Ang Aking Tipan sa Binyag

Ang tipan ay isang pangakong ginagawa natin sa Ama sa Langit. Magbasa tungkol sa tatlong bagay na ipinapangako nating gawin kapag bininyagan tayo. Pagkatapos ay isulat kung ano ang magagawa mo para matupad ang iyong tipan sa binyag!

Laging Aalalahanin si Jesucristo

alt text

“Lagi siyang aalalahanin” (Moroni 4:3).

Nang makita ni Elena na masungit ang iba sa isang tao, naisip niya kung ano ang gagawin ni Jesus.

Paano ko maaalala si Jesus: __________

Sundin ang Kanyang mga Kautusan

alt text

“[Sundin] ang kanyang mga kautusan” (Moroni 4:3).

Pinili ni James na hindi panoorin ang isang video na may masasamang pananalita at larawan.

Isang kautusang maaari kong sundin: __________

Taglayin sa Inyong Sarili ang Kanyang Pangalan

alt text

“Taglayin sa [inyong] sarili ang pangalan [ni Jesucristo]” (Moroni 4:3).

Sinabi ni Nana sa kanyang kaibigan na kabilang siya sa Ang Simbahan ni Jesucristo ng mga Banal sa mga Huling Araw.

Ang ibig sabihin sa akin ng taglayin sa ating sarili ang Kanyang pangalan: __________

Pagtupad sa Aking Tipan

Narito ang ilan pang mga paraan na maaari mong tuparin ang iyong tipan sa binyag.

Tumulong sa mga Tao

alt text

“Magpasan ng pasanin ng isa’t isa, nang ang mga yaon ay gumaan” (Mosias 18:8).

Tinulungan ni Akio ang kanyang nakababatang kapatid na lalaki sa math homework nito.

Sino ang maaari kong tulungan: __________

Magsisi Kapag Nakakagawa Ka ng Mali

alt text

“Magsisi at isilang na muli” (Alma 5:49).

Matapos magsabi si Isa ng isang bagay na hindi maganda sa kanyang kapatid, nagdasal siya sa Ama sa Langit. Pagkatapos ay humingi siya ng tawad sa kanyang kapatid.

Paano ako maaaring magsisi: __________

Aliwin ang Iba

alt text

“Aliwin yaong mga nangangailangan ng aliw” (Mosias 18:9).

Binisita ni Lucas ang kanyang kaibigan na namatayan ng lolo.

Paano ko maaaring aliwin ang isang tao: _________________________

Ang Iyong Kumpirmasyon

Pagkatapos ng binyag mo ipapatong ng isang priesthood holder ang kanyang mga kamay sa iyong ulunan.

Pagtitibayin ka niya bilang miyembro ng Ang Simbahan ni Jesucristo ng mga Banal sa mga Huling Araw at babasbasan kang matanggap ang kaloob na Espiritu Santo (tingnan sa Doktrina at mga Tipan 33:15).

Ang Ipinapangako sa Iyo ng Ama sa Langit

Kapag bininyagan tayo at kinumpirma, pinangangakuan tayo ng Ama sa Langit na sa tuwina ay mapapasaatin ang Kanyang Espiritu. Tinutulungan tayo ng Espiritu Santo na madama ang pagmamahal, pag-aliw, at kapayapaan ng Diyos. Tinutulungan din Niya tayong madama na napatawad tayo kapag nagsisisi tayo.

Marami ka pang malalaman tungkol sa iyong tipan sa binyag sa pakikinig sa mga panalangin sa sakramento bawat linggo (tingnan sa Doktrina at mga Tipan 20:77, 79).

alt text here

Mga larawang-guhit ni Kelly Smith