muhsahiyuck fin facluh nohfohn ke pihsac na puhs. Ingena, tempuhl-177 orekmakihnyuk ac ikachk nuh sesr, 59 selos srackna kamtuhiyuck kuh ahksasucyeyuck, ac 79 selos plwacniyuck ac nahweyuck.18 Sie tahfuh singucul lowos an ikacslah mwe insewowo luhn tempuhl in oasr yen ma Leum El muhkwena etuh na met.

Puhs liki na 30,000-acn in alu ke tausin lohm in alu ac iwac sahyac ke muhtuhnfacl ac territory 195.20 Ke srihpen suwohs lowos in moli sie tahfuh singucul, Alu uh akwucki ke acn loesuhlah suc kowos soena muhtwacta kac yurin Mwet Luhlahlfongi kowos tiac etuh.

Alu uh ingena kahsruh moli lutlut luhlahp limekohsr.20 Lutlut inge kuhlwacnsuhpuh puhs liki tuhlihk lutlut 145,000. Kuhlahs tausin siofok ac singucul lutiyuck ke kais sie wik ke seminary ac institute.21

Mwe insewowo inge ac wi ma puhs sahyac tuhkuh ke luhpah yohk nuh yuruwos mwet fuhsr ac mahtuh ma moli suwohs ke sie tahfuh singucul la.

Kuh fokoko se ke masap muhtahl ke sie tahfuh singucul tiac srihkeyuck ke luhpan mani ituckyang, tuh kewana mwet kahsruhp ac mwet suhkahsruhp uh sapkihnyuck sin Leum in kahsruh sang 10 percent ke mani elos oraclah.22 Kuh se inge tuhkuh ke kuht fihliyac luhlahlfongi lasr in Leum.23

Mwe insewowo sahyac luhn Leum ma tuhkuh ke suwohs lasr in sang sie tahfuh singucul ahkfokokoye orekma luhn Alu uh, ikacslah inkacnek in oruh orekma luhn Leum ke ma suc kuht soenna etuh kac kuh puhlakihn. Leum El etuh ma nuhkwewa, ac ke pacl fal, kuht fah liye fohnlah luhn srihpac muhtahl Lahl.24

Mwe Insewowo Tuhkuh ke Ohiyac Puhs

Insewowo ke sie tahfuh singucul tuhkuh ke ohiyac puhs. Ke 1998 nga weluhl ke pacl sac Elder Henry B. Eyring nuh ke acn in miting luhlahp se luhn Alu uh fin acn Utah suc pahngpahng ingena muh Silicon Slopes, acn pwengpweng se ke technology. Puhs ma sasuc sikyak wo, ac Elder Eyring el sensenkackihn Mwet Luhlahlfongi in tiac kapsra ma oasr yohrohlos nuh sin mwet sahyac ac in kena ke ma sahyac. Nga kwacna esam olwelah se lal ah lah ke elos moli suwohs sie tahfuh singucul, kena lalos ke kuhfa nuhkewa sahyac ac srihkeni. Tukun yac luo, elyah se sikyak ke technology. Puhs selos wacngihnlac orekma la, ac puhslac acn in orekma puhla elyah ke eklac se inge. Elos suc ukwe kai lal Prestuhn Eyring ah elos insewowo.

Olwelah lal ah ahkacsmakihnyeyuc ke sie pacna ma nga esam. Nga ohsun nuh sel Charlotte Hlimi matwac-yac-12 siskacn acn Carcassonne, France, ke 1990 ke nga kuhlwacnsap ekihn misin prestuhn. Hlimis elos sucu luhlalfongi puhsisacl suc muhta ke lohm srihsrihk se ac oasr tuhlihk alkosr. Petsac se luhn Mwet Lahngo ac mwet pahluh an ke pihsihnkac ah. Ke lohlngohk nuh sel nuh ke mwe insewowo ke patriarch, nga siyuck sel Charlotte lah el moli suwohs sie tahfuh singucul lal. El topuk, “Ahok, Prestuhn Andersen. Ninac kiyuck uh lutiyuc lah oasr mwe insewowo ke mahno ac nguhn tuhkuh ke kuht moli sie tahfuh singucul. Ninac kiyuck ah lutiyuc lah kuht fin moli na sie tahfuh singucul lasr, e wacngihn ma kuht kena kac. Ac Prestuhn Andersen, wacngihn ma kuht kena kac.”

