“Ko ʻEku Fakamoʻoní,” Kaumeʻa, Sānuali 2024, 38.
Tohi ʻe Koe
Ko ʻEku Fakamoʻoní
Ko hoku hingoá ko Koloi, pea ʻoku ou taʻu 9. ʻOku ou manako ki he vaʻinga tenisí, hivá, mo e fakakaungāmeʻá.
ʻOku ou saiʻia ke ʻi he lotú, pea ʻoku ou saiʻia ke tokoni ʻi heʻeku kalasi Palaimelí. ʻOkú ne ngaohi au ke u ongoʻi fiefia. ʻOku ou saiʻia foki ke tokoni ki he niʻihi kehé. ʻOku ou ʻofa lahi ʻi hoku fāmilí. Naʻá ku tokoni ki hoku kiʻi tokoua siʻisiʻi ko ʻAná ke ne ako ke heka pasikala. ʻOku ou faʻa tokoni ʻi he taimi ʻe niʻihi ki heʻeku faʻeé ke fufulu ʻa e ʻū peletí.
ʻOku ou saiʻia foki ke lau mo hoku fāmilí ʻa e Tohi ʻa Molomoná. ʻI heʻeku lau ʻi ha ʻaho ʻe taha ʻa e talanoa ʻo ʻĀmoní, naʻá ku ongoʻi ʻa e Laumālie Māʻoniʻoní ʻi hoku lotó. Naʻá ku talaange ki hoku fāmilí ʻi he pō ko iá, “Kuó u ʻilo ʻeni ʻa e ʻuhinga ʻoku pehē ai ʻe he kakaí ʻoku moʻoni ʻa e Tohi ʻa Molomoná.” Naʻá ku ongoʻi ʻi hoku lotó naʻe hoko moʻoni ʻa e ngaahi talanoa naʻa mau lau mei he Tohi ʻa Molomoná.
ʻOku ou ʻilo ʻoku moʻoni ʻa e Siasí. ʻOku ou ʻilo ʻoku moʻoni ʻa e ngaahi talanoa ʻi he Tohi ʻa Molomoná. ʻOku ou ʻilo ko e kau palōfitá naʻe ui kinautolu ʻe he ʻOtuá. ʻOku ou ʻilo ʻe lava ke tokoniʻi kitautolu ʻe he kau faifekaú ke tau muimui ʻia Sīsū. ʻI he huafa ʻo Sīsū Kalaisí, ʻēmeni.
Ngaahi tā fakatātā ʻa Giovanni Abeille