«Ինչպե՞ս եք պատրաստվելու գերագույն համաժողովին», Երիտասարդներին զորացնելու համար, սեպտ. 2023:
Պատրաստվել գերագույն համաժողովին
«Ինչպե՞ս եք պատրաստվելու գերագույն համաժողովին
Այդ երիտասարդները շատ մեծ օգուտ քաղեցին գերագույն համաժողովից: Ինչպե՞ս կարող եք պատրաստվել ձեռք բերել իմաստալի փորձառություններ:
Ես ցանկանում եմ հետևել մարգարեին
Ես պատրաստվեցի 2022 թվականի հոկտեմբերի գերագույն համաժողովին՝ ընթերցելով Հիսուս Քրիստոսի Քավության մասին Մորմոնի Գրքում և Հին Կտակարանում:
Համաժողովի ժամանակ նախագահ Ռասսել Մ. Նելսոնը խոսեց մեզ հետ և վկայեց տաճարի կարևորության մասին:1 Տաճարում հավերժական օրհնություններ են խոստացվում, և գեղեցիկ հոգի է զգացվում, երբ դուք գնում եք այնտեղ:
Նիկարագուայում դեռևս տաճար չկա, բայց դրա կառուցման մասին հայտարարվել է: Հուսով եմ, որ կարող եմ լսել նախագահ Նելսոնի խոսքերը և գնալ տաճար, երբ կառուցումն ավարտվի:
Երբ ես դիտում էի համաժողովը, ես զգացի, որ Հոգին վկայում է, որ ես ճիշտ տեղում եմ: Ես զգացի, որ սիրտս լցված է Աստծո սիրով:
Կառլոս Մ., Նիկարագուա
Բժշկումը հասանելի է բոլորին
2022 թվականի հոկտեմբերի գերագույն համաժողովից առաջ ես անդրադարձա այն իրադարձություններին, որոնք վերջերս տեղի էին ունեցել իմ կյանքում: Համաժողովից առաջ շատ բաներ էին անհանգստացնում իմ միտքը, և ես ցանկանում էի զգալ մխիթարություն, խաղաղություն և ուժ:
Համաժողովի ընթացքում Տասներկու Առաքյալների Քվորումից երեց Քվենթին Լ. Քուքն ասաց. «Փրկչի Քավության շնորհիվ բժշկումը հասանելի է բոլորին»:2
Այդ խոսքերն ինձ խաղաղություն և հույս տվեցին։ Երբ ես սխալներ եմ գործում և սխալ ընտրություններ եմ կատարում, կարող եմ ներվել և խաղաղություն զգալ Հիսուս Քրիստոսի Քավության միջոցով: Եվ ինչ ցավ էլ որ զգամ, ես կարող եմ բժշկվել: Մենք բոլորս կարող ենք զգալ նույն խաղաղությունն ու բժշկումը, երբ ապաշխարում ենք մեր մեղքերից և ամեն օր ձգտում ենք ավելի լավը լինել:
Կայե Դ., Ֆիլիպիններ
Ինչպես եք նախապատրաստվում համաժողովին
Ընդամենը մեկ րոպե տրամադրեք համաժողովին պատրաստվելու համար, և դուք ավելի լավ փորձառություն կունենաք: Ուստի, ինչպես կարող եք պատրաստվել: Սկսեք՝ գրի առնելով ձեր հարցե՛րը: Դիտելիս մտածեք ձեր հարցերի շուրջ, և դուք կզարմանաք, թե որքան հաճախ են խոսնակները ուղղակիորեն խոսում ձեզ հետ: