Olngeseu er a Remechebuul ma re ngara Ringel
A Ikelesia er a Jesus Kristo a blak a rengul el mo mesiouer tirkel ngesoul, e dirrek el blak a rengul el loureor lobengterir a rebebil er tial lureor.
Rodam me a rodos, a betik er a rengud el President Russell M. Nelson a mo mengedecheduch er kid ruriul er tial ongdibel. Ng mla olengit mak mo kot el mengedecheduch.
A cheldechedechak er a chelechal sils a kirel a Ikelesia er a Jesus Kristo er a Uriul-klebesei el Santo me a rechedal el oldars e olngeseu er a remechebuul ma re ngara ringel. Ak dirrek el mo mengedecheduch er a osisiu el teletael el er a rebebil er a ungil chad. Oldars el mo er tirkel ngesoul a olisechakl er a rokui el klechelid er a Abrahamic me a rebebil dirrek.
Sesei el buil ra mla memong, a Ikelseia er a Jesus Kristo er a Uriul-klebesei el Santo a ulechais er sel kot el taem el kirel a klou el ngeseu er a urerel a humanitarian el meliuekl er a beluulechad.1 Sera 2021 ea milechoit el mortirkel ngesoul el ngara 188 el beluu meliuekl er a beluulechad a $906 million—el mochu billion dollars. Uldimukl er tiang, ea rechedal a ikelesia a ulngeseu lolab a temir el mle 6 million el sikang el meruul a osisiu lureor.
Aikal ochur, el uaisei, a diak el sel cherrungel el report el kirel a ikel doldars me a dolngeseu. Ng diak el uldimukl sel rechad er a ikelesia a kuk di tir el mesiou er a rebebil el ngara ikel mukedong el deruchall me a omesiou el mora rechedal a ikelesia. E dirrek tial 2021 report a diak louchais aikel riruul a rechedal ikelesia el mora rebebil er a chelechad el diak el uldimukl er a Ikelesia er kid. Ak kumuchel el melekoi a ikang.
Sera 1831, di kedeb er a erul rak ruriul ra moluut Ikelesia a mechederoder, a Rubak a uldersii tial chedaol ocholt el mo omekrael er a rechedal a ikelesia e, dirrek el oumerang el kmo, ng mora rokui el Rengelekel, ra beluulechad rokir:
“A Rubak a dilu el kmo ngdiak el ungil sel Ngii a oungerachel a rokui el tekoi; ele ngkel ngii a orim er ngii er a rokui el tekoi, a di osisiu el mesaik e diak el mellomes el mesiungel; …
“Uaisei ak melekoi, a rechad a kirir el meruul a ungil teletael, e meruul a betok el tekoi el ngarangii er a rengrir, me bol ngarngii a llemalt;
“Ele klisiich a loba rechad, meng di tir el melilt el kirir. Mesel rechad a meruul a ungil eng diak le bolak a omeksulir.”2
Ng betok er a okedei ma eai el rak (38 years) el ak Apostol, e betok er a okedei el rak (30 years) el kulureor er a urerek, e ak miles a betok el ungil omeruul ra cheldebechel ma kuk di dersta el chad el di uai tial chedaol ocholt a mesaod el “ungil teletael” me “bo[el] le ngarngii a llemalt.” Ngarngii a diak el ulcherangel el omeruul er a omesiou el meliuekl er a beluulechad, ma ikrel a beluad, el diak dodengei el kirel. Sel kumdasu er tiang, e ak metebengii a profet/King Benjamin el ngara Babier er a Mormon, el osisecheklel a uldimukl er tial diak a ulebengelel klemerang: “Sel mosiou el kirel a ngii dil chad ekau a meral mesiou er a Dios er kau.”3
Ulekerreu me a urerel a humanitarian el mora rebebil a lolsisechakl e loruul er ngii a Ikelesia er a Jesus Kristo er a Uriul-klebesei el Santo me kid el chedal a ikelesia. El uai tial okesiu, kede olsengerenger sel uchelel a bek el buil e odars aikel ual cheral a keled el mo olngeseu er tirkel lousbech a ngesou el chad er a ikelesia. A Ikelesia a dirrek el loltobed a meklou el ngesou el kirel a humanitarian me a bebil er a omeruul meliuekl er a beluulechad.