Petsac
Sucu Hlimi

El lwelah nga in akacsruhi nuh suwos ke sramsram se kachl, Charlotte, inge el matwac yac 45 ac siliyucki lun tempel, el fahk: “Luhlahlfongi kuh luhk ke sie tahfa singucul arulacna fokoko ke pacl sacn, ac ingena fokokoi liki na met ah. Nga kuloh ma luhlahp ke masap se inge. Ke nga oruh ohinge, nga fahfahlac na in ahkinsewowoyeyuck yohk.26

Sie lwen, kais sie sesr e ahksahfyelah fuhfahsryucsr lasr fin facluh. Yac-longoul limekohsr somlah ah, lwen na ekahsr met liki ninac kiacn muhtwacn kiyuck ah, Martha Williams, el misac ke cancer, el sruhkwack kihtin check se ke mail ah. El silahklahk siyuck sin muhtwacn kiyuck, Kathy, elan sang checkpuk se lal ah elan moli sie tahfuh singucul lal. Ke srihpen ninac kiyacl ah arulacna muhnahslah oruh upac elan sihm, Kahthy el siyuck sel lah el kuh in suhmuhslah check sac lal. Ninac sac topuk, “Moh, Kathy. Nga ke sifacna oruh.” Na el kahkahsrihk fahk, “Nga ke suwohs ye muhtuhn Leum.” Sie ma sahflah ma Kahty el oruh ahol ninac kiacl pa in sang envelope in sie tahfuh singucul nuh sel pisap.

Orekma Yohk Srihpac luhn God

Tamuhlwel ac tahmtahel, Alu luhn Jisus Kraist luhn Mwet Luhlahlfongi ke Lwen-sahflah el tiac etweyuck,26ke kahsruh in oruh mwe insewowo nuh fin facluh nohfohn. E oasr mwet ahkkweyekuht in fahsr nuh met ac e oasr mwet tiacna. Nga nuhnkuh ke kahs luhn mwet lahlmwetmwet se inge Gamaliel, suc, ke el liye ma usrnguck lal Mwet Sap Peter ac John, el sensenkackihn mwet in acn Jerusalem:

“A kowos [fuhleloslac] na: ac fin … ma se elos oru inge ma ke pwapa lun mwet, ac fah wanginla:

“Fin ma sin God, kowos koflana kutangulosla; ac … safla tuh kowos alein nu sin God.”27

Kom ac nga wi ke okrema yohk srihpac se luhn God fin facluh. E fah tiac wacngihnlac tuhsruhk e fahsrwelihk apuhnlah facluh, ahkolah inkacnek in fohlohk luhn Mwet Lahngo. Nga fahkwack ke kahs lal Prestuhn Russell M. Nelson: “Ke pacl fahsruh uh, kuht e fah liye mwe ahkahlwemye se ma yohk emeet ke kuh luhn Mwet Lahngo ma facluh tuhfahna liye. Inmahsrlon pacl inge ac pacl se El fohlohkoh … , Elac sang ma wowo, mwe insewowo, ac ma usrnguck nuh sin mwet luhlahlfongi.28

Pa inge mwe loh luhk. Jisus pa Kraist. Pa inge orekma muhtahl Lal. Elac sifilpac fohlohk. Ke inen Jisus Kraist, amen.

