Mukenji wa ku ngondu Bua Dikankamika dia Bansonga, Ngondu wa Tshitema 2026

Dialumingu Dibidi

2. Longa bia bungi pa bidi bitangila dipingajilula dia buakuidi

Panyima pa lufu lua Bapostolo ba Yezu ba mu Tshipungidi Tshipiatshipia, buakuidi—bukola ne bukokeshi bua Nzambi—biakajimina pa buloba. Ku ntuadijilu kua bidimu bia 1800, Nzambi wakatuma bamanyishi ba mu diûlu bua kujadikulula, anyi kupingaja, buakuidi. Ku diambuluisha dia bukokeshi bua buakuidi ne milulu yabu, tuetu buonsu tudi mua kupeta kabidi bukola bua kudi Nzambi.

Mona imua nkonku ne mushindu wa kulonga unudi mua kuteta:

• Mushindu kayi udi Musungidi utubenesha kupitshila ku buakuidi bua Alona?

  BalaDilongesha ne Bipungidi 13:1 ne 107:20. Malu kayi ne bukokeshi bivua Yone Mubatiji mupesha Muprofete Joseph Smith ne Oliver Cowdery? Funda miaku idi ileja mabenesha adi Nzambi ufila ku diambuluisha dia buakuidi bua Alona.

• Mushindu kayi udi Musungidi utubenesha kupitshila ku buakuidi bua Melekisedeke?

  Petelo, Yakobo, ne Yona badi bapingajilula Buakuidi bua Melekisedeke kudi Joseph ne Oliver. Bala Dilongesha ne Bipungidi 107:18–19 ne funda “mabenesha a mu nyuma a Ekelezia “ awudi mua kupeta kupitshila ku buakuidi bua Melekisedeke.

• Bua tshinyi Nzambi udi upesha bana benda bukalenga buenda bua buakuidi?

  Kupitshila ku milulu ya buakuidi—bu mudi ditambula, biakudia bia tshijila, ne milulu ya mu ntempelo— “bukola bua Nzambi budi bumueneka patoka“ (tangilaDilongesha ne Bipungidi 84:20–21). Akulayi bamua ne bakuabu bua mushindu unudi bamona bukola bua Nzambi mu nsombelu yenu kupitshila ku milulu ya buakuidi. Mushindu kayi uvua mua kuikala nsombelu weba pikala milulu eyi kawuvua koku?

• Mushindu kayi uvua mua kuikala nsombelu weba mushilangana pikala buakuidi kabuvua bupingajilula?

Biambuluisha Bikuabu

• Buludiki bua mu Mifundu, “Bukokeshi,” “Buakuidi”

• ”Dipingajilula dia Buakuidi ne Nsapi ya Buakuidi, ” Preach My Gospel: A Guide to Sharing the Gospel of Jesus Christ (2023), 40

• Biena Bualu ne Nkoku, “Dipingajilula dia Buakuidi“ (Tshisangi tshia Mifundu ya Lumu Luimpa)

© 2026 by Intellectual Reserve, Inc. All rights reserved. Bipatula mu USA. Dianyisha mu: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, September 2026. Tshiluba. 20074 760