Yesus Kristus: Fare Cha’ ni ba ayuweg Ya’el Rodad
Nap’an gadad ba kal’ngan’dad ko dened rodad, gadad ba paag fare bayul ku Kristus ni ayuwegdad u lane yafos rodad.
Pi Walageg, u biney e Madnom ni kadbul ko Easter gum’irch’eg e ba falfal’an nap’an tay u wun’ug fare tin tha’bi mangil, fare rib fel’, nge fare dabiyog ni nang fan ni ke rrin’ u chep ko gidii’—fare bayul ko Somoel rodad, Yesus Kristus. Fapi thin ko fare profet Isaiah ni ba weliy fare yafos ko tha’bi mangil ko fare Ta’athapeg ngak fapi bitir ku Got:
“Rriyulʼ ni i gafgow i thamiy amthun e kirbaenʼ rodaed, nge malngin i chibiy e pi gafgowaenʼ rodaed; machane da lemniged ni Got e ke gechig nag, me gafgow ko amith.
“Machane ni madʼad ngakʼ ni bachan e pi ngongol rodaed nib kireb, ma i bech doew ni bachan e pi denen rodaed; Gafgowen e gapas rodaed e aw nga dakean; nge pi dumow ni un tay ngakʼ e ke thapegdaed riy.”1
Nap’an ke fek u dakaenen fapi denen ko gidii’, ke kruth nag machane de rin’ e tin kireb, nge ke fas ko yam u dalip a rran tomur,2 Yesus ke pii’ ngak e fan ko fare gam’ing ko Passover ni ke pi’ ngak Israel u kakrom.3 Ke fulweg ko fare prophecy, Ke pii’ e dowef nge racha’ rok nifan ko fare ta’ab gaa’ mab tomur e maligach,4 ba gel’ nag fapi pow nib yool ni ke use nag ko fare mitmit ko fare Passover ko Somoel u dakean e maligach.5 Nap’an ni ke rin’, Kristus ke thamiy e gafgow ko dowef nge ya’el ni dabiyog ni gadad ba nang fan. Fare Tathapeg e ga’ar:
“Musap, Gag, Got, kug gafgow nag gubin ban’en, …
“Ni gafgow ney ko gag, Got, ni th’abi fel’ ko gubin, ni kug da’daa’ bachane amith, nge kug map’ e racha’ag, nge kug gafgow ko dowef nge ya’el—nge dabug ni nggu unum ko fare kap ni mo’oy, nge sulsul—
“Ni dariyfan, rir ngak fare Chitamangiy, nge kug unum nge muu’ nag fare fal’eg rogoy ko pi bitir ko pumo’on.”6
Kristus ke fal’eg fare ba adag Chitamangiy7 u dakean maligach nib manemus nge murnguy Rok. Ke liibean fare gafgow ko yim’ ko dowef nge ya’el,8 ni ke yib ngak e fayleng bachane fare Mul,9 ni pii’ ngodad e yafos nib manechubog.10
Kemus ni Yesus e cha’ ni rayog fal’eg biney e maligach nib manemus ngodad.11 Ke mel’egen u Council nib Gaa’ u Tharmiy, um’on ke sunmiy e fayleng.12 Nge, ke gargeleg ko ppin ko fayleng, ke thapeg e rogon rayog ni ke yim ko dowef, machane ku Got, bachane ir facha’ ni Ma’agirag Rok’ e en Chitamangiy, ke thapeg fare gelngin ni pii’ e yafos Rok nge fas ko yam.13 Nge, Krisuts ke fas a yafos nib tha’bi mangil ni dariy tin nib alit, ere, gathi tuntun ko fare tin nib mangil.14 Boech e ningyal’ fare Profet i Joseph Smith ke fil:
“Wo’en e thap dabi yib ngak e gidii u fayleng ni dariy e ayuw ko Yesus Kristus.
