Mang e ke rrin’ Fare Tathapeg ni Fan Ngodaed?
Yesus Kristus e ke rrin’ gubin e pi’nen nib ga’fan ko milekag rodaed u fithik e yafos ney nga ban’en rangad thapeg woed ke weliy ko e wo’en rok Chitimangdaed nu Tharmiy.
Ulan e mu’ulung u Sabado ni blayal’ fan ko state conference bo’or e duw faram, kug mada’ e ppin nike yog e fagar rok ke pinningen ni nge sul nga galasia tomuren bo’or e duw ni dabki yib, machane dabiyog ni nge lemnag e fan thingari sul. Kug guy rogon ni nggu pii’ athamgil napan kug gog, “Napan ni ngam lemnag mornga’agen gubin pi’nen fare Tathapeg ni ke rrin’ nifan ngom, bay yo’or e fan tu’uf ni ngam sul nge liyor mag pigpig Ngak.” Ke gin’ owcheg ngay napan ke yog ni, “Mang e ke rrin’ nifan ngog?”
Mang e ke rrin’ Fare Tathapeg ni Fan Ngodaed? Ke rrin’ gubin e pi’nen nib ga’fan ko milekag rodaed u fithik e yafos ney nga ba’nen rangad thapeg woed ke weliy ko e wo’en rok Chitimangdaed nu Tharmiy. Gube non mornga’agen aningeg e kenggin ko wo’en nem. Fan ko gubin tiney facha’ ni Ma’agirag Rok, Yesus Kristus, ni ir e dayif. Ma pii’ athamgil nifan pi’nem ni “fare adag rokʼ Got, ni ke yung nga langgin gumʼirchaʼen e pi bitir ni fak e gidiiʼ; ere, ri ire thʼabi athap u fithikʼ urngin mit banʼen” (1 Nephi 11:22).
I.
Umon ko Madnam ko Easter, rib fel’ rogon ni nggu non bin somm’on mornga’agen e foskoyam Rok Yesus Kristus. Foskoyam’ ko gidii’ kar maed ir e dayif nibe pii’ athamgil ko mich rodaed. Ma pii’ e fan ko e machib rodaed, pii’ athamgil nga ngongoliy rodaed, nge athap ko pi’nen ni ra yib ngodaed.
Bachane fare Bible ni Thothup nge Babyor ku Mormon yow be weliy mornga’agen e foskoyam’ nib riyul’ rok Yesus Kristus, ya mich rodaed ulan fapi scripture nima filed mornga’agen chuchugur nga rogon e foskoyam’ ngak gubin e gidii ba fos u dakean e feylang.1 Woed Yesus nike fil, “bay gu par ni gub fos, ere ku er rogomed ni bay kum pired ni gimed ba fos” (John 14:19 Kar filed fapi Apostle Rok ni, “mi ni faseg e yam’ mra ngal’gad ni girdi’ ndab ki yim’ bi’id, ma gadad gubin ni bay nthiliyeg dowdad” nge “Ere nap’an ni yira yin’ e n’en ndab ki yim’ nga daken e n’en nra yim’ ni bod e munmad” (1 Corinthians 15:52, 54).
Machane fare foskoyam’ ma pii’ ngodaed boech reb e athap nifan ko dabda yim’. Be thilyeg e rogon ni ngad sap gaed ko yafos ney.
Foskoyam’ ney e be ayuweg daed ni ngaed nangfaned magdaed athamgil ko pi gafgnow nibay u fayleng nibe yib ngodaed ma kube yib ngak e gidii’ nib tu’uf rodaed. Ma pii’ ngodaed reb e rogon ni ngad ni sapgad ko e gafgow ko dowef, man’aey, fa thamtham rodaed nin gargelnagdaed ma bay riy fa tin nibe buch ko biney e yafos rom u fayleng. Ma pii’ ngodaed e gelngin ni ngan athamgil ko amith ara kirbaen’, oloboch, nge damomuw. Bachane gadaed gubin ragnam thapeged e foskoyam’, gadaed manang ni tiney e m’ar nge tin ba togopluw e kemus ni yigo fan e chiney.
Foskoyam’ ma pii’ ngodaed e ba’adag nib gel’ ni ngad fol ko pi motochiyel rok Got napan ngad fos gaed. Napan ni ngad fosgadkoyam’ nge dared nga bin tomur e pufthin rodaed, gadaed ba’adag ni ngad thapeg bin thabi mangil e tawa’ath e bee’ ni ke foskokyam’ rayog ni nge thapeg.
