Áyóó’adaháhiinóní Yisdá’iiníiłii nahalingo
Diné ayóó’iiniiníigo ba’neinish dóó baa’nishdeehaahgo, binahjí nidiidzį́ dóó nihi dziil doo.
Tsídá akeedi bił dahjiiyaahdi, Yisdá’iiníiłii aniidi bee has’ąąnii bídahoołaahii áyidiiniid:
“Bee haz’áanii ániidíi nihaa dinish’aahgo ánihidishní, ayóó’ádaháahíínóh’nii dooleeł; t’áá ayóó’ádanihíínísh’ní yę́ęgi át’éego, nihí ałdó’ ayóó’ádahíínóh’ní.”
“Ayóó’áda’dáahíínóh’níigo shídahooł’aahii danohłį́įgo diné t’áá ałtso bił béédahózin doo.”1
Yisdá’iiníiłii yidahoołaahii ániidí bee haz’áanii yeenilá áko binaanish nitsaago, bilaadi át’éii, dóó diyin ḱehjí bee yilyah. Díí saad dahshijaahígíí éí “t’áá ayóó’ádanihíínóh’níigo yę́ęgi át’éego.”
Ayóó’ó’ó’níinii éí naanish át’é; ayóó’ó’o’níinii éí áká aná’álwóígíí át́’e’
Ayóó’ó’óó’ní éí ayoo jooba’ oolyé. Tsídá alaadí Diyin God be’ayóó’ó’ó’ní éí biYé Jesus Christ niná’nidlah diyin ba’ałchíní yá.2 “Háálá Diyin God éí nihokáá’ dine’é t’áá íiyisí ayoo ́ó’ájó’níigo bąą haYe’ t’ááłá’í ha yizhchínígíí baazhniłtį́, áko táá’ haíida boodlą́ągo baa dzólíhígíí éí doo ádoodįįł da, nidi iiná doo ninít́i’ii bee hólǫ́ǫ dooleeł.”3 “Diné dóó Diyin God ayóó’ájónígo éí Jesus Christ bídahoołaahii jilį́ łeh.4
Dikwiinaahai yaadą́ą́’ shitsoi, Jose, dį́į́’ binaaghai, éí bimásaní yił naané. Anadlohgo dóó bił hózhǫǫgo shitsoi na’edełkid, “Shimásani’, da ayoosháshį́į́’ní?”
“Aoo’, Jose, ayóó’iinoshní.”
Áádóó ninąą’edelkid: “Haash yit’áo nił bee hozin, ayóó’áshį́į́ní?”
Hazhó yił hoolné, dóó t’áá ha’át́ííshį̨́į́h na’ashłaah dóó ha’át’íísh ninizinígíí áłdo na’adeeshłiił.
She’esdzaan áłdo ashiłní, “Haash yit’áo nił bee hozin, ayóó’áshį́į́n’ní?”
“T’áá shijéí biyidoo bee shił bee hozin.” Jose bimásaní neiyidelkidyaadą́ą́’ binahjí ayóó’óó’ní éí nahwiiłná dóó biłná ánęęgo.
King Benjamin na’nitin, “Háálá díí bee nishił haashne’ígíI éí hóniyá bee bóhódiiłaał; éí diné bánanishgo éí Diyin God ałdó bánanishgo át’éii la.”5
Dishjį́į́’di tóó áhayoi tídáhooniił, diné bichį́ ajiłį́į́h, “Ayóó’ó’nishní,” éí yá’át’ééh. Ndi nájį beesh bee hane’ígíí t’áá akooh nishdoołaał dóó t’áá alah dóó hakeeh bee diné biká’ashdoołwoł. Ayóó’ó’óó’ní éí dóó tóó saad t́éíyá át’éii da: Éí doo oolyeeh da.
Ayóó’ó’óó’ní éí ąąnidishaahgo oolyé
Diyin be’ayóó’ó’ó’níinii binahjį́ aká’aneelwó ałdó diné baa’nidiit’aah bichį́ nihidziil,6 t’áá nihiłhaz’ąąhdí. Díí hané bee nihił hó’neeshné’ígíí éí she’iina łahgo áyiilaah. Ted dóó Sharon, Cooper bimá dóó bizhe’é t’áá ako shił nįį’go náhast’eeh naahaiyaadą́ą́’ áhoot’iid. Cooper bizhé’é kot’áo yaa hoolné:
Bini’nit’ą́ęts’ózí 21, 2008 goné Cooper binąąí, Ivan, Garett dóó Logan, Ołtá’íneeyehí biba’ndahjizį́. Cooper éí dį́į́’ binąąhai ji’ízí bił yilwoł, bimá Sharon éí yigha’goo yigaał.
She’esdzaan hago Cooper, tsénąą niłnó’olyaad. Nt’ę́ę́’ chidí leeh chelwodgo Cooper yikíná’asbaas.
