Sine Odudu Fo Ke Idem, O Zion
Akpana nnyin owo kiet-kiet iduŋɔre mme akpan-nkpɔ eke ikpɔhidem ye spirit nnyin ke akpanikɔ ye ke akam.
Nke edi eti idiongo nkpo eke ediye usung emi Obong Jesus Christ adade ekpep-nkpo. Ke enamde anwanga, nke Andinyanga edi mme mbuk edade edomo akpaniko nkpo-Abasi diana nkpo isong ye ifiok-ukpep eke uwem-isong. Nte uwutnkpɔ, Ikɔ Abasi eke Obufa Testament ɔyɔhɔ ye mme ukpepnkpɔ edomode ye obio-ubong heaven ye nkwa mkpasip mustard kiet,1 eke pearl emi okponde urua,2 eke ete-ufɔk ye mbon-utom ke inwang vine esie,3 eke ndito-iban duop,4 ye ke ediwak nkpɔ eken. Kini ubak utom Obong ke Galilee, nwed Abasi owut ete ke “minyung idige ke nke enye itingke iko ino mmo.”
Se nke mme etop oworode itimke inam anwanga ofuri-ofuri/ Edi, mbuk owut edisana akpaniko kpot ono andibo nte ekemde ye mbuotidem esie ke Abasi, mbenge-idem spirit idemesie, ye ye udak edibo-ukpep. Ntre, owo ana enyene unen edimek onyung enehede “obup, oyom, onyung atuak”6 man okut mme akpaniko emi esinede ke nke.
Ami menehede mbenge yak Edisana Spirit ediyama nnyin owo kiet-kiet ke nte nnyin idahaemi ikerede-ibanga ufon nke udia ndɔ eke mbong.
Udia-ndɔ eke Mbong
“Ekem Jesus … otongo ntak otop nke ono mmo, ete,
“Obio Ubong Heaven ebiet edidem kiet, emi anamde udia-ndɔ ono eyeneren esie;
“Enye onyung odong ikot esie edidoho mmo emi ekokotde edi udia: ndien mmo inyimeke ndidi.
“Enye otɔŋɔ ntak ɔdɔŋ ikot esie efen, ete, Edɔhɔ mmo oro ekokotde ete, Sese, mmanam udia mma, ewot enaŋ mi ye munam eke esehede, enyuŋ enam kpukpru nkpɔ ema: edi udia-ndɔ.
“Edi mmo ikereke, enyuŋ edaha eduk afaŋ mmɔ, kiet aka inwang esiemo, efen aka urua.”7
Ke eyo eset, kiet kotu akpan inem usoro ke uwem mbon Jew ekedi usoro ndɔ—edinam emi edibighide udua kiet mme iba. Oruk edinam oro eyeyom anyan-ini mbenge-idem, ndien eyebak etot mbon editiede ke okpokoro, ye ndino nwed editi ke ntongo usen eke mme usoro oro. Ikoot emi otode edidem ebine ikot esie ete edi udia-ndɔ oruk ntem ekedi ata akpan nkpo ebietde ewuhɔ. Edi, ediwak mbon okpokoro emi ekokotde ke nke emi ikidige.8
“Edisin ndika usoro edidem ekedi okokoi [edinam] nsɔŋ-ibuot ye … odudu ubong ye owo ediiyat esit ye andidu ke ifim ukara ye eyeneren esie. … Owo kiet ediwɔŋɔre nka inwaŋ esie ye eken edika [mbubehe udori esie]”9 owut edisin akpan nkpɔ mmɔ ye ata unana-ukpono nno ikoot edidem.10
Nke oro aka-iso ete:
“Ekem enye odoho ikot esie ete, Ema enam udia-ndɔ ema, edi mmo emi ekokotde idotke.
“Mbufo eka ndien ke nnwanga usung ekekot kpukpru mmo eke edikutde edidi udia-ndɔ.
