Ara Aonaaba ae Tamaroa
E anaaki man “Mwiokoara n te Aonaaba,” Riaona, Nob. 2022, 57–59.
Ti kairiia tabeman mai buakoia tibura ngai ma kaainabau nakon te onaroka ae rangi n tamaroa i Buranti. Ti mimiiakina tamaroan uee ae rereena, aroka ma ueena ake a riki i aon te ran, ao taian nei.
E bwaibwai ngkoa n te onaroka te mwaane ae arana Calude Monet. Bon te tia korotamnei ae rianako. E mwakuriia raoi karaoan ana onaroka i nanon 40 te ririki. E karaoi bubua korobanna ake a rio karaoaia man ana onaroka.
A kona n anganira te kakaitau nakon Tamara are i Karawa ao natina, Iesu Kristo tamaroan te karikibwai. A karaoa te aonaaba ae tamaroa aio ma maunga iai, karaanga n ran, aroka, ao maan.
A kaotia nakoira karikibwai aika a tamaroa aikai mwaitin ana tangira te Atua nakoira. Ma, a roko naba karikibwai aikai ma taian beku ao mwioko. E aranaki aei bwa te mwiokoaki. T riai n tararuai ana bwai te Atua ake e a tia ni karikia ibukira.
E kaoira naba Tamara are i Karawa bwa ti na raonna n Ana mwakuri ake e karaoi. Ti kona ni karaoa te korotamnei, anene ma katangtang, ao bwaai riki tabeua ake a kona ni kanakoraoa maiura ao ni kakabwaiaia tabeman.
E beritani kakabwaia aika a korakora te Atua ngakana ti tangiria ao n tabeakina te aonnaba ao boni ngaira n tatabemaniira nako. Ngkana ko karaoia, ko na namakina riki Ana tangira i nanon maium.
Korobanna man Beebwa aika a Uruaki
E reirei Bishop Caussé bwa ti kona n riki bwa taan karikibwai naba! Aio te korobanna ae ko kona ni karaoia ni kauringko n Ana karikibwai Tamara are i Karawa aika a tamaroa.
-
Kakaea tamnein te bwai teuana man te karikibwai ae anaa nanom.
-
I aon te beebwa, kabongana te bentira ni korea tamnein mwakoron nako te tamnei aika a kakaokoro.
-
Raeuai beebwa aika a karanaki ni kabonganai n am tamnei.
-
Kanimwi mwakorokoro ni beebwa ake a karanaki i nanon am tamnei.
Kamataata n te tamnei iroun Maddie Baker