Meng diak el iior a Ikelesia er kid a meruul, a betok el ngesou ra humanitarian el mo ra rengelekel a Dios er a beluulechad el rokir a meruul lokiu a dersta el chad ma cheldebechel el diak el chedal a Ikelesia er kid. A tara Apostol er kid a ulemes: “A Dios a ousbech er a rebetok el chad el mo rullii tial klou mengasireng el urerel. … E leng kmal klou, e meringel, a dil kirel a tal chad.”4 Sel dechedal a mla moluut el Ikelesia, eng kired el mo medengei e mereng a saul er a omesiou er a rebebil.
A Ikelesia er a Jesus Kristo a blak a rengul el mo mesiou er tirkel ngesoul, e dirrek el blak a rengul el loureor lobengterir a rebebil er tial lureor. Kede dirk milsang a klou el sengk el mo ra United Nations World Food Programme. Chelsel a betok el rak e tial urered era humanitarian, ngarangii erung cheldebechel el dekausisbech: a ureor lobenterir a Red Cross me a Red Crescent el obis el ngara betok el beluu el longeseu era rengelekel a Dios er a temel a kerior me a mekemad. Osisiu, e kede dirrek lolngeseu lobengkel a Catholic Relief Services. Aikal cheldebechel a mla osisecheklid el kirel a ngeseu el mo er a rechad el meliuekl er a beluulechad.
Kede dirrek el mla oureor lobengterir a bebil er a cheldebechel, el uldimukl er ngii a Muslim Aid, Water for People, ma IsraAID, a di bebil ra bok basech. Meng locha bek el cheldebechel er a humanitarian a ngarngii a ikel kuk lemeduch er ngii, engdi ngdi osisiu a moktek er kid el oldoseb a ringel el ngara rengelekel a Dios. Ngii el rokui a telengtengil a urerel a Dios el mo er a Rengelekel.
A chedaol ocholt er a chelechal taem a olisechakl el kmo a Osobeled, el Jesus Kristo a “meral llomes el lomekllomes er a bek el chad el mer tial beluulachad.”5 El uaisei, a rokui el rengelekel a Dios a semeriar el mo mesiou er a Ngiis ma rebebil el moraikel tkur rebab el sebechir.
A Babier ra Mormon a olisechakl el kmo “a rokui el tekoi el ngii a mengususeu e olechau el mo meruul a ungil, el mo oubeltikelreng el mo er a Dios, el mo mesiou er Ngii, a nga er a Dios.”6
E melemolem:
“Kamosang, a Reng er a Kristo a mlo er a rebek el chad, me le bolodengelii a ungil me a mekngit; me a le uaisei, e kuchotii er kemiu a teletelel chomelebodeb el tekoi; le rokui el tekoi el mengususeu el mo meruul a ungil, e mengetikaik el mo oumerang er a Kristo, a mlodurokl el me loiak a klisiich me a sengk er a Kristo. …
“Me chelecha, rodam er ngak, … e blabo modengelii a llomes el sebechiu lobang el melebodeb a tekoi, el ngii el llomes a llemesel a Kristo.”7
A ikakid a bebil er a okesiul a rengelekel a Dios el olngeseu er a rebebil er a rengelekel a Dios el meklou a ultutelel el ua kall, osengelel a bedenged, ma olsisechakl:
Teruich el rak ra mla memong, ea re Kanhdaris, el Sikh el chad ma bechil el ngara United Arab Emirates, a milchelii a klaingeseu el mo omekang er a resongerenger. Ngokiu a Guru Nanak Darbar Sikh templo, e te merous er a betok ra 30,000 el belsoil diak a lou tech er a bek el Sandei el mo er a ngidil chad el me soiseb er tial ngarngii, el diak el iior er a klechelid malechub e techad er ker beluu. A toktang el Kanhdari ouchais, “Aki oumerang el kmo kid a tal renged; kede ngelekel a Dios, e kid a ngartiang el olngeseu er a rechad.”8
A ikel klalou er a medical ma haisia el mora rengesoul a dirrek el okesiu. Serak ngara Chicago, e ak milsang a toktang el Syrian-American el, Dr. Zaher Sahloul. Ngii a ngkel milchelii a MedGlobal, el oked er tirkel medical professional el mo ousbech a temir, kldachelbai, klemedengei, e oungerachel el mo olngeseu er a rebebil el ngara kerior, el uai sel mekemad ra Syria, el Dr. Sahloul a mlo olngeseu er tirkel chad ra beluu. A MedGlobal ma osisiu el cheldebechel (luldimukl ra kldachelbai el Uriul-klebesei el Santo) a ochotii el kmo a Dios a omekduch a rengrir tirkal kldachelbai el chad er a klechelid el mo olngeseu er a remechebuul ra beluulechad rokir.9
Te betok el ungil rengelekel a Dios a oureor lolisechakl, el meliuekl er a beluulechad el dirrek. Sel ungil okesiu, el dodengelii lokiu a urered ra humanitarian, a sel urerel a chad el Mr. Gabriel, el mle refugee el mle chemau a kakerous el uldikel a lebebil ra taem. Ng dirk mlo medengei el kmo a dart el telael el refugee rengalek el ngara Ongos ra Africa a ousbech a ngesou mel dil ngarngii a urungulir ma uldesuir di louedikel. Ngulked er a rebebil ra resensei el tir a refugee el blo lomekedong er ngii el “kerrekar el skuul,” ele rengalek a mo mechudel e mesuub el ngara cheungel a mechuu el kerrekar. Ng dimlak longiil er a rebebil mo oked a lechub el longedereder ngbai di mle ngii el oked er tial ureor el uchul mlo er ngii a techall er a omesuub el mor tirka el telael mekerei el ngalek er a skuul sel refugee.