“Ndien ikot esie ewongo eka ke okpo-usung ekatang kpukpru owo, adanga nte mmo ekutde, mme idiok ye nti nko, edibon otokiet: ndien ubet udia oyoho ye mmo emi etiede ke okpokoro.”11
Ido ke eyo oro ekedi eke anam udia-ndɔ—ke nke emi, edidem—ndino mmo emi etiede ke okpokoro ofongidem. Oruk ofong ndɔ oro ekedi mmem-mmem, ananade-ewewet uruk emi kpukpru mme andiduk edisinede. Ke usung ntem, ndaha ye mbiet ikoduhe, ndien ofuri owo ke usoro oro ekem ndibuaha nte edide ukem-ukem.12
Mme owo eke ekotde ke usung ete ediduk ndɔ oro idinyeneke ini mme ukeme ndidep nsine eke odotde ndibenge idem nno usoro oro. Mmodo, ebiet nte edidem okono mbon okpokoro mme ofong otode ke itie-ofong esie. Ema eno ofuri owo eti-ifet ndisine ofong ubong ke idem mmo.13
Nte edidem odukde ufot-ufok ndɔ, enye edise otuowo ndien ososop okut ke nworo-nda owo okkpokoro kiet ikisineke ofongidem ndɔ. Ema edda erenowo edi iso, ndien edidem ɔdɔhɔ enye ete, “Ufan, afo anam didie oduk mi ke musineke ɔfɔŋidem ndɔ? Edi enye inyeneke se oborode.”14 Ke ntre, edidem odoho enye ete, “Nsidi ntak eke afao musineke ofongidem ndɔ, okposuk nte ke ema ekeno fi kiet?”15
Owo emi ikitimke isine ɔfɔŋ inɔ akpan edinam emi, ndien udim ikɔ oro, “Edi enye inyeneke se ɔbɔrɔde” owut ke enye ikinyeneke efaŋa.16
Elder James E. Talmage ɔnɔ ikɔ item kabaŋa se edinam owo oro ɔkɔwɔrɔde ete: “Koro owo oro mikisineke ɔfɔŋidem ndɔ akanam ndudue asari, edikoi nnana-ukpono, mme usuk ediwak akwa ndudue, anwanga oto ke mbuk oro. Edidem ke akpa ini ama enehede ɔfɔnido, ndibup nte owo oro akanamde oduk ke misineke ɔfɔŋidem ndɔ. Ekpedi nte owo-okpokoro oro ama ekeme nditiŋ nwut ntak isio-isio ɔfɔŋidem esie, mme ekpedi nte enye ama enyene eti efaŋa ndinɔ, enye ekpeketiŋ; edi edɔhɔ nnyin ete ke enye ikenyeneke se ɔbɔrɔde. Ikoot edidem ekedi ke mfon ono kpukpru mbon emi ikot esie ekekutde; edi mmo kiet-kiet enyene ndiduk efe mbong ke usung; ndien mbemiso edisim ubet usoro, emi edidem edidide ke idemesie, owo kiet-kiet enyene ndisine ofongidem ofon; edi eke eduede, ke ubak usung ediduk ke usung efen; inyung ibehe mme ekpeme inua-otop ke enyin-usung, owo oro edi abiat-ibet.”17
Owo ewet-nwed Iko-Abasi kiet, John O. Reid, odoho ete ke owo oro editre edisine ofongidem ndɔ owut ata unana-ukpono ono edidem ye eyeneren esie.” Enye iknanake ofongidem ndɔ; edi, enye ekememek etre ndsine. Enye osong-ibuot etre ndisine ofong ekedotde ye usoro oro. Edinam edidem ama osop onyung enyene-ubiere: “Ebop enye ubok ye ukot, enyung etop enye eduok ke ekim ke esien; do ke eritua eyet ye erita edet edi-du.”18
Ubiere edidem kabanga owo oro ikongoke esisit ke unana ofongidem ndɔ—edi koro “enye, ke akpaniko, ama esin ndisine ofongidem ndɔ. Owo oro … ama enyene udong ndika udia ndɔ, edi … ikiyomke nditiene ido eke edidem. Enye okoyom ndinam nkpo ke usung esie. Unana edinehede nsine ofong okowut ntotungo nsong-ibuot esie ye edidem ye mme item esie.”19
Mmo eke Ekotde Ewak, edi Mmo eke Emekde Iwakke
Nke oro editre ye akpan itie nwed Abasi emi ete: “Koro mmo eke ekotde ewak, edi mmo eke emekde iwakke.”20
Ofon, Joseph Smith anam edinehede ke ufaŋ-nwed emi ke Matthew ke nnen-nnen edikabare esie eke Bible ete: “Koro mmo eke ekotde ewak, edi mmo eke emekde iwakke; ke ntre kpukpru owo isineke ofongidem ndɔ.”21
Edi kot ete edi udia-ndɔ ye edimek man abuana ke udia enyene ebuana edi ukpuhode odu. Ikoot oro edi ono kpukpru irenowo ye iban. Owo kiet ekeme ndinyime ikoot oro onyung editie ke udia oro—edi owo imekke ete abuana koro enye inyeneke nnen-nnen ofongidem ndɔ eke edinyene mbuotidem ke Jesus Christ ye ke edisana mfon Esie. Ntem, nnyin iminyene ikoot Abasi ye iboro emi nnyin inode ikoot oro, ndien ekeme edikot ediwak edi mbon emi emekde iwakke.22
Ndi-di mme ndikabare ememek idige isio-isio ndaha emi eyakde eno nnyin. Edi, afo ye ami ke akpatre iyekeme edimek man emek oto ke edinam edinen-ido eke unen edimek nnyin.
