“Jekab im Nipai Raar Lo Jisōs,” Jera, M̧aaj 2024, 26–27.
Bwebwenato ko an Jeje ko Rekwojarjar
Jekab im Nipai Raar Lo Jisōs
Kōmeļeļe jān Andrew Bosley
Jekab ekar ļeo jatin Nipai. Ekar ļotak ālkin an baam̧le eo aer kar em̧m̧akūt jān Jerusalem. Jekab ekar itok n̄an āneen kallim̧ur eo āinwōt juon ajri.
Jekab im Nipai raar jimōr lo Jisōs Kraist. Raar kwaļo̧k naan in kam̧ool ko aer ippān baam̧le ko aer n̄an jipan̄ er katak kōn Jisōs.
Raar kwaļo̧k naan ko an rikanaan Aiseia barāinwōt. Aiseia ekar barāinwōt lo Jisōs im kar jeje kōn E ilo jeje ko rekwojarjar. Jekab im Nipai raar kōjerbal naan ko an Aiseia jān jeje ko rekwojarjar n̄an katakin baam̧le ko aer kōn Jisōs.
Raar katakin bwe Jisōs enaaj kar itok n̄an laļ. E enaaj kar mej im bar mour. Raar kwaļo̧k naan in kam̧ool eo aer kōn Jisōs Kraist bwe baam̧le ko aer ren reim̧aanļo̧k n̄an itok eo An.