Mukenji wa ku ngondu wa Bua Dikankamika dia Bansonga, Ngondu wa Tshitema 2026

Ngenyi bua Bibilu bia Bansonga

Muendu ne Bukola bua Buakuidi bua Nzambi

Tangila mushindu udi kupeta milulu ya buakuidi ukupetesha butoka mu nsombelu weba.

Kipatshila

Bua kupetesha bansonga dimanya didi dibambuluisha bua kumanya mudi bukola bua buakuidi bua Musungidi buenza mudimu mu nsombelu wetu.

Diteta

1. Kuenza mudimu ne kaleji nord, karte, GPS (système de positionnement global), anyi kukeba bintu bia bungi. (Etshi tshidi kabidi mua kuikala tshikondu tshimpa tshia kulongesha bansonga mushindu udi kaleji nord, tuarte ne GPS bienza mudimu.) Teka bansonga mu tusumbu tukesa tua bantu baluma ne ba bakaji. Ambila tshisumbu tshionsu tshia bantu muaba wa kutuadijila ne mushindu wa kufika ku muaba wa kumpala wa ku miaba inayi.

2. Ku tshitudilu tshionsu, tshisumbu tshionsu netshikale ne tshitupa tshia muendu wa ku bianza, bateri, ampoule, lentille, anyi tshiamu tshia muendu, ne tshiamu tshidi tshibambuluisha bua kufika ku tshitudilu tshidi tshilonda.

3. Padibu basangishe bitupa bionsu, tuangaja bisumbu pamua ne basangisha miendu yabu ya kubianza. Itemesha ne bikila muntu yonsu bua kutangila butoka budiyi mufila.

Tuakula bua bualu ebu

Buatshinyi tshitupa tshimua kintshifila butoka nkayatshi?

Ntshinyi tshivua tshienzeka pavua bitupa bionsu bisangisha bimpa?

Mushindu kayi udi muendu wa kubianza mufuanangana ne bukola bua buakuidi?

Bua tshinyi bidi ne mushinga bua kuvuluka ne bukola bonsu bua buakuidi budi bufuma kudi Yezu Kilisto?

Udi mua kuleja

Umvuija ne tshitupa tshionsu tshia muendu wa ku bianza tshidi ne mushinga, kadi katshiena mua kufila butoka nkayatshi to. Anu padibu basangisha bitupa bionsu bimpa ne bilonga ke padi muendu utema. Bia momumua, bukola bua buakuidi budi bufuma kudi Yezu Kilisto. Nsapi ya buakuidi idi ilombola mushindu udibu benza mudimu ne bukokeshi bua buakuidi, anu bu mutu lubota lua kutemesha nalu luambuluisha muendu bua kukenka. Tshilejilu, milulu ya buakuidi idibu benza ne bukokeshi bua buakuidi idi mua kutupesha butoka, buludiki ne bukubi mu nsombelu wetu patudi tutumikila bipungidi bietu. Misangu yonsu itudi tuenza mudimu mu mabikila anyi mu midimu yetu mu Ekelezia, tudi tuenza mudimu ne bukokeshi bua buakuidi budibu batupesha, ne tudi tuambuluisha bua kukenkesha butoka bua Musungidi bua kubenesha bana ba Nzambi.

© 2026 by Intellectual Reserve, Inc. All rights reserved. Bipatula mu USA. Dianyisha mu: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, September 2026. Tshiluba. 20074 760