Mukenji wa ku ngondu wa Bua Dikankamika dia Bansonga, Ngondu wa Tshitema 2026

Ngenyi bua Bibilu bia Bansonga

Diteta dia Katshi Kamua ka Allumette

Udiku mua kukuatshisha mudilu ne katshi kamua ka allumette, kadi ne luya lua bungi bua kuosha nshinga udi mutantshi wa santimetre 18 pa mutu pa buloba anyi?

Kipatshila

Bua kumvua mushindu utudi mua kupeta bukola bua Nzambi mu nsombelu wetu.

Bintu Bidi Bijingibua

• Allumettes

• Tshintu tshia kutemesha n’atshi mudilu

• Nsengu anyi nsinga

• Mbumba ya mâyi anyi bia kujima nabi mudilu

• Buloba budi kabuyi mua kuosha bintu (mabue, lusenga, tshijengu tshia kapia anyi buloba budi kabuyi mua kuosha bintu)

Muaba

• Pambelu, muaba udi kapia kakayi mua kuosha (londa mikenji ya muaba uwudi)

• Ikala mutuishibue ne: kakuena nsongu ya mitshi idi mipueka panshi to

• Epuka miaba idi lupepele lua bungi anyi tshipupu

Bukubi

• Balombodi bakulumpa badi benza bua bansonga bikale mu bukubi ne babalongesha malu a bukubi bua kapia

• Ikala anu ne bintu bia kujima nabi kapia

• Ulama kapia mutantshi wa metre matua ku 15 ne bisonsa biuma ne bintu bikuabu bidi mua kuosheka

• Kakuikadi kasolonyi, mafuta a kutemesha nawu bintu anyi bintu bikuabu bidi bibandisha kapia

• Ikala ne tshibidilu tshia kujima kapia ne kulekedi kapia anyi makala kâyi majima to

Diteta

• Umvuija ne: kapia kadi dijinga ne luya, oxygene ne mafuta.

• Bansonga badi basangisha bintu ne babilongolola kumpala kua kukuatshisha katshi ka allumette.

• Bansonga bonsu (anyi babidi) badi bapeta katshi kamua pa diteta dionsu.

• Tshipatshila tshiabu ntshia kuosha kapia kakole kadi mua kuosha ku nshinga udibu bakuate anyi balamike ntanta wa santimetre 18 pa mutu pa buloba.

• Bikala kapia kajima, bansonga badi ne bua kuimansha bintu bivua bibuele mu kapia ne kutuadija kabidi, padi dîba dikumbana.

Tuakula bua bualu ebu

Mmushindu kayi udi kapia kafuanangane ne bukola bua Nzambi mu nsombelu wetu?

Mmushindu kayi udi bintu bitudi nabi dijinga bua kukuatisha kapia bifuanangane ne bintu bitudi nabi dijinga bua kupeta bukola bua Nzambi mu nsombelu wetu Tshilejelu, mushindu kayi udi katshi ka allumette kufuanangana bu bukokeshi bua buakuidi? Mmunyi muvua nkunyi anyi kapia mua kufuanangana ne milulu ya buakuidi, bu mudi ditambula anyi mesa a tshijila?

Udi mua kuleja

Katshi ka allumette kadi ne bukola—kadi anu bakuata naku mudimu bimpa. Bia muomumue, bukokeshi bua bakuidi, bobu bakuata nabu mudimu anu mudi Nzambi ulombola, budi mua kuambuluisha bua kupatula bukola bua Nzambi, bufila musangelu ne butoka. Tshilejilu, Nzambi udi ulomba bua kuenza mudimu ne bukokeshi buende bua kupesha bana bende milulu ya lupandu, ne “mu milulu … bukola bua bu Nzambi budi bumuenekela“ (Dilongesha ne Bipungidi 84:20) Bukokeshi bua bakuidi, milulu ya tshijila, ne dilama dia tshipungidi bidi bienza mudimu pamua bua kufila musangelu ne butoka bua bukola bua Nzambi mu nsombelu wetu.

© 2026 by Intellectual Reserve, Inc. All rights reserved. Bipatula mu USA. Dianyisha mu: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, September 2026. Tshiluba. 20074 760