Ke Ofuri-esit
Nnyin inyene ndidi mme anditiene Jesus emi idareke ye ofuri-esit ke usuŋ-isaŋ idem nnyin eke owo-mbet.
Ubakini, esinwam ndidiɔŋɔ nkpɔ se iyomde.
Ekperede utit utom ukworo-iko Esie, Jesus odoho mme Apostle Esie ete ke mkposong ini eyedi. Edi Enye nko ete, “Ekpeme ekutimere esit.”1 Ihn, Enye eyekpong, edi Enye idiyakke mmo etie ikpong.2 Enye eyeno Spirit Esie edinwam eti mmo, atuak-ada, ndien ɔnɔ emem. Andinyaŋa anam eŋwɔŋɔ Esie ndidu ye nnyin osu,nte mbet Esie, edi ana nnyin ika-iso ise Enye man anwam nnyin edifiɔk nyuŋ ndara ke iso Esie.
Mme mbet Christ ke ofuri ema esikut mkposong ini.
Edima ufan mi okono akani nwed otode Nebraska Advertiseresok mi, nwed-etop eke Midwestern United States, usen ofiong edide July 9, 1857. Nwed-oro okot ete: “Ke ubak-usen emi otu mbon Mormon edi-be ke isaŋ-usuŋ emi mmo ekade Salt Lake. Iban (emi mitimke iye ke akpaniko) eduride ukpat-mkpɔ nte mme unam, [nnwan] kiet ama oduo ke ndinwen mbat emi, emi esinde esisit edibet ke isang oro, mkpri nditɔ esaŋade-etim-idem ye ɔfɔŋ [esen] idut mmɔ ke esin-odudu ukem nte eka mmo.”3
Ami mmekere ediwak mbanga nnwan emi okoduode oduk mbat do. Nsidi ntak emi enye okoduride ikpong? Ndi enye ekedi eka-ndito emi ebe miduhe? Nso ikɔ-nɔ enye odudu esit-idem, ime, ye osongo ndinam oruk ekaha isaŋ oro ke mbat, ndiduri ofuri inyene esie ke ukpat-mkpo nka una-isong ufokidung emi enye mifiokke—ke ubakini mme andise ke esasak enye?4
Prophet Joseph Smith eketing abanga odudu esit-idem eke mme ebe-iso iban emi, ete: “Nte afo emekeme editre kiet kotu iban emi mkpong se mmo enimde ke Ufok Abasi Jesus Christ eke Latter-day Saints? Nte afo emekeme edibiat esit mmo kabanga utom ukworo-iko eke Prophet Joseph Smith? Nte afo emekeme edi-nam mmo etre edi-ti edisana utom ukworo-iko eke Jesus Christ, Eyen Abasi? Ihn,ihn, idige ke ererimbot emi ke afo edikeme edi-nam oro. Ke ewe ntak? Sia mmo ema ediongo oro. Abasi ama ayarare oro ono mmo, ndien mmo ema efiok oro, ndien iduhe odudu ndomokiet ke isong emi okpowongode mmo okpong se mmo ekediongo ete kedi akpanko.”5
Ndito-eka iren ye iban, ndidi oruk iren ye iban oro edi ikoot eke usen nnyin emi—mme mbet emi edungore man enyene osongo ke ndika-iso nduri kini ekotde ete esanga ebe ke wilderness, mme bet ye mbuotidem emi Abasi ama ekeyarare eno nnyin, mme anditiene Jesus emi edarake ye ofuri-esit ke isang-usung eke owo-mbet mmo. Nte mme mbet eke Jesus Christ, nnyin iminim ndien imikeme edikori ke nti akpaniko ita.
Akpa, Nnyin Imikeme Edinim Ediomi Nnyin, Kpa Kini Oro Mimemke.
Kini mbuotidem fo, ufokemana fo, mme ini-iso mbufo afinade—kini afo ekerede ntak emi uwem enehede osong kini afo anamde ata ukeme fo ndinam iko Abasi—ti ete ke Abasi ama odoho nnyin ete ke iyekut ukut. Ukut edi ubak nkpo eke uduak ndien iworoke ke ema esin mbufo, mmo edi ubak ke se oworode ndidi eke Esie.6 Nte ededi, Enye ekedi, “owo ukut, onyung emehe ke mfuho.”7
Ami mmediongo ke Ete Heaven enehede ekereke abanga nkori mi nte mbet Jesus Christ akan nte Enye anamde ye idongesitmi. Ke ofuri ini ami ndiyomke ed-dii ke usung oro—edi edi ntre!
