Eno Enye
Ke ndidiongo owo ye ntak inwamde mbon efen anwam nnyin ndifiok ete ke akakan idiongo ima edi ndikpono Abasi.
Ndima ndito-eka mi iban, ke inem okoneyo emi, mmema mbufo kiet-kiet ye oyoho inemesit. Isua eke ekpedide, ebiet, ndaha, nnyin iboho okoneyo emi ke edidiana kiet, odudu, ntak ye iko ntiense nte ke Ete nnyin ke Heaven, Andinyanga nnyin, JesusChrist; ye odu uwem prophet nnyin, President Russell M. Nelson ema nnyin enyung eda nnyin usung.
Nte obufa odo-ndo, bishop ama odong ami ye ebe mi ika ikese inyung inwam ufokemana kiet emi midige Ufok Abasi ke ediwak isua. Nnyin inyime utom oro inyung ika ufok mmo ke usen ifang ebede. Ama osop anwanga nnyin ke mmo iyomke isenowo emi etode Ufok Abasi.
Ntre ke ndifiak nka do, nnyin ikama iko cookies, ye oyoho idorenyin ke chocolate oro eyemem esit mmo. Mmo ikeyomke. Mmo eda ke esit ufok eting iko ye nnyin, owutde ke mmo iyomke nnyin. Kini nnyin iwatde inyong ufok, ima ikere ke ikpefon iso edieke nnyin ikpenode mmo Rice Krispies Treats kpot ke nde cookies.
Unana nkukut spirit nnyin anam-isang ikaba ye eno oro edi ntak-ntak. Ndisisin-nkpo akanam ifonke. Ke ini ebede, nnyin itongo ndibup idem nnyin mbume ete, “Nsidi ntak eke nnyin inamde emi? Nso idi ntak nnyin?”
Elder Carl B. Cook ama okut ete: “Ndinwam ke UfokAbasi … ekeme ndifina edieke edongde nnyin ete inam nkpo eke edighide nnyin, eke ikopde ekaha ke ndinwam, mme ndidong nnyin utom emi editongo mimemke.”1 Nnyin imekut akpaniko ke iko Elder Cook ke ini nnyin ibierede ndiyom ndausung nto Owo emi ofiokde nkpo akan nnyin.
Ntre, k’ima ikobong akam inyung ikoot nwed Abasi, nnyin idibo iboro akam ibanga ntak eke nnyin ikpenwamde. Nnyin inyene ukpuhode ke edidiongo, ukpuhode esit, ata-eriyarare ifiok-ukpeb2 Nte nnyin iyomde ndausung ke Nwed Abasi, Abasi ekpeb nnyin mmem-mmem ye eti usung ndinwam mbon efen. Emi edi ufang nwed emi nnyin ikekotde emi okokpuhode esit ye usung nte ikesede mmo: “Ma Jehovah Abasi fo ke ofuri esit fo, ye ke ofuri ukeme, ekikere, ye odudu fo; ndien ke enying Jesus Christmbufo enam nkpo eno Enye.”3 Sia ima ikenehede iti ufang emi, ekebiet eketing ke obufa ye akpan usung eno nnyin.
Nnyin idiongo ke nnyin imenehede iyom ndinwam ufokemana emi ye bishop nko, edi ana ibup idem nnyin mme nnyin inehede inwam ke ntak ima ino Abasi. Edidem Benjamin enehede anam anwa-anwa ke nditing ete, “Sese, ami nting nno mbufo nte koro nketingde nno mbufo nte ami nkabiatke mme usen mi ke ndinwam mbufo, ami nnamke inua ke nditing ntre,koro ami nkanamde utom Abasi.”4
Ntre anie ke Edidem Benjamin ekenehede anwam? Ete ke Heaven ye Andinyanga. Ndidiongo {owoyentakeke inwamde mbon efen anwam nnyin ndifiok ke nkpon-nkan idiongo ima edi ndino Abasi ukpono.
