« Te patura’a ia Ziona nā roto i te hō’ēra’a », Nō te Pūai o te Feiā ’Āpī, Tetepa 2021, 20.
Parau hope’a
Te patura’a ia Ziona nā roto i te hō’ēra’a
Nō roto mai i te hō’ē a’ora’a nō te ’āmuira’a rahi nō ’Ātopa 2008.
Ziona ’o te hō’ē ïa vāhi ’e hō’ē nūna’a. ’O Ziona te i’oa i hōro’ahia i te ’oire tahito ra o Enoha. ’Ua mā’iri ihora te Fatu i te i’oa o te mau ta’ata o Enoha ’o Ziona « nō te mea hō’ē ā tō rātou ’ā’au ’e hō’ē ā tō rātou mana’o, ’e ’ua pārahi ho’i rātou ma te parauti’a ; ’e ’aore e ta’ata veve i rotopū ia rātou » (Mose 7:18). I te tahi atu vāhi ’ua parau ’oia : « Nō te mea ’o teie ho’i Ziona—tei mā te ’ā’au » (Te Parau Ha’api’ira’a ’e te mau Parau Fafau 97:21).).
Nō te fa’ati’a ia Ziona i roto i tō tātou mau ’utuāfare, te mau ’āma’a, te mau pāroita ’e te mau titi, tītauhia ia tātou ’ia (1) tāhō’ē i roto i te ’ā’au hō’ē ’e te mana’o hō’ē ; (2) ’ia riro ’ei nūna’a mo’a ; ’e (3) ’ia aupuru i te feiā veve ’e tei nava’i ’ore. E’ita tā tātou e nehenehe e tīa’i ’ia tae mai Ziona ’a tupu ai teie mau mea—e tae mai ’o Ziona mai te mea e tupu te reira mau mea.
E riro mai tātou ’ei hō’ē ’ā’au ’e ’ei hō’ē mana’o, ’a tu’u ai tātou tāta’itahi i te Fa’aora i te pū o tō tātou orara’a, ’ia pe’e i te feiā tāna i fa’aue nō te arata’i ia tātou, ’e ’ia tāhō’ē i roto i te here ’e te māna’ona’o nō te tahi ’e te tahi. I teie hō’ēra’a ’e teie here i te tahi ’e te tahi, ’ia fa’ahauhia e tauatini taime nā roto i te mau rāve’a rau, e « ho’i fa’ahou mai [ai] Ziona » (Isaia 52:8.).
Fa’ahōho’ara’a nā Albert Pinilla