“Matagofie e Sui A’i le Lefulefu: O Le Ala o le Faamalolo o le Faamagaloga—O Nai Vaega,” Mo le Malosi o le Autalavou, Nov. 2022.
Matagofie e Sui A’i le Lefulefu: O Le Ala o le Faamalolo o le Faamagaloga
O Nai Vaega
Ma sa Ou ’Ai, saunia e Kristin Yee
E le o tuua na o i tatou e taulima ia taunuuga o faatinoga a isi; e mafai foi ona faaatoatoaina i tatou ma tuuina mai le avanoa e faasaoina ai mai le mamafa o se loto ita ma soo se faatinoga e ono mulimuli mai.
… E finagalo le Alii ina ia tatou faamagalo atu mo lo tatou lava lelei. Ae e le o poloai mai o Ia tatou te faia e aunoa ma Lana fesoasoani, Lona alofa, ma Lona silafia. E ala i a tatou feagaiga ma le Alii, e mafai ai ona tofu maua e i tatou le mana faamalosi, taitaiga, ma le fesoasoani tatou te manaomia e faamagalo atu ai ma faamagaloina ai. …
… Na Ia fetalai, “Ua i o’u luga le Agaga o le Alii, aua ua na faauu mai ia te a’u e folafola le tala lelei i e matitiva; ua auina mai a’u e ia e faamalolo i e loto momomo, e tala’i le saolotoga i le tafeaga, ma ia pupula mata o e tauaso, e tuu saoloto i e ua faasauaina” [Luka 4:18; ua faaopoopo le faamamafa].
Ia i latou uma o e loto momomo, faapagotaina, faasauaina, ma atonu ua faatauasoina i le tiga po o le agasala, ua Ia ofoina mai le faamalologa, faafoisia le malosi, ma le laveaiga. Ou te molimau atu e moni le faamalologa ma le faafoisia o le malosi ua Ia ofoina mai. …
O Iesu Keriso o lou Mesia patino, o lou Togiola ma le Faaola alofa, o lē e silafia aioiga o lou loto. E finagalo o Ia ia e maua le faamalologa ma le fiafia. E alofa o Ia ia te oe. E tutulu o Ia faatasi ma oe i ou faanoanoaga ma e fiafia e faaatoatoa oe. Tau ina ia teufatu ma uu Lona aao alofa lea e faaloaloa mai pea a o tatou savavali i le ala faamalolo o le faamagaloga.