Mwe Kahsruh

  1. Sramsram tuhkuh sel Roger Parra, Ohkosh.-4, 2023.

  2. Malachi 3:10

  3. LiyeMalachi 3:11. Elder Jeffrey R. Holland el fahk: “Sie srikasrak, in moul luhk, nga liye olwelah luhn God fohnlah ke El ‘tia lela wet srisrik in kunausla [ke srihpuck]’ [Malachi 3:11]. Mwe insewowo in langoeyucklac liki ma koluk se ingacn kahklah nuh feik ac nuh yurin mwet nga luhngse ahluhkwelah acn fal ma nga etuh kac. Tuhsruhk nga luhlahlfongi lah kolyuck muhtahl e tuhkuh, finne ip srihsrihk, ke srihpen inswacneang lasr, kais sie ac ekihn sucu, in moli sie tahfuh singucul” (“Like a Watered Garden,” Liahona, Jacnweri 2002, 38).

  4. “Leum Elac ikacslah winto inkuhsrao fal nuh ke enenuh lasr, ac tiac fal nuh ke rahpkuhiyacsr. Kuht fin moli sie tahfuh singucul in muh kahsruhpi, kuht oruh ke inkacnek tiac pwacye se. … Mwe insewowo nuh selos suc sang … tiac tuhkuh muhkwena ke atacn mani kuh ma kahsruhp” (Teachings of Gordon B. Hinckley [1997], 657).

  5. Malachi 3:103-Nephi 24:10

  6. Liye “The Church of Jesus Christ Is Helping Alleviate Global Malnutrition,” Ohkohs 11, 2023, newsroom.ChurchofJesusChrist.org; liye pac “How the Church of Jesus Christ and UNICEF Are Keeping Mothers and Children Healthy and Safe,” Ohkohs 17, 2023, newsroom.ChurchofJesusChrist.org.

  7. Leum El pahngon mwet lal Saion, mweyen elos inse sefanna ac nuhnak sefanna, ac muhta in suwohswohs; ac wacngihn suhkahsruhp inmahsrlolos (liye Moses 7:18

  8. Liye Sie Corinth 2:14 Lahlmwetmwet luhn mwet uh tiac apkuhran nuh ke lahlmwetmwet luhn God. Ke pacl lal Malachi, puhs mwet forlah liki Leum. Leum El ngihsre mwet wuhlweacng Lal, “Foloko nu yuruk, ac nga fah folokot nu yuruwos.” Ma se tuhkuh tukun nguhsr muhlahlah se inge pa kihsensiyuck na yohk srihpac se nuh sesr kais sie: “Na kowos siyuk, Mea kut enenu in oru in folokot?” (Malachi 3:7). Kuh ke kahs sahyac, “Meac nga enenu in ekuhllah? Nga e oruh fuhkah nga in fototoyang nuh Sel?” Leum El topuk fwahk in luti yohk srihpac ke sie tafwuh singucul, tiacna ke masap luhn mani, tuhsruhk ke inkacnek in sang kena lasr ke insiacl.

    Kuht orekmakihn ohiyac se ke sucu lasr sifacna. Ninac kiacl Kathy ah welah Alu uh ke el matwac yac 22. Martha ac Bernard Williams elos wi Alu uh ke kihtin pacl, tuhsruhk ke elos mukwilac nuh ke siena acn, elos suhkwac fahsr wi alu. Bernard el eis pahng se ke solse in som nuh sac, ac Martha el mukwilac som nuh lohm ah nuh Tampa, Florida, yac el sruokyac nguhsr se in wi aunt ac uncle, lal ah muhta finne elos tiac luhngse Alu uh. El puhsisacl ke muhta lal yohrohlos, ahkoo in oswelah tuhlihk se emeet nahtuhl ac tiac wi Alu, Martha Williams el inseselac in muhtacwacack suhpuh sie tahfuh singucul lal nuh sel pisap. Tok ke moul lal, siyuckyuck lah efuh, el fahk lah el esam sie ma misineri ah lotel ke sie tahfuh singucul ac mwe insewowo sin God: “Kuht enenuh na pwacye mwe insewowo sin God nuh ke moul lasr, oruh nga muhtacwacack suhpuh sie tahfuh singucul luhk nuh sel pisap.” Martha ac Bernard Williams fohlohk nuh ke Alu uh. Mwe insewowo luhlahp elos eis—fihl ohnkohsr nahtuhlos ahkinsewowoyeyuck ke srihpen sulaclah lal in moli sie tahfuh singucul ke pacl se wacngihn ma sel tuhsruhk luhlahlfongi ke God ac finsrak nuh ke olwelah Lal.