Got … e ngongliy rogon ba maligach nib ta’awath ni’ir fare Faak ni kari mus, ni thingar da … bing e maab rodaed ni ngayag yibe bee’ ngak’ Somoel.”14
Udakaen e maligach rok fare Taathapeg ke chuweeg mang ra rrin’ ko yam ko dowef u dakean maligach Rok,16 De chuweg mang gadad ba t’uf rrin’ ni ngad kalngan’dad ko denen rodad.17 Machane, ke pining ngodad ni ngad m’aged gimed ngak Chitamangiy nu Tharmiy. Udakean Yesus Kristus nge bayul Rok, rayog ni ngad thamiyed e thilyeg nib gel u lane tafinay dad nge gum’ircha’dad, ni pi’ ngodad e tafinay nib mangil, ngak Got nge yafos.18 Nap’an gadad ba kal’nagn ko denen rodad, chel e gum’ircha’dad nge pin’en ni ba’adag ngak Got nge motochiyel Rok, rayog ni ngad thapeged n’agfandad nge thamiyed nib ga’ fare Kan ni Thothup. Ufithik e murunguy, ni dabda thamiyed fare gafgow ni ke thamiy e Taathapeg.19
Fare tawa’ath ko kal’ngan me dag ngodad e adag ku Got ngak gidii’ Rok nge ba dag ngodad gelngin Rok ni ba ayuwegdad athamgil ko denen rodad. Nge ir ba dag ngodad fare gum’aen nge athamgil Rok Chitamangdad nu Tharmiy ko waer rodad. President Russell M. Nelson, profet nib t’uf rodad, ke pinning tawa’ath ney ni “fare kiy ko falfalan’ nge gum’an.”20
Pi fagar rog, Gu ba micheg ngomed, nap’an gadad ba kal’ngan’dad ko dened rodad,21 gadad ba paag fare bayul ku Kristus ni ayuwegdad u lane yafos rodad.22 Dab da kalbus nagdad ko denen, ngad pir’eged e falfalan’ u milekag ko fayleng, nge rayog ni bay e yafos nib manemus rodad, ni ke fal’eg ko boelngin ko fayleng ngak gubin ba mich u wunem ni Yesus Krisuts nge mu Ngak.23
Nge ni boech ni tawa’ath ney, fare Taathapeg pi ngodad ayuw nge mocha’ nap’an gadad ba gafgow, denen, nge waer ko yafos u fayleng, ni ta’ab rogon e tin ni kad thamiyed ko pandemic ney. Gu ba micheg ni Kristus manang fapi gafgow gadad ba thamiy u yafos ney. Ke nangfan gubin e mo’oy, gafgow, nge amith nge fare tin nib mo’maw ko thamiy nge ya’el. Ngorong rok Somoel e ke sug nag tawurngimed, nge irma ba’adag ni nge ayuwegdad. Ireray bachane ni ke nang nge fek nga dakaen en uringin e amith ko dow ko magawon nge m’ar rodad.24
Ko moeding nge sobutan’ ko gum’ircha, Ke mel’eg ni e yafos nib dowef nge e gidii’ nu fayleng ra wadul, tamun, nge minming ngak, ni ma’ad’aden ko dened rodad. Ke gafgow pinney ko gubin gadad, ke fek udakenen gubin e denen ko fayleng,25 nge Ir ba e cha’ nib taliilily nib ya’el rodad.
Nap’an gadad ba chuchugur Ngak, ni paag ayuwegdad urogon Ir ba adag, ni rayog ni ngad feked mat’ Rok, ni ba moem, nge gafgow Rok, ni ba baa’ud, ni ngad pir’eged gapas nge toffan. Nge, ni ba e gelngin ngodad ni gadad ba t’uf ni gelnag e tin nib kireb, waer, nge gafgow ko yafos, ni ba mo’maw ni gadad ba athamgil ni dariy e ayuw nge gol Rok.26 Fapi chepin nib thothup machib ngodad, “mu pi’ e gilab rom ngak Somol, ma bayi n’ufegem.”27 “Ma gomanga bing Got woʼen [ngomed] ni nge yog ni ngam baʼud [gaed], u dakean e falfalaenʼ [rokʼ] Fak.”28
Ni toboelngin’ ko tomur e duw, Kug fil e pumo’on nge ppin ni kar yim gow, Mario nge Regine Emerick, ni kar yul’yul’ gow ngak Someol nge kar yim gow aningeg e rran tomuren e reb e cha’, bachane COVID-19.
Ta’areb e fak nib pumo’on rok, ni ir ba pigpig e bishop u Brazil, ke non ngog: “Ke mo’maw ngog ni kug guy galabthir rog kar yim gow ko fayleng ney ko COVID, machane kug thamiy fare pa’ Rok fare Somol u lane yafos rog nap’an e ngiyal nib kireb, bachane bay yib e gapas nge gelngin ni ayuwegeg nang fan rog. U dakean mich rog u Yesus Kristus nge Bayul Rok, bay yib e ayuw nib thothup e rayog ni nggu gel nag nge pii’ gapas ngak e chongin ko tabinaw rog nge gubin e gidii’ ni ayuwegeg ko ngiyal nib mo’maw ney. De rin e susun ni dabiyog ni nge buch, i gag e micheg ko fare thilyeg ni ke rin u lane yafos rog nge fapi yafos ko tabinaw rog. Kug thamiy e gapas u lane gum’ircha’eg, ni pii’ ngog e athap nge adag Rok Taathapeg ngog nge fare kanawo nib falfalan Rok Got ngak pi fak. Kug fil ni rran nib gafgow, fapi paa’ ko fare Taathapeg ra yib ngodad nap’an gadad ba sap Ngak u fithik e gum’ircha’dad, gelngindad, tafniydad, nge geldad.
Pi walageg, ko biney a Madnam ko Easter, Gu ba pii’ e m’ag rog ni Yesus nike faskoyam’ nge ir ma fas. Ya mich rog ni u dakean En nge bayul Rok, fare Taathapeg pii’ ngodad e rogon ni liibean yam’, ko dowef nge ya’el. Nibe un reb e taw’ath ney, Irma pii’ e ayuw nge gol nap’an ningyal’ nib mom’aw. Guba micheg ni nap’an gadad ba tay’ed pagaen’ngak Yesus Kristus nge Bayul Rok, athamgil ko mich rodad, ba falfalan’ gad ko m’ag ko Chitamagdad nu Tharmiy, ni Ir ma guy rogonni gubin e rayog rok ni ayuwegdad ma sul Ngak. Iraray e murwel Rok’ nge rir Rok’!29 Gu ba mich’eg ngomed ni Yesus e fare Kristus, fare Tabayul ko fare fayleng, fare Messiah, fare faskoyam nge fare yafos.30 Gu ba pi’ e tin nib riyul ngomed u dakean fithingan nib thothup, facha’ ni Ma’agirag, Someol Rodad, Yesus Kristus, amen.