Ya ku bay, micheg ko fare foskoyam’ e rayag ni nge fek gathon e tabinaew rodaed nga ta’abang—matam, mitin, bitir, galabthir nge gubin e tabinaw—ma pii’ athamgil nib gel ni ngad fulweg e ngongol ngak e tabinaew rodaed u yafos ney. Be ayuweg daed ngad pired u ta’abang u fithik e tu’ufeg ko biney e yafos nge pii’ gapas ngodaed nifan gali tabinaew rodaed kar maed. Gadaed manang ni biney e yam’ ko bee’ ni dabi buch ko manemus, nge gadaed ba’adag e ngiyal’ napan ngad madagad ngoraed bayay. Fare foskoyam’ ma pii’ athap nge gel ni ngad pared u fithik e gum’aen. Me taer’madliy daed ni ngad thapeged e athamgil nge uf’uf ni ngad sapgad ko yam’ rodaed—demtrug fa’an e yam’ ra yib nib papay.
Urngin e pi’ney ko foskoyam’ e be yang ko e fulweg nifan ko e duwer ni “Mang ke rrin’ Yesus Kristus ni Fan Ngog?”
II.
Nifan chuchugur ko gadaed gubin, e rogon ni ngad thapeged e n’agfan ko denen rodaed e ba ga’fan ko fare Bayul rok Yesus Kristus. Ulan e liyor, gadaed ba yin’ed:
Ma kan pu’oeg racha’en nib ga’fan;
Ke pii’ e yafos Rok,
Dariy e denen rok machane ke maligach nifan ngodad.
Thingari thapeg ngodaed ko yam’.3
Tathapeg nge Tabayul rodaed ke thamey amith ni dabiyog i weliy rogon ere rayog ni nge mang e maligach nifan e denen roraed pi’in ni ma kalngaen’. Maligach nib bayul ma pii’ ban’en nib thabi mangil, fare saaf ni dariy e ologoch riy, nifan ko gubin e tin kireb, pi denen roraed urngin e feylang. Ke bing fare mab nifan gadaed gubin ni ngad be’ech nag e denen rodaed ere rayog ni ngad dared nga paer ko gin bay Got riy, Chitamangdaed ni Gubinfen. Biney e mab ni ke bing nifan gubin e bitir ku Got. Ulan e liyor gadaed ba yin’ed:
Gub balyang an’ug bachaen ni ke yib nga but’ ko e gil’ nib thothup rok
Nibe thapeg e ya’el rog nib togopluw nge uf’uf,
Nira pii’ ngog e tu’ufeg rok nib ga’ ngog.4
Gelingin nib mangil nge dabiyog i weliy rogon mornga’agen fare Bayul rok Yesus Kristus ma buch bachane tu’uf rok Got nifan ngodaed. Be micheg nifan ko thin rok ni “nib ga’ e puluwan’ riy ko pi ya’el”—ni gadaed gubin—“nib ga’ ulan owchen Got” (Doctrine and Covenants 18:10 Ulan fare Bible ni Thothup ke weliy Chitamangdaed nu Tharmiy mornga’agen e uf’uf ney ni: “Ya Got e rib t’uf e girdi’ nu fayleng rok, ma aram me pi’ fak ni kari maagirag rok nge yib, ni fan e nge urngin e pi’in ni michan’ rad ngak e aram e dab kurm’ad, ya keyag e yafos ndariy n’umngin nap’an ngorad” (John 3:16 Ulan pi babyor nib thothup ko rran daba’ Tabayul ni Yesus Kristus ke yoeg in Ir ma “rib tu’uf e girdi’ nu fayleng rok, ma aram me pi’ e yafos rok, ni fan demtrug e pi’in ni michan’ ra mang e bitir ku Got” (Doctrine and Covenants 34:3
Gabe lemnag, ni, fare Babyor ku Mormon: Reb e M’ag ku Kristus ke ning u dakean e machib ni ngad manged nib “machalbog” nge “machalbog gaed ku Kristus” gadaed thingarda “tu’ufeg Got u polo’ fan[daed] pasig, nge laniyaen’daed, nge gelingdaed”? (Moroni 10:32–33. Wo’en Rok ma murwel u dakean e tu’uf nge thingarda thapeged u dakaen e tu’uf.
III.
Mang ni reb pi’nen fare Tathapegdaed Yesus Kristus ni ke rrin’ ni fan ngodaed? U dakean pi machib rok fapi profet Rok nge udakaen e machib Rok, Yesus nike fil ngodaed fare wo’en e thap. Wo’en ney ni tay e bu’un fare sunmiy, fan ko yafos, fan ko togopluw, nge tawa’ath ko mel’ig rodaed. Ni ke fil ngodaed fapi motochiyl nge m’ag thingarda folgad nge fapi gam’ing thingarda nanged nira sul’oed nga pi gallibthir nib thothup.
Ulan fare Bible ni Thothup gadaed ma bi’eg e machib rok: “Rib riyul’ e thin rok fare Tathapeg ni ga’ar: “I gag e tamilang ko girdi’ nu fayleng: En nra i lekeg e ke yag e tamilang ko yafos ngak ma dabki yan u fithik’ e lumor bi’id” (John 8:12 Ko yi’iy ni chiney, gadaed me bi’eg ni, “Musap, I gag Yesus Kristus, … e magael dabi mithaeg ulan e lumor” (Doctrine and Covenants 14:9 Fa’an ngad fol ko pi machib Rok, Ma tay e magal nga dakean e wo’ ko yafos ney nge micheg ngodaed nifan e pi’nen gadaed ra thapeged u reb e yafos.
