« Tū’ati », Nō te Pūai o te Feiā ’Āpī, Tetepa 2021, ’o roto i te ’api tāpo’i nō mua.
Tū’ati
Alora D.
19 matahiti, Tennessee (Fenua Marite)
Tei roto tō’u pāpā i te nu’u fa’ehau Marite, nō reira, ’ua nu’u haere mātou nā te mau vāhi e rave rahi ’a pa’ari noa ai au. E mea fifi roa ’ia riro ’ei ta’ata paraparau i te ta’ata ’e ’ia fa’ahoa, ’e ’ua mana’o vau ē, e tamāhine māmahu vau, e au vau mai te hō’ē hōho’a pēni hō’ē noa iho ’ū.
’Ua tauturu te ’ohipa pēni hōho’a iā’u ’ia ’ite ē, ’ua rau te ’ū i ni’a iho iā’u ! E ’ere au i te ta’ata paraparau mai te tahi mau ta’ata, terā rā e mau tuha’a rau i roto i tō’u huru ta’ata, mai te hō’ē hōho’a pēni ’ua rau te ’ū i ni’a iho. I te tahi taime e māere te ta’ata i te rau o te ’ū i ni’a i tā’u mau hōho’a pēni, ’e teie noa tā’u e parau ia rātou : « ’Aita ā ’outou i mātau iā’u ! »
Tē ’imi noa nei ā vau ’o vai au, ’e tē ’ite ra vau i te tahi atu ā mau tuha’a nō ni’a iho iā’u. ’Aita i maoro a’enei, ’ua hīmene au i roto i te fa’anahora’a Mata ’e mata nā te feiā ’āpī tamāhine i te ’āva’e Novema 2020. ’Ua ’ite au ē, ’ia rave ana’e au i te mau ’ohipa ri’i ’ōhie mai te tai’ora’a i tā’u mau pāpa’ira’a mo’a ’e te pure, e tauturu te reira iā’u ’ia ha’api’i mai ’o vai au ’e ’o vai tā te Metua i te ao ra e hina’aro ’ia riro mai au.