“Na Noda Veiwekani kei na Kalou,” Me iSakisaki ni iTabagone, Me 2022.
Soqoni ena Mataka ni Sigatabu
Na Noda Veiwekani kei na Kalou
Veitikina lavetaki
E dodonu me da kakua ni vakasamataka na ituvatuva ni Kalou me dua na misini ni cakacaka cokovata ena vanua eda (1) digitaka kina e dua na veivakalougatataki e gadrevi, (2) solia na ivotavota ni cakacaka vinaka e gadrevi, ka (3) vakau vakatotolo na ituvatuva. …
E bibi na noda veivutuni kei na talairawarawa, noda solibula, kei na noda caka vinaka e cecere. Eda vinakata meda maliwai ira e vakamacalataka tiko o Ica ni ra “tawayavalati rawa ena cakacaka vinaka kecega” [Ica 12:4]. Ia e sega soti ni baleta ni so era dau maroroya tu ga na ivola ni akaude vakasilesitieli. Na veika oqo e cecere baleta ni ra vakaitavitaki keda ena cakacaka ni Kalou ka sa sala eda cakacaka vata kina kei Koya ena noda veisau mai vua na tamata vakayago ki na yalododonu. Na ka e solia vei keda na Tamada Vakalomalagi sai Koya kei na Luvena, e dua na isema voleka ka gumatua vata kei Rau ena loloma soliwale kei na veitabaki i Jisu Karisito, na noda Dauveivueti.
… Sa tuvakarau na Tamada me dusimaki keda yadudua ena Nona salatu ni veiyalayalati ka caka na ikalawa e caka ki na noda gagadre yadudua ka bulia na Nona ituvatuva me baleta na noda marau cecere vata kei Koya. …
Sa vakakina, ena sega ni rawarawa na salatu oqo kivua e dua vei keda. Sa rui levu na veivakasavasavataki e gadrevi me rawarawa kina. …
O koya gona, ena maliwa ni nona bukawaqa veivakasavasavataki oqo, eda sa sega ni cudruva na Kalou, eda sa toro voleka vua na Kalou. Dou masuta na Tamada ena yaca ni Luvena. Lako vata kei Rau ena Yalo, ena veisiga yadua. Solia Vei Rau e dua na gauna me vakaraitaka na Nodrau yalodina vei iko. Meda sa qai kilai Rau vakaidina ka kilai iko vakaidina sara. Me Qaqa Duadua ga na Kalou