  9. Matthew 22:21

  10. Liye 3 Nephi 24

  11. Liye Doctrine and Covenants 119:3–4. Sie tahfuh singucul me sang lahsr el sie tafuh singucul ke sie moli nuh sin Alu luhn God (liye Doctrine and Covenants 119:3-4; kapwack pa etweyuck muhmani [kom] oracah, Mempucr nuhkwewa oasr molo enenuh in moli sie tahfuh singucul” (General Hand book: Serving in The Church of Jesus Christ of Latter-day Saints, 34.3.1, Gospel Library).

  12. Malachi 3:10

  13. “Kuht moli sie tahfuh singucul, oacna ke Mwet Lahngo El luti, ke kuht use sie sin singucul nuhkwewa ‘nuh ke lohm in fihl’ (Malachi 3:103 Nephi 24:10]. Kuht oruh ohinge ke kuht moli sie tahfuh singucul nuh sin pisap kuh pracns prestuhn. Kuht tiac moli sie tahfuh singucul ke kuht kahsruh acn in kahsruh ma kuht luhngse emet. Kahsruh ma kuht sang nuh ke acn in sang kuht luhngse inge tuhkuh ke mani lasr sifacna, tiac ma ke sie tahfuh singucul ma sapkihnyuck nuh sesr in moli nuh ke lohm in fihl sin Leum” (Dallin H. Oaks, “Tithing,” Ensign, Mei 1994, 35).

  14. Doctrine and Covenants 120:1.

  15. Gordon B. Hinckley, “Rise to a Larger Vision of the Work,” Ensign, Mei 1990, 96.

  16. Liye “The 2022 Report on How the Church of Jesus Christ Cared for Those in Need,” Mar. 22, 2023, newsroom.ChurchofJesusChrist.org.

  17. Eis email yurin Missineri Department, Septempuh 14, 2023.

  18. Liye “Temple List,” ChurchofJesusChrist.org/temples/list.

  19. Eis email yurin Mempucr ac Rackohrt ma Oacwac Mwet, Julahe 28, 2023.

  20. Ma inge nwacnwack pacna Brigham Young University, Brigham Young University–Idaho, Brigham Young University–Hawaii, EnsignCollege, ac BYU-Pathway Worldwide.

  21. Eis email yurin Seminary ac Institute ke Julahe 28, 2023.

  22. Liye General Handbook34.3.1

  23. Prestuhn Dallin H. Oaks el akacsruhi ke sramsram se ke luhlahlfongi in Leum: “Ninac katinmas kiyuck el tuhfahlah tuhlihk srihsrihk tolu nahtuhl ke [kihtin] mani el sruokyac. … Nga siyuck sin ninac kiyuck lah efuh el moli sie tahfuh singucul yohk. Nga fah tiac muhlkuhnlah ahkuhtweyac se lal ah: ‘Dallin, oasr mwet kuh in moul finne elos tiac moli sie tahfuh singucul, tuhsruhk kuht tiac kuh. Leum El sulwaclah elan eis pahpah tomom ac fihliyucwi in tuhfekowoslac. Nga tiac kuh in oruh ohingacn fin wacngihn mwe insewowo luhn Leum, ac nga eis mwe insewowo ingacn ke nga moli suwohs sie tahfuh singucul luhk’” (“Tithing,” 33).

  24. Leum el fahk lah ke karihngihnyuck Lal, tiac elyah ke elyah ke tihkuclkucl ma e tuhkuh nuh yohrohsr, Alu uh e tu na fokoko lucng liki na ma nuhkewa oreklac ye facl luhn celestial (liye D&C 78:14)

  25. Tuhkuh ke sramsram lal Charlotte Martin, Aug. 30, 2023.

  26. Doctrine and Covenants 1:30

  27. Orekma 5:38–39

  28. Russell M. Nelson, “Kuhtanglac Facluh ac Sokwack MonglacLiahonaNohfuhmpuh 2022, 95