Shiighagoo biyan’ígíI shichį́ hoolné, Cooper chidí bideesgó’ nį́į́’go. Tsįįłgo áádí ołtá’i’ iinajahgi shił ilwod. Cooper chil yik’ąągi sitį́ chééhdidziihgo, ndi átídzaa’ígíí doo yit’į́į́’ da.
Biighá’goo nitsidinigó’ abídishní, “Ha’íínilní. T’áá yá’anit’ééh doo.” Nt’ę́ę́’ Nathan dóó be’esdzaan yił níaash, diyin k’ehjí ba’sodołzin, nihidíiniid. Nihilá Cooper bítsii’tah diilniid doo sodiilzin. Doo bénashnįįh da saad bee haasdziihígíí, ndi nihinąągo nidahjizį́, dóó ákwé’í baa’akónįį’zįįh Cooper bee iiná nidootį́.
Cooper beesh nąątá’í azee’ilį́goo bił ítah, ndi dájizhts’ą́’. Yá’aashii Nihizhé’é shił iijaah ayiilaah Cooper éí Diyin bighaangoo ánąądzą́.
Azee’ii’ni’di Cooper baah niikai. Áádí hast’édahyiilaah áko hágoonee dah bidiiniid, nidelteehgoo dahniidzinígíí.
Hooghango nihiłná’oolwolgo shichǫǫní yiniił na’biiłna áádóó áhíniiłį́į́’ doo ashkii chidí neelbaasyaa baa yániiltí. Doo báhoniilzin da, azhá nihinéjí bighaan ndi dóó sodizindi bił yá’aneejah.
Biiskaní ayoo nihichį nahwiinah yiniił biih neit’aash. Nisidinishgo dóó tsídá shijéí biyidoo yéígo sodeeszin. Yiniił na’jį́ konileeh Yisdá’íiniiłii bizhí binahjí dishnįįhgo Yá’aashdi Shizé’é bichį́ sodeeszin. Nit’ę́ę́’áko yiilaah.
T’áá hodiinahgo Stake Presidencydę́ę́’ ashkii—chidí neełbaasii—dóó bimá dóó bizhé’é shighaandi biłáhíídiikai. Sharon dóó shí bibah nahisiitah nt’ę́ę́’ daaldilkaał ąąhadzaago yahaakai, inda deeltsą́. Bishop ashiłní, “baah ninaah.” Sharon dóó Shí baah niit’aash doo binisiichid. Deechago nizaadgo nahasziizh. Áhǫǫht’iidígíí éí t’áá baah níní’í.
Álileeh nighahaslį́į́’ Sharon dóó shí ákot’áo baa niseekees. Diyin God binahjí t’ááłá’í atiinji dah diit’aash áko díí ashkii ayóó’íí’ni’i’ní siilį́į́’.
Áádóó ashkii nizhónigo bee dah honiilzin silį́į́’.T’áá le’í nizhóní anáyiilįįh go aadí neitaash łeh. Diyin bighaan Nitsaadí bił yah iikai haasht’é ádilneehgo Diyin God yánahnitingo deeyaago yiniyé.7
Ted bił béé hozin, Yá’aashdí Nihizhé’é ayóó’inhóní. Anidít’aah éí binahjí nizhónígo iiná. Díí éí Naaltsoos Mormon Wolye’hígíI biyídí, Alma aní: Áko diné yitahgoo naagha, tíhooniihgo dóó bichį́ nahwiiną́; áko saad bee hagha’oodziidyą́ą́’ bé’doolniił, dine’é baahági at́éii dóó diné bitah dahaneezgai’ígíí ak’id deedidootaał.”8
Shik’is dóó shilákee, dooladó nizhóní hane’ ayóó’ó’óó’ní dóó aanídit’aah baah hane’. Nihí ałdó nihił hózhǫ́ doo diné báneelnish dóó baa’nishdíaahgo. Georgy, nihitsoi, anii łeh, “Hooghan haząądoo haash neet’é?” áádóó aní, “Hooghandí nihił dah hózhǫ́.”
President Thomas Monson kónihiłní, “Nihi iiná hazhó’í dah nołį́ dóó Yisdá’iiníiłii nahalingo dine’ ayóó’íínóní dóó baah jííníba’ doo.”9
Shił béé hozin NihiZhé’é dóó biYé Jesus Christ ayóó’ínihoní diné ayóó’íí’nii’ní dóó baa’nideet’aahgo, át’éhígí át’áo. Ałdó shił béé hozin diné biká’aneelwo’go dóó baa nidíaahgo binahjí nihi dziil doo t’áá hą’at’éshį́į́h nihidiiłaahígíí. Díí Jesus Christ bizhí binahjí ádishní, Amen.