Nte nting-enyin nnyin okpuhode, ukem oro ye akam nnyin. Nnyin itongo iyom man ika ikese ufokemana emi ke ntak ima inyenede ino Abasi.5 Nnyin ikanam ino Enye. Enye ama anam mme mfina oro idige aba mfina. Ke ediwak ofiong emi nnyin ikedade ke enyin-usung ama ekebe, mmo ema enyime nnyin ibe iduk. Ke akpatre, nnyin ibong akam inyung inyene nneme iko Abasi otokiet. Inem ini ufan ada itie. Nnyin idima inyung ikom Abasi ke ndima ndito Esie.
Nte mbufo emeti ke ini-edem emi mbufo ke ima ekenehede enwam owo emi odude ke unana ndien edikere ke owo ikwe mme edino-ekom mme ediyom nsin-ifik oro? Ke ndo-ndo oro, emesibup ndaha unwam mbufo oro? Edieke edide ntre, yak iko Edidem Benjamin ada itie eyihe ye unan mbufo ke: “Mbufo enam utom Abasi.”6
Utu ke itongo efanga, nnyin imekeme nditongo, nto unwam, ke ndinyene eti ebuana ye Ete ke Heaven. Ima ye ukpono emi nnyin inyenede ino Enye edemere udong ndikut mme ndino-ekom ye ndinyime ima Esie man ofioro ono onyung oworo-oto nnyin.
Usukini nnyin imekeme ndinwam nto ifiok utom mme iso utom, edi unwam oro ekeme ndimen nnyin ndian ke nkpo emi okponde ke esit-idem nnyin, anam nnyin inwam ke “usung eke akande mmo eken kpukpru”7—nte odude ke ikoot eke President Nelson ete “obufa, edisana usung ndikpeme nnyung nsin unwam nno mbon efen.”8
Ke ini nnyin itide kpukpru nkpo emi Abasi anamde ono nnyin, unwam nnyin edi-to esit ekom. Sia nnyin midaha unwam nte ikoot eke anamde nnyin iwut-idem, nnyin idifiok ete ke nting-enyin unwam nnyin edi-di ndinim Abasi nte akpa-nkpo.9
President M. Russell Ballard ekpeb ete, “Ke ini nnyin imade Abasi ye Christ ke ofuri esit, ukpong, ye ekikere nnyin ke nnyin ikeme ndibuana ima emi ye mbohidung nnyin oto ke utom mfonido ye unwam.”10
Akpa kotu Mbet Duop afiak osongo edisana ifiok emi ete: “Ami ndi Jehovah Abasi fo. … Kunyene abasi efen ukoro ye ami.”11 Ndinim mbet emi anwam nnyin ndifiok ete ediekennyin idade Abasi nte akpan-nkpo, ofuri nkpo efen ke akpatre eyena ke itie mmo—kpa unwam emi nnyin inode mbon efen. Ke ini Enye adade akpan itie ke uwem nnyin oto ke nti mbumek nnyin, Enye ekeme ndidiong utom nnyin ke ntak ufon nnyin ye ke ufon mbon efen.
Jehovah eteme ete, “Ekpebe mi ke ofuri ekikere mbufo.”12 Ndien kwa udua nnyin imediomo ndinam ukem oro—man “iti enye kpukpru ini.”13 Nte imekeme ndida oruk eti nting-enyin oro isin ke ofuri nkpo se nnyin inamde? Nte ndinam ekpri ubiong ekpedi ufang ndiwut ima ye ukpono nnyin nno Enye? Mmenim ke ekeme ndien ke eyekeme.
Nnyin imekeme ndinam nkpo kiet-kiet ke ubono-nkpo nnyin edi usung ke ndino Enye ubong. Nnyin imese ubiong kiet nte ifet ye ufang ke ndinwam Enye, mme ke ini nnyin idude ke ufot akpatre usen, utom, mme ndedehe nkpo efen?