Bachane Ire ba tu’uf rodaed, ba’adag daed ni ngad lemniged mornga’agen nge dabi ko tin ko feylang. Ulan e machib rok mornga’agen e flowa ko yafos, ke fil Yesus ni dabda paer u fitik pi’in ni ma ba’adag e tin’ ko feylang—pi’nen be pii’ fogloliy u feylang machane dabi fogloliy pi’nen ko yafos nib manimus.5 Yesus ma pinning daed bayay nge bayay, “Mu lekeg.”6
IV.
Bin tomur, fare Babyor ku Mormon ma fil ni e yang ko Bayul Rok Yesus Kristus “ni be gaf[gow] ko pi amith nge kirbaenʼ nge pi lumel ni gubin mit; ma biney e aray rogon ni fan ko fare thin ni gomanga muguʼul ni yoeg nra fek nga dakean e pi amith nge pi mʼar ko gidiiʼ rokʼ” (Alma 7:11
Mangfan ni Tathapegdad ke fek e gafgow ney ko feylang “ni gubin mit”? Ke weliy Alma, “Ma rafek nga dakean e pi moʼowaer ko gidiiʼ rokʼ, ni nge yog ni sug lan ngorngoren ko murnguy, u rogon e dagur, ni nge yog ni nang ko dagur u rogon ni nge ayuweg [bayip fan ni nge pi ayuw ngak] e gidiiʼ rokʼ u rogon e pi moʼowaer roraed” (Alma 7:12
Tathapegdad ma thamey nge manang e lumel rodad, magawon rodad, amith ko gum’ircha’dad, nge gafgow rodad, bachaen ni ba’adag ni nge thapeg gubin ko Bayul Rok. Reb e pi babyor nib thothup be weliy biney. Bin Be’ech e M’ag ma yog ni, “Ere chiney e rayag ni nge ayuweg e pi’in ke yib ngorad e n’en nma weliy e girdi’ nge denen, ya ir ma ki yib ngak e n’en nma weliy e girdi’ nge denen, ma ki un ko gafgow”(Hebrews 2:18). Be fil ni Isaiah, “Dab mu tamdag, ya gu bay rom: … Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel” (Isaiah 41:10 Urngin e bee’ ni bay e gafgow thingar mu puguraen ni Somoel ke fek ta’abrogon e amith, nge udakaen e Bayul Rok nima pii’ gelingen ngodad ningad athamgil biney.
Profet Joseph Smith ke weliy gubin ney ulan bin dalip e kenggin ko mich: “ya mich rodad ni udakaen fare Bayul rok Kristus, rayog ni nge thapeg gubin e gidii’, nu dakaen fol ko motochiyel nge gam’ing ko fare Gospel.”
“Mang ni Yesus Kristus ke rrin’ nifan ngog?” ke fith e ppin ney. Udakaen e wo’en Chitimangdad nu Tharmey, Ke “sunmiy e tharmiy nge feylang” (Doctrine and Covenants 14:9) ere gadad gubin ra fil’ed ufithik e yafos nib ga’fan ni ngad piryeged e tin nu tharmiy. Yang ko wo’ rok e Chitimangiy, foskoyam rok Yesus Kristus key gelnag e yam’ ere ngad thapeged e yafos nib manimus. Bayul ni maligach rok Yesus Kristus ma pii’ ngodad e rogon ni ngad kalngaen’ nge suled nib be’ech nga e na’un nu tharmiy. Pi motochiyl nge micheg ma powi’iydad, nge priesthood Rok ma pii’ mata’won ni ngad rrin’ fapi gam’ing nib ga’fan nifan dad. Tathapegdad ba’adag ni nga thapeg gubin amith nge gafgow ko feylang ni nge nang e rogon ni nge gelnag dad ufithik e gafgow rodad.
Yesus Kristus ke rrin’ gubin pi’nen bachan ni t’ufen urngin e bitir ku Got. T’uf ma pii’ athamgil nifan gubin banen, nge biney e rogon ni gubin fen. Got nike yog ngodad ulan pi babyor nib thothup ko rran daba’ ni “ke sunmiy … pumo’on nge ppin, ulan e ya’an … nge pii’ ngoraed e motochiyl ni ngar t’ufen nge pigpig ngak” (Doctrine and Covenants 20:18–19
Gube pii’ e mich rog nge meybil ni ngad puguraen e pi’nen fare Tathapegdaed e ke rrin’ ni fan ngodaed nge ni ngad tu’ufeg nge pigpig Ngak, u dakean fithingan Yesus Kristus, amen.