Te Boki ni Wareware ae Bebete
Taeka aika a Kan Ongora ao ni Bebete
Te karaki ae koaua man te USA.
E wiingare Kaci ngke e tekateka n te Moanrinan. Te bong aei bon aia tai ataei n taetae n tain te bootakin te toa. E kanakonano nakoina taekinan are e mwiokoaki iai, ma e a tia ni karaoia!
E tei mai moa Titita Dench, te beretitenti n te Moanrinan. E taku “E rangi n tamaroa ae karaoaki n te bootaki n te Toa n te bong aei!. “I ataia bwa kam a tia ni mwakuri korakora n reiakina are kam mwiokoaki iai.”
“Ma e aki tamaroa ae taekiinna Kaci,” e taetae te ataeinimwaane ae ikawai riki ibuakoia. “Akea ae kona n ongo bwa tera ae taekinna.”
E ubu ni un Titita Dench nakon te ataeinmwaane, imwiina e taraa Kaci ma te moangare. “E rangi n tikiraoi ae ko a tia ni karaoia.”
E kataia n aki tang Kaci. E a tia ni karaoa ana kabanea n tamaroa n reiakina tibwangana. Ma n tabetai e aki eti ana taeka ake e bon riai n taekinna.
I aon kawaia nakon mweengaia, E aki kona n taua raninmatana Kaci.
“Tera ae riki?” E titiraki tinana.
“E bwainingareai temanna mai buakoia ataeinimwaane. E taku bwa e aki eti au taetae.” E a korakora riki tangina.
“E rangi n tamaroa ae ko karaoia. Ti rangi ni kamoamoa iroum,” e taku tinana. “Ko ataia bwa antai riki ae kakatonga iroum?”
E ioioa atuna Kaci.
E taku tinana, “Tamam are i Karawa”. “E ataia bwa ko a tia ni karaoa am kabanea n tamaroa.”
E namakina ae raoroi riki Kaci. E tangiria ni kabonganai ana taeka ni buokiia aomata bwa a na kukurei naba.
N te reirei, E tuanga ana tia reirei Kaci bwa e tikiraoi ana mwakuri n angareirei.
N mweengaia, E karaoa te taibora ni bwai Tamana. E tuanga tamana bwa e raoiroi ana mwakuri ae karaoia ni katamaroaan aia auti.
I tinaniku, a takakaro n te booro Kaci ma mwaanena. E tuanga mwaanena Kaci bwa e bwaati ni kare booro.
Tuangakiia aomata bwa e raoiroi ae a karaoia e bon angan Kaci te namakin ae raoiroi i nanona. Ngkana e nooria tabeman bwa a moangare, e ataia bwa a karika te bwai ae bubura ae tamaroa ana taeka aika a bebete!
Kamataata n te tamnei iroun Greg Paprocki