Ana Ribooti te Oteta n Tararua ibukin te Ekaretia, 2019
Nakon te Moan Beretitentii n Ana Ekaretia Iesu Kristo ibukiia Aika Itiaki ni Boong aika Kaitira
Nakoia Taari: N aron ae e kairaki inanon te kaotioti, n aron ae koreaki ni mwakoro 120 n Reirei ao Berita aika Tabu, te Kauntira iaon Karaoan te Kabwianibwai—e kaainaki irouia kaain te Moan Beretitentii, te Kooram n Abotoro n te Tengaun ma Uoman, ao te Bitiobiriki n Tararua—a anga te kariaia ibukin ana kabanemwane te Ekaretia. Ana rabwata te Ekaretia a karaoi kabwaka mwane ni kaineti ma kataumwane , tuua, ao kawain aron kabonganakiia aika a tia ni kariaiakaki.
Te Oteta n Tararua ibukin te Ekaretia, are e kaainaki irouia ake a mwaatai ake a beeba ao ake a rekereke ma ana bootaki ao ana rabwata riki tabeua te Ekaretia, iai tabeia ni karaoi oteta ibukin katauraoan baika iai bukiia ni kaineti ma angamwane aika a reke, kabane mwane ake a karaoaki, ao kamanoan ana bwai te Ekaretia.
Ni boboto iaon mwakuri ake e karaoi te oteta, te Oteta n Tararua ibukin te Ekaretia, are e kantaningaaki bwa, man ana bwai ni kabane aika kakawaki, angamwane aika a reke, kabanemwane ake a karaoaki, ao ana bwai te Ekaretia ibukin te ririki 2019 a tia n tauaki mwiia ao ni mwakuriaki ni kaeineti ma kabonganakin ana kataumwane te Ekaretia, tuua, ao kawain aron kabonganakiia aika a tia ni kariaiakaki. Te Ekaretia e irii mwakuri ake e tia n reireiniia iai kain te aro ni maiu nakon te kataumwane, totokoa te taarau, ao ni karinimwane ibukin kainnanoana.
E Uotakirake ma te karineaki,
Oteta n Tararua ibukin te Ekaretia
Kevin R. Jergensen
Manatia n Tararua