“O Se Taiala mo Faaaliga Faaletagata Lava Ia—O Nai Vaega,” Mo Le Malosi o le Autalavou, Nov. 2022.
O Se Taiala mo Faaaliga Faaletagata Lava Ia
O Nai Vaega
Tatou te manaomia ona malamalama i le taiala i totonu lea e galue ai le Agaga Paia e tuuina mai faaaliga faaletagata lava ia. …
E fatua’i e tusitusiga paia le uluai elemene o lenei taiala mo faaaliga faaletagata lava ia. O le taumafa i afioga a Keriso, e pei ona maua i tusitusiga paia, e faaosofia ai faaaliga faaletagata lava ia. …
O le elemene lona lua o le taiala e faapea, ua na’o i tatou lava atoa ma vaega tatou te taitaia tatou te maua ai faaaliga faaletagata lava ia ae tatou te lē mauaina ni faaaliga mo isi tagata. …
… O aoaoga faavae, poloaiga, ma faaaliga mo le Ekalesia o aiā tatau ia a le perofeta soifua, o lē na te mauaina ia mea mai le Alii o Iesu Keriso. …
… E na o le perofeta e mauaina faaaliga mo le Ekalesia. …
O faaaliga faaletagata lava ia e ā tagata taitoatasi ia. E mafai ona e mauaina faaaliga, mo se faataitaiga, e uiga i le mea e te nofo ai, o le a le ala faalematata e mulimuli ai, pe o ai foi e faaipoipo i ai. …
O se elemene lona tolu o le taiala e faapea, o faaaliga faaletagata lava ia o le a ogatusa lea ma poloaiga a le Atua atoa ai ma feagaiga ua tatou osia ma Ia. …
Pe a tatou ōle atu mo faaaliga e uiga i se mea lea ua uma ona aumai manino ai e le Atua le faatonuga, tatou te faatagaina i tatou lava e faauigasese o tatou lagona ma faalogo atu i mea tatou te mananao e faalogo i ai. …
O le elemene lona fa o le taiala, o le iloaina lea o mea ua uma ona faaalia e le Atua ia te oe lava ia, a o tatala atu lou loto i nisi faaaliga mai ia te Ia. …
… Ou te iloa e mafai ma o le a faaali atu e le Agaga Paia ia te outou mea uma e tatau ona outou faia.