“Muri Jisu: Mo Dua na Dautataro,” Me iSakisaki ni iTabagone , Me 2022.
Soqoni ena Mataka ni Vakarauwai
Mo Muri Jisu: Mo Dua na Dautataro
Veitikina lavetaki
A vakavulica na Turaga na sala ni bula, ena gauna o ya kei nikua, ena vuravura veicacati. “Sa kalougata ko ira sa dautataro,” a kaya o Koya, “ni ra na vakatoki me luve ni Kalou. ” [Maciu 5:9]. …
Ena vakamalumutaka ka tarova vakacava o dautataro na gasau vidi? Eda na sega ni luluqa e matadra o ira era vakacacani keda. Ia, eda na yalodei tikoga ena noda vakabauta, wasea noda vakabauta ena qaqa, ia eda na sega ni cudru se yaloca. …
Na cava e solia mai meda yaloqaqa kina meda vakamalumutaka, tarova, ka bokoca na gasau vidi e vanalaka tiko na dina eda lomana? Na kaukauwa e lako mai ni da vakabauti Jisu Karisito kei na noda vakabauta na Nona vosa. …
Dina ga ni noda gagadre vinaka o ya me yaco na ivakavuvuli ni iVakabula mera rokova kece na tamata, na vosa ni Turaga maivei ira na Nona parofita sa dau veibasai ki na nanuma kei na ivakarau kei vuravura. Sa dau yaco tiko vakaoqo. …
Eda lomani ira ka kauwaitaki ira vakaidina na tiko wavoliti keda, kevaka madaga era sega ni vakabauta vata kei keda. …
… E tiko na gauna vei keda na dautataro meda vorata na yaloda meda vosalesu ia ena dodonu ga, meda sa tudonu ga, ka galu ga. …
… E ka ni rarawa, sega ni ira kece a dei tiko nodra lomana na iVakabula kei na nodra guta mera maroroya na Nona ivakaro. …
Sa rawa talega vei keda meda na lako tani talega mai na veileti ka vakalougatataka nodra bula eso, ka sega ni nanumi keda ga ena noda dui tutuna. …
Meda sa qai lomani Koya ka veilomani vakai keda. Me da sa qai dautataro, me da vakatokai kina me “luve ni Kalou.”