Moktek er kau le bedul a Templo

Mla er a President Russell M. Nelson

President er a Ikelesia er a Jesus Kristo er a Uriul-Klebesei el Santo

Ak yaksok el kmo sele klou a temem el ngara templo eke mo ngmai a klengeltengat el dirkak om ues er a klengar kau.

Rodam me a rodos, aikal eim el klebokel session er tial klou ongdibel, eke de mla mo medngelii el kmo chesmerel a babeluades a blok! Ak meluluuch el kmo kom milluches aikel mle duum er kau e mo oltirakl. A Demad er a Babeluades me a Ngelekel, Jesus Kristo, a dechor el keldmokl lolngeseu er kau. A kulengit me bo blechoel losiik er Tir sel mousbech a ngesou.

Dirk elisb, ea Sister Nelson me ngak a mlarngiii a techellam el omes rsel beches el season 4 er a Babier er a Mormon.¹ Mlo mechas a rengmam er tir. Me kuchotii er kemiu a telkib er tial teletael lolcholt er a Osobel er a bol duum el mo er a Nephites.

Ng klou a ututelel a Osobel al lulilt el mo chemolt el mo er a rechad er a templo. Tiang a Blil. Ng mui er a Klisichel. Lak el mochib osenged er a ikel loruul a Rubak el mer kid er a chelechang. Ng meruul a templo er Ngii el mo sebchir a rebek el chad el tmuu. Ng orreched er a omekdecherul a templo. Ng meruul er a techeled el loldak er a Israel mo klou. Ng dirrek el meruul er ngii el mo beot er kid el mo mesisiich a klaumera er kid. Ak yaksok el kmo sele klou a temem el ngara templo eke mo ngmai a klengeltengat el dirkak om ues er a klengar kau.

Chelechal taem e ngarngii a 168 el oureor el templo me a 53 el templo el omkedechor, ma lmuut el 54 el templo el blal du te mo omkedechor!² Ng dmeu a renguk el mo ouchais a uldasu el mo omekedechor a beches el templo er a ikakid el basio: Busan, Korea; Naga, Philippines; Santiago, Philippines; Eket, Nigeria; Chiclayo, Peru; Buenos Aires City Center, Argentina; Londrina, Brazil; Ribeirão Prêto, Brazil; Huehuetenango, Guatemala; Jacksonville, Florida; Grand Rapids, Michigan; Prosper, Texas; Lone Mountain, Nevada; ma Tacoma, Washington.

Kede dirrek el melasm el omkedechor a betok el templo er a ikel meklou el beluu el ngii a telkib el metacherbesul a olidiuul el mo er a mla dechor el templo. Maleuaisei, ng dmeu a renguk el louchais a kleua el basio el ngar bitara Mexico City el mo dechor a beches el templo el ngara Cuernavaca, Pachuca, Toluca, ma Tula.

Rodam me a rodos, a moktek er kau le blechoel bedul a templo el di ua le mlak om chau er a uchei. A kumekngeltengat er kau el merael mo kmeed er a Dios me a Jesus Kristo er a bek el sils. Ng betik a renguk er kemiu. Ea Dios lobengkem me sel de luut el kaseues, ea ika kululuuch el ngara chedaol ngklel a Jesus Kristo, amen.