Mbok eti edisin ikɔ oro emekde ke mme ufaŋ otode Doctrine ye Covenants anditiene emi ifiɔkde ete:
“Sese, mmo eke ekotde ewak, edi mmo eke emekdeiwakke. Ndien nsidi ntak ke emekmmo?
“Koro esie esit esede ediwak eke ererimbot emi, enyuŋ eyom ukpono owo.”23
Ami mmenim ke se ufang nwed emi oworode edi ata akpaniko. Abasi inyenekenwed-ibat eke mfoniso emi anade nnyin ikere ke usen kiet ke eyedian enying nnyin. Enye isuhokede “mbon emi emekde” ika esisit owo emi enimde adanga eno. Edi, esit nnyin, udong nnyin, nnyin edikpono ndisana ediomo ye edinam iko Abasi, nnyin edi-nam ibet, ndien, ata akpan-akpan, mfon ye mbom ufak eke Andinyanga mme ebat nnyin nte kiet emi Abasi emekde.24
“Nnyin iting-enyin inam utom ndiwet , ndikpe ndito nnyin ubok, nko ye ndito-ete nnyin, ete enim Christ ke akpaniko, enyung enam mkpe-mbiere ye Abasi; koro nnyin imefiok ete ke oto ke mfon ke erinyanga nnyin, ke ima ikanam ofuri ukeme nnyin ikure.”25
Ke edinwana-idem eke uwem nnyin ke ofuri usen ye ke mfina eke idiok ererimbot emi nnyi idungde mi, nnyin imikeme edikpong nkpo nsinsi emi ofonde ama ke ediyom inemesit, uforo, uworo-etop, ye uworo-iso nte akpa akpan-nkpo nnyin. Ediyom ekpri inemesit ye ke “nkpɔ ererimbot emi” ye “ukpono eke owo” ekeme edi-nam nnyin inana unen nkpɔ-Abasi inɔ nkpɔ eke ekpride akan udia ɔkɔti.26
Enwongo ye Ikɔ-ntiense
Ami mfiak nting item Abasi onode ikot Esie emi otode prophet Haggai eke Akani Testament ete: “Jehovah mme udim odoho kemi, ndien, ete, Mbufo etim ekere usung mbufo.”27
Nnyin owo kiet-kiet inyene nditim ndungore mme akpan-nkpo eke ikpokidem ye eke spirit ndien ibong akam man ikut mme nkpo ke uwem nnyin emi ekpetrede ediwak edidiong emi Ete Heaven ye Andinyanga eduakde ndiyak nno nnyin. Ndien ke akpanikɔ Edisana Spirit eyenwam nnyin ndikut idem nnyin nte nnyin itimde idi.28
Nte nnyin itimde iyom eno spirit ekeenyin ndikut ye utong ndikop,29 ami nwɔŋɔ ke nnyin iyebɔ edidiɔŋ ye ukeme ye ubiere man ɔsɔŋɔ ediomo emi eyiride nnyin ye odu-uwem Abasi. Nnyin nko iyebɔ odudu Abasi ke uwem nnyin30—ndien ke akpatre edikot enyuŋ emek nnyin esin ke usɔrɔ-udia Andinyaŋa.
“Demere, demere, sine odudu fo ke idem, O Zion.”31
“Koro Zion mmong okori ke uyai, ye ke edisana-ido; adanga esie ana okpon; mme adaha esie ana osongo-ada; ntre, ke akpaniko ami ndoho mbufo nte, Zion ana adaha-ada onyung esine ndiye ofongidem esie.”32
Ami ndara mfiori ntiense mi mbaŋa edisana ye akpanikɔ odu-uwem Abasi, nsinsi Ete nnyin, ye Edima Eyen Esie, Jesus Christ. Ami nting iko ntiense ke Jesus Christ edi Andinyanga ye Andifak nnyin ndien ke Enye odu uwem. Ndien ami nko ndi ntiense ke Ete ye Eyen ema ebiɔŋɔre enɔ ekpri-eren Joseph Smith, ntre editɔŋɔ Mfiak-men ikɔ Abasi Andinyaŋa ndi ke ukpere-edem usen emi. Yak nnyin owo kiet-kiet iyom inyung ibo edidiong ye enyin ndikut ye utong ndikop, ami mbenge ke edisana enying Obong Jesus Christ, amen.