Ng uaisei, a ikal edei el okesiu a diak el belkul a kmo a rokui el mla medung a lechub eng mla meruul lokiu a cheldebechel a lechub a dersta el chad a di ungil me a lechub a Dios a meral uaisei. A ikal edei el okesiu a ochotii el kmo a Dios a ulemekllomes a betok el cheldebechel ma dersta el chad el mo meruul a betok el ungil omeruul. Ng dirrek el lolcholt er a rebetok el chad a kired el mo medengterir er a aikel ungil blal ruul e dirrek el loldubech er tir eleng ngarngii a temed ma ikel dousbech el mo meruul.
A ikakid a bebil er a okesiu er a omesiou el Ikelesia oldubech me a rechedal a ikelesia me a rebebil er a ungil rechad me a cheldebechel a dirrek loldubech sel dersta chad donate a temir me a ududir.
Ak omuchel melekoi el kirel a ilmokl era klechelid. Me kede oldubech er tiang el kirel a klungioled, me a dirrek el klungiolel a bebil er a klechelid. El ua a kot el President er kid, el Joseph Smith, a ulsisechakl el kmo, “Aki mengerchir er a llemalt er a omengull er a Dios lolab a Bek el Klisiich el oltirakl a rengmam, e dirrek el kongei er a uaisei el techall el mo er a rokui el chad, me bol sebechir el ngar er se el sorir el teletael, me a sorir el basio, e longull er a se el sorir.”10
A bebil a okesiu er a mla moluut el Ikelesia el kirel a humanitarian me a bebil er a donations el loruul a rechedal ikelsia er a ikel skuled me a daingak me a ikel diak desal medengei engdi te mla mo olecholt el meklou el donations el mo olngeseu er tirkel ngara ringel e mla melukl eleng uchul a kerior el uaia tornado ma desiu.
A bebil er a omeruul el olngeseu el rechedal a ikelesia a olngeseu el kuk di tir el meruul a donation me a urerir a kmal betok sel bo domasech, eng di a debasech a bebil a mo ochotii a bekbedengel ureor me a belkul: olkebai a mekngit el teletael, omesuub el kirel a mo tomer e omekungil a rakt, olngeseu er a remechitechut, olngeseu a chelitakl me a urerel a museum, e olngeseu me bo lungil a beluu el mora rokui el chad.
A rokui el urerel a humanitarian er a Ikelesia er a Jesus Kristo er a Uriul-klebesei el Santo a oltirakl er sel okesiu er a remellemalt rechad el louchais er ngii ra chelsel a Babier er a Mormon: “Me sera lungil beserir, eng dimlak loltngakl er a re dimeau, a lechub a resongerenger, a lechub a mle meched a rengrir, a lechub a mle smerch, … el mle … ungil mora rokui el chad, a rechuodel ma rengeasek, a kelbus ma ilmokl, a sechal ma redil, ma lak el ngara ikelesia a lechub a le ngara ikelesia.”11
Ak ouchais el kmo Jesus Kristo, el llemesel me a chedaol reng er Ngii a omekrael er a rokui el rengelekel a Dios el lolngeseu er a remechebuul me a ngara ngirel er beluulechad el rokir. El ngara a ngklel a Jesus Kristo, amen.