Bing fare Mo’olung
Ke taw ko ngiyal’ ni ngan tay e tabinaew ni’ir lukngun fare Galasia, ni be ayuweg e pi n’en ni be buchbuch ulan e branch, ward, fa stake.
Pi walageg ni pumo’on nge pi’in nib ppin, ku’ug son niged e rofen ney ni ngad gakgaed nga ta’abang ko re October general Conference ney ko Galasia. Gamaed be og nag e magar ngom. Ma gamaed be pining e magar ngom ko pi meybil rom. Ya kug thamiyed gelngin. Kamagar!
Gamaed be pining e magar ngomed ko gelngin e pi fanow ni kam ted ko fare bin ba’aray e conference nike m’ay kafram. Pi stake president u dakan ga’angin yang u fayleng e kar thapegned fare yi’iy ko rogon ni ngar ayilyed fapi elders quorum. Pi mo’on ney ko quorum e yad be muruwel u ta’abang ko fare Relief Society ni ngar machibgad ngak e pi walagenrad ko wo’en nib tolang, mab thothup wo’en. Ma ke gin owchmad ngay ko gelngin e muruwel rom ni ngayog ni ngam fek fare tu’ufeg rok fare Tathapeg ngak e tabinaew, buguliyoror, nge pi tafagar rom ni woed rogon ni rin’.
Nap’an conference ko April, Sister Nelson nge gag e kug mada’gow ko fare aningeg i yang ko naam nge ga’angin yang ko fare day. U Juresalem nga Harare, U Winnipeg nga Bangkok, kug thamiyed fare mich nge gelngin e michan’ rom.
Ma kari fal’falan’ mow ngay ko urngin fapi fel’ yangren nike un ko fare ulung ko salthaw rok Somoel ni nge ayuweg nge kunuy pi u Isreal nga ta’abang.1 Gamad be pining e magar ngomed! Nap’an ni garam ul’ul’ ngam un ko n’en ni ku gog ko fare devotional nifen e fel’ yangren, ma gabe rin’ ni woed rogon ni ngu laked. Ma baga’ e pi n’en ni gamed be ligin ni nge mon’og!
Dawri n’uw nap’an, gamad e pi gidii’ ko presiding councils ko Galasia e gamed be lemnang e biney e duwer: uw rogon ni ngad fek far e gospel nib mom rogon, nge pi gam’ing ni manemus, ngak gubin pifak Got?
Gidii’en Yesus Kristus, e kad macham gad ngay ni nap’an ni gadad re lemnag fare bugi sbathin “galasia” ma woed ban’en ni ma buch e tabinaew. Ba tu’uf ni ngad rin’ed ban’en ko ran’ey. Ke taw ko ngiyal’ nib tu’uf ni ngad ted fare Galasia ni’ir lukngun e tabianew rodad, ni’ir e ma pi’ gelngin e n’en ni ma buch ko fare branch, ward, fare stake.
Nap’an nra ul’ul fare Galasia nge ga’i yan u dakan fare nam, bo’or gidii’en e galasia ni dariy e chapel rorad—ma dar guy e tin nga m’on. Kug gum nang ba tabinaew, ni bachan e ran’ey, ma ur mo’olung gad ulan e tabinaew rorad. Kug fith ngak fare matin ko tabinaew ko ba’adag e biney ni yad be misa ulan e tabinaew rok. Me fulweg ni ga’ar, “Rug ba’adag!” Pumo’on rog e ke ta fel’ e sabathin u langan, ya manang ni ra yibliy fare sacramen u roy ni gubin e Madnom.”
Fan fare Galasia ni kab kafram ni’un rin e nge ayuweg fapi gidii’en e galasia nge mon’og nag e mich rorad ngak Somoel Yesus Kristus nge fare Bayul Rok’, ni nge ayuwegrad ni ngar fal’agned miyed tay chilen fapi motochiyel rok Got, me mon’og me ta’areb nag fare tabinaew rorad. Biney e fayleng ni be momaw’ rogon ningan par riy, dani mom e biney. Fare moniyan’ e be alamrin ko mich rodad nge pi tabinaew rodad. Ni fa’an ngan par niyib fos, mab tu’uf ni ngad gayed rogon nib thil wo’en. Ni woed, e chiney ni ngad rin’ed ban’en nib thil ko kafram nrayag ni nge ayuweg fapi gidii’en e galasia nge fapi tabinaew.
Ke bukun e duw, ni toyigang’ ko Galasia e be fal’agin wo’en ni ngan ayuweg e tabinaew nge gidii’ ni ngar gelgad me par e tabinaew rorad ni’ir fare lukngun e Galasia ma Galasia e be ayuweg e biney ningar filed fare doctrine, gel nag e mich, min ga’nag e tayfan. Pi muruwel romad e gali duw ni ba’aray ni ngan tay fan e Madnom—ni nge mom min dag ngak Got ni gadad ba tu’uf Rok—e ba’aray ni kan thilyeg rogon ni ngu weliy.
Biney e kadbul e ngug announce niged wo’en ni ngan tay fare gospel ulan e tabinaew nge Galasia nib ta’areb rogon. Ni gadad e ke mil fan ngodad e pi mon’og ko thothup rodad. Ma thin nib thothup e be yog ni galibithir e muruwel rorad ni ngar filed fapi yalen ngak pifakrad.2 Muruwel ko fare Galasia ni ngar ayuwgned fapi gidii’en e galasia ni ngar rin’ed e biney ni nge ga’ fare lowan’ rodad ko mornga’agen fare gospel.
Elder Quentin L. Cook e bayi weliy mornga’agen e pin’ey ni bayi thil. Gubin chonggin fare Counsils ko fare Bin Somm’on e Presidency nge Quorum ko fare Ragag nge L’agruw i Apostles e ba ta’areb lungunmad ko biney e mulwol. Gamad be ognag e magar ngak Somoel ko biney lowan’ ni kan thogthog nag ngomad ni bayi weliy Elder Cook.
Pi walageg ni pumo’on nge ppin, gumnang ni Got ab fos! Yesus e ir Kristus! Ni iraray e Galasia Rok’ ni be pi’ fapi yi’iy ma be gagiyeg nag ngak fapi gachalpen. Ni gube micheg u dakan fithngan Yesus Kristus, amen.