“Mālohi ʻi he Tohi ʻa Molomoná,” Kaumeʻa, Sānuali 2024, 2–3.
Mei he Kau Palesitenisī ʻUluakí
Mālohi ʻi he Tohi ʻa Molomoná
Toʻo mei he “Ko e Tohi ʻa Molomoná: Ne Mei Fēfē Nai Hoʻo Moʻuí Ka Ne ʻIkai Ia?” Liahona, Nōvema 2017, 60–63; mo e “Kau ʻa e Houʻeiki Fafiné ki Hono Tānaki ʻo ʻIsilelí,” Liahona, Nōvema 2018, 68–70.
ʻI heʻeku fakakaukau ki he Tohi ʻa Molomoná, ʻoku ou fakakaukau ki he foʻi lea ko e mālohi. ʻOku maʻu ʻe he ngaahi moʻoni ʻo e Tohi ʻa Molomoná ʻa e mālohi ke faitoʻo, fakanonga, fakamālohia mo fakafiefiaʻi hotau laumālié.
Ko e Tohi ʻa Molomoná ko e …
-
Fakamoʻoni ʻe taha ʻo Sīsū Kalaisi. Naʻe mamata ha kau palōfita tokolahi naʻa nau hiki iá kia Sīsū Kalaisi. ʻOku kau ʻi he Tohi ʻa Molomoná ʻa ʻenau ngaahi fakamoʻoni kiate Iá.
-
Ko ha lekooti ʻo ʻEne ngāue fakafaifekau ki he kakai naʻa nau nofo ʻi ʻAmelika ʻi he kuonga muʻá.
-
Ko e moʻoni!
ʻOku ou fakaafeʻi atu ke mou lau ʻa e Tohi ʻa Molomoná. ʻI hoʻomou laú, ʻoku ou poupou atu ke mou fakaʻilongaʻi ʻa e veesi takitaha ʻoku lea fekauʻaki mo e Fakamoʻuí. Te ke toe ofi ange ai kiate Ia ʻi he founga ko ʻení. Pea ʻe kamata ke hoko ha ngaahi liliu, naʻa mo ha ngaahi mana.
Ko Hono Kumi ʻo Sīsū ʻi he Tohi ʻa Molomoná
Naʻe fakaafeʻi kitautolu ʻe Palesiteni Nalesoni ke tau kumi ʻa e huafa ʻo Sīsū Kalaisí ʻi heʻetau lau ʻa e Tohi ʻa Molomoná. ʻOku lahi ʻa e ngaahi huafa ʻo Sīsū Kalaisi ʻi he folofolá. Ko ha niʻihi ʻeni te ke lava ʻo fekumi ki aí!
Toʻohemá: One by One [Taki Taha] tā ʻe Walter Rane; toʻomataʻú: tā fakatātaaʻi ʻe Apryl Stott