Ndidung ke emem imenke odudu idi. Odudu eke nnyin iyomde man iyo mfina eyo nnyin emi edi odudu Abasi, ndien odudu Esie oworo oto ediomi nnyin ye Enye.8 Ndibere-edem ke mbuotidem nnyin kini ikutde mkposong idomo—man inehede isinifik ofuri usen man inam se ikenwongode ye Andinyanga ke nnyin iye nam, ukem ye akpan-akpan kini nnyin ikopke mmem-idem, ifina-idem, inyung inwana ye ikpo mbume ye mfina—edi ndibo unwana, osongo, ima, Spirit, emem Esie nsid-nsid.
Ndaha edisanga ke usung ediomo edi ndiyom Andinyanga. He edi nde, idige mfon-ma nkori nnyin. Oro idige mbuba, ndien inaha nnyin ida usung-isang nnyin idomo ye mbon efen.’ Ekpedi kini nnyin ifumde, Enye odu do.
Udiana, Nnyin Imikeme Ndinam-Nkpɔ ke Mbuɔtidem.
Nte mme mbet Jesus Christ, nnyin imifiok ke mbuotidem ke Enye oyom utom—akpan-akpan ke mkposong ini.9
Ediwak mme isua emi ekebede, ete ye eka mi ema ebiere ndifiak mbri ubri-nkpo ke ufok. Okoneyo oro mbemiso obufa ubri-nkpo edisim, eka mi odoho ndito-eka mi irenowo ete esio nkpo ndung-ufok enyung ewai mme ubri-nkpo eke ubet-ufok esio man otodo edikeme edidian obufa ubri-nkpo. Emily, eyen-eka mi nnwan emi ekedide isua Itiaba kini oro, ama edede idap. Ntre, kini enye ekede-de, mmo sung-sung ema esio kpukpru nkpo ndung-ufok ke ubet esie, ke ebede bed, ndien ekem ediwai ubri-nkpo oro esio. Nte ededi, kem nte ikpo ndito-eka irenowo esinamde ke ubakini, mmo ema ebiere edi-nam mbre-nkari. Mmo ema esio ofuri nkpo-ufok esie ke inuho-ufok ye ibibene, edinim ubet-ufok oro ukpok. Ekem mmo ediwet ekpri-nwed enuyng edian ke ibibene: “Edime Emily, nnyin imiidaha. Nnyin iyewet ke esisit usen inyung isian fi ebiet emi nnyin idude. Ima, ufokemana fo.”
Edem usenubok oro kini Emily ikidige udia-usenubok, ndito-eka irenowo ema eka ekeyom enye—enye okodu do, ofuho onyung odu ikpong edibe ke edem usung-ufok eberide. Edikem Emily edikere abanga ifiok-ukpep emi ete: “Ema enuaha mi. Edi nso ikpikitibe edieke ami mkpekesopde mberede usng-ufok oro? Nso nkpo ke ami mkpeke-kop? Nso ufik nkpo ke ami mkpeke-kop? Ami mkpe-ke-diongo ke ami nduhe ikpong. Ami mkpeke-diongo ke enehede ema mi. Akanama ekikere oro ikidukke esit mi ndinam nkpo mbanga ndaha mi. Ami ndifre-mbanga nnyung ndu ke inuho-ufok mi ntua-eyet. Ndien ke ntre edieke ami mkpeke-berede usung-ufok oro.“10
Eyeneka mi nnwan ama anam akpaniko kabanga se enye okokut, edi oro ikidige ekikere ke usung nte nkpo ekedide. Nte oro idige inemke koro nnyin, nte Emily, imikeme edikop mmem-idem ke mfuho mme ubiak mme ikpan mme ndifina-idem mme ndobo mme ifiopesit mme edikpu ke oro ikitibekeino nnyin man inam nkpo, ediberede usung-ufok, man anam nkpo ye mbuotidem ke Jesus Christ.
