Ko e hā ʻa e Ngaahi Temipalé?

Ngaahi tā fakatātā ʻa Bailey Rees

Ko e ngaahi temipalé ko ha ngaahi fale fakaʻofoʻofa ia ʻe lava ke tau ongoʻi ofi ange ai ki he Tamai Hēvaní mo Sīsū Kalaisi. ʻOku tohi ʻi he temipale takitaha ʻa e ngaahi lea “Ko e Fale ʻo e ʻEikí.” ʻOku fakamanatu mai heni kiate kitautolu ʻoku māʻoniʻoni mo kehe ʻa e temipalé mei he toenga ʻo e māmaní. Kuo palōmesi mai ʻe he kau palōfitá te tau lava ʻo ongoʻi nonga ʻi he loto temipalé.

Temipale Bangkok Thailand

Ko e fuofua temipale ʻeni ʻi Tailení.
ʻOku fungavaka ʻe ono hono māʻolungá, mo ha taua ʻe hiva.
ʻI he taimi naʻe langa ai ʻa e temipalé, naʻe meimei tāfea ia ʻi ha matangi. Ka naʻe tokoniʻi ʻe he Laumālie Māʻoniʻoní ʻa e taki ngāué ke ne ʻiloʻi ʻa e meʻa ke faí.

Temipale San José Costa Rica

Ko e temipale hono ua ʻeni ne langa ʻi ʻAmelika Lotolotó.
ʻOku ngaohi ʻaki ia ha māpele hinehina fakaʻofoʻofa mei Mekisikou.
ʻOku meimei ke mamaʻo ʻa e temipalé ʻi ha houa ʻe taha mei ha moʻunga afi kei moʻui.