“Ena Qoroi i Karisito kei na Nona Kosipeli,” Me iSakisaki ni iTabagone, Me 2022.
Soqoni ena Yakavi ni Sigatabu
Ena Qoroi i Karisito kei na Nona Kosipeli
Veitikina lavetaki
Au sa vakasamataka vakatitobu na levu cake tiko ni noda kurabui vakayalo, ka kaya kina, ni sa rawa ka dodonu meda lomana na kosipeli i Jisu Karisito kei na veisau levu e rawa ni yaco ena noda bula vakatisaipeli kei na noda ilakolako ki na bula tawamudu. …
… Na iusutu ni noda sasaga ena ilakolako oqo, sa dina sara, na rua na ivunau levu: meda lomana na Turaga na noda Kalou ka lomana na wekada me vakataki keda. …
… O koya gona, ena gauna e lomada ka vakaidina kina na noda soli keda meda rai yani Vua ka vuli mai na Nona ivakaraitaki uasivi sara, sa yaco me da kilai Koya vakavinaka cake. Eda sa tubu ena marau kei na gagadre meda umana vata ki na noda bula na ivakatagedegede cecere ni ivakarau meda bulataka, na ivakaraitaki e dodonu meda tuvanaka, kei na ivakaro meda muria. …
Kemuni na noqu itokani lomani, na veika kece oqo e vaqaqacotaka na noda kurabui vakayalo me baleta na kosipeli ka tosoi keda me da maroroya ena reki na veiyalayalati eda cakava vua na Turaga—ena loma sara mada ga ni veivakatovolei kei na bolebole eda sotava. …
… Sa noqu masu ni da na qoroi Jisu Karisito kei na Nona loloma sa taucoko, tawayalani, ka uasivi sara. Me sa qai yaco na ivakananumi ni veika sa raica na matada kei na veika sa vakila na yaloda me sa vakalevutaka na noda kurabui ena solibula ni veisorovaki ni iVakabula, ka sa rawa ni vakabulai keda ena mavoa vakayalo kei na lomada ka vukei keda meda toro voleka yani Vua.