Nwed Abasi oyoho ye uwutnkpo irenowo ye iban, mme mbet Christ, emi, kini ekutde mkposong nkpo, etim enam-nkpo—emi adahade-da ke mbuotidem onyung asanga.11
Eke mbon akpa-mfia emi ekeyomde enam-asana, Christ ete: “Eka ekowut mme oku idem mbufo. Edikem, nte, mmo esangade eka, enam mmo esana.”12
Mmo eka ekowut mme oku idem mmo nte ke mmo ema esasana, ndien ke usung edi-nam oro, mmo esana.
Ami nko mmoyom ndidoho ete edieke ekikere edi-nam nkpo ke ufot ubiak etiede nte imemke, mbok ye utom fo edi ke omoyom unwam—eke ufan ufokemana, owo ufok Abasi, adausung ufok Abasi, ata-ifiok kiet. Emi ekeme edi-di akpa utom man enyene idorenyin.
Oyoho Ita, Nnyin Imikeme Edi-di ke Ofure-esit ye Idaresit ke Nwaidem Nnyin13
Kini mkposong edide, emi mmedodmo edi-ti ke ami mmemek editiene Christ mbemiso ami nkedi isong ndien oro afinade mbuotidem, nsong-idem, ye ediyo mi edi ubak ofuri ntak eke ami ndude mi. Ndien ami ke akpaniko ndikereke ke mfina mfim emi eyeyik ima emi Abasi enyenede ono mi mme edikpuho mbuotidem mi ke Enye nsin ke eyighe. Idomo iworoke ite ke uduak okpu; mmo edi ubak nkpo ke uduak oro emi edinwamde mi ndiyom Abasi. Ami mmekabare ntie nte Enye kini ami nyode ke ime, ndien ke idorenyin, nte Enye, kini ukut, ami nehede nsongo mbong-akam.14
Jesus Christ edi mfon-ma uwutnkpo eke edima Ete nnyin ke ofuri esit Esie—ke ndinam uduak Esie, ishe ekom-urua.15 Ami nyom editiene uwutnkpo Esie ke ndinam ukem oro.
Ami mmekop inemesit oto ke ofure-esit, ofuri-ukpong owo-mbet eke ebekpa emi ekesinde mkpri-okuduk iba esie ke usin-etibe eke temple. Enye ɔkɔnɔ kpukpru se enye enyenede.16
Jesus Christ ama ofiok ediwak kpukpru nkpo esie kini mbon efen ekekutde unana esie kpot. Ukem oro edi akpaniko ye nnyin owo kiet-kiet. Enye ikwe unana nnyin nte ndudue edi okut nte eti-ifet ke ndinyene mbuotidem nnyung nkori.
Akpatre
Mme nsanga mi eke owo-mbet Jesus Christ, ke ofuri esit mi, ami mmemek edida ye Abasi. Ami mmemek edida ye edimek isungutom Esie—President Russell M.Nelson ye mme nsanga Apostle Esie—koro mmo eting-iko eno Enye enyung edi mme anam-ibat eke edinam ye ediomi eke obopde mi ono Andinyanga.
Kini ami nduode, ami nyeka iso ndidaha-nda, ndori-enyin ke mfon ye odudu eke Jesus Christ. Ami nyedu ke edimo mi ye Enye nnyung nam-utom otode ke mbume mi ke ndikot iko Abasi, ke mbuotidem, ye ke unwam Edisana Spirit, edide ndausung eke ami mbuotde-idem. Ami nyeyom Spirit Esie kpukpru usen ke ndinam mkpri ye ndimem nkpo.
Emi edi usung eke owo-mbet mi.
Ndien tutu usen oro eke edikokde ofuri unan, ami nyebet Abasi nnyuŋ mbuɔtidem ke Enye—ini, Esie, ifiok Esie, uduak Esie.17
Ubok ke ubok ye mbufo, ami nyom edi-da ye Enye ke nsinsi. Ke Ofuri-esit Edidiongo oro kini nnyin imade Jesus Christ ke ofuri esit nnyin, Enye ono nnyin kpukpru nkpo ke usiene.18 Ke enying Jesus Christ, amen.