Nte Ammon eketingde, Ihn, mmodiongo nte ke ami ndige nkpo ndomokiet; ke odudu ami ndi owo mmem-idem; ntre ami ndi namke-inua mbanga idem mi, edi ndi-nam inua ke Abasi mi, koro ke odudu Esie ami mmekeme ndinam kpukpru nkpo.”14
Ke ini ndinam-nkpo nno Abasi nnyin akabare edi akpan-nkpo ke uwem, nnyin ididuok uwem nnyin, ndien ke ini ekemde, nnyin iyeda uwem nnyin inyene.15
Andinyanga okono ukpeb emi ke nnen-nnen ye mmem-mmem usung ete: “Kpa ntre, yak unwana mbufo ayama ke iso owo, man mmo ekut nti utom mbufo enyung etoro Ete mbufo emi odude ke enyong.”16
Yak ami mbuana ye mbufo mme iko ifiok emi ekekutde ke ibibene ufok ndito-nnana ke Calcutta, India: “Edieke mbufo efonde-ido, mme owo ekeme ndibiom mbufo ete ke ema idem, ke enyene idiok udong. Efon ido ke usung ekededi. Owo kiet ekeme ndida okoneyo kiet abiat mme nkpo emi mbufo edade ke ediwak isua ebop. Ebop ke nte ekekeme. Mme owo esiwak ndifre nti nkpo emi enamde mfin emi. Enam nti nkpo ke nte ededi. Eno ererimbot ata eti nkpo se enyene, ndien ekeme ndidi oro idikemke. Eno ererimbot nti nkpo se enyenede. Omokut, ke akpatre, edi mbufo ye Abasi mbufo … nte ededi.”17
Ndito-eka iban, kpukpru ini esisuk edi nnyin ye Abasi. Nte President James E. Faust odohode:“‘Ewe edi nkpon-nkan unana ke ererimbot?’ … ‘Nte nkpon-nkan unana ke ererimbot idige owo kiet-kiet edinyene ebuana idem-esie, idahaemi, k’usen-k’usen ye eke akade-iso ye Andinyanga?’ Ndinyene oruk ebuana oro ekeme ndisin ifiok-Abasi ke idem nnyin, ndien iduhe nkpo eke edinamde akwa ukpuhode ke uwem nnyin ke nte nnyin ididiongoke inyung ifiok ndaha edisana ebuana nnyin ye Abasi.”18
Alma anam ukem oro anwanga eyen esie ete, “Ihn, yak ofuri edinam fo nno Abasi, ka ke ebiet ekededi emi afo akade ye Abasi; ihn, nam ofuri ekikere fo ese Abasi; ihn yak esit-ima fo okongo nsinsi ke Abasi.”19
Ndien President Russell M. Nelson ekpeb nnyin ntre ete, “Ke ini nnyin ifiokde unyime Erisio-isop Esie, esit-ekom ke ifet inyenede ndinam-nkpo nno Enye okpon-akan oruk nwaidem ekededi emi nnyin ikpenamde.”20
Ndito-eka iban, ami nting iko ntiense nte ke ini Jesus Christ, otode ke odudu Erisio-isop Esie, utom emi inamde ye ke idemnnyin, Enye otongo ndinam utom oto ke nnyin man odiong mbon efen. Nnyin inwam mmo, edi nnyin inam oro ke ndima nnyung nnwam Enye. Nnyin ikabare idi se nwed Abasi okotde ete: “Kpukpru irenowo [ye iban] emi eyomde ufon mbohidung [mmo], ye ndinam kpukpru nkpo nyom ubong Abasi.”21
Ekeme ndidi bishop nnyin ama odiongo ke ukpebnkpo eke ami ye ebe mi idibode ito ntongo ye nkoi-nnam, ye unana-edifon-mma, ukeme man inwam ndima ndito iren ye iban Abasi edi-di oro. Ami nno osongo ye iko ntiense eke idem mi kabanga mfon ye ima emi Enye abuanade ye nnyin ke nte nnyin idomoke ndinwam Enye. Ke edisana enying Jesus Christ, amen.