Ejjeļo̧k iaļ in Diwōj!
Rijeje eo ej jokwe ilo Utah, USA.
Bwebwenato in ekar bōk jikin ilo Central Hungary, Hungary.
Bōlen Emma emaron̄ jipan̄!
“Likūt am lōke ilo Jetōb eo ej tōlļo̧k n̄an kōm̧m̧an em̧m̧an” (Katak im Bujen Ko 11:12).
Emma ekar kejook kak ko ilo jikin etetal eo edekāke. Ekar juon raan eo emeram im edete. E im Mama rekar etetal laļļo̧k n̄an m̧ōn wia eo.
“Mam̧a, ewi jon̄an an ettoļo̧k al?” ekar kajjitōk.
“Ijjab lukkuun jeļā,” Mam̧a ekar ba.
Emma ej eromrom lōn̄ļōk n̄an lan̄. “Kwoj ke ļōmņak juon rakōt emaron̄ etal n̄an al? Kwoj ke ļōmņak eļapļo̧k an bwil jān ejaromrom? Kwoj ke ļōmņak …”
Mam̧a ekar ettōn̄. “Kajjitōk ko am̧ rekar penļo̧k im penļo̧k wōt!”
Emma ekar bar ettōn̄. Ekar lukkuun lōn̄ an kajjitōk. Mam̧a ekar kajjieon̄ jon̄an eo emaron̄ n̄an uwaake er. Ej unin an Emma kar kōņaan etetal ippān Mama.
Emma ekar reito reitak ilo bukwon eo an. Taxi ko rekar ettōr laļļo̧k ilo iar dekā eo. Armej rekar bajikōļ. Elōn̄ armej ro rekar bar pād nabōj im walk.
Innem Emma ekar reilo̧k n̄an ijo turājet in iaļ eo. Juon leddik jidikdik ekar jijet ilo jikin etetal ko ilo jikinwe eo ilo nabōj in wōt apaatmen eo an. Ekar reilo̧k āinwōt ekar jan̄.
Emma ekar kadikdik. Ej ke aikuj bōjrak n̄an jipan̄? Bolen leddik in ekar kōņaan make ļo̧k iaan. Jet iien Emma ekar kōņaan make iaan n̄e ej burom̧ōj.
Emma ekar bōjrak an etetal. Eiten aolep iien Emma ekar kōņaan kōnono ippān juon ke ekar aikuj jipan̄. Im bōlen liin emaron̄ jipan̄!
Ekar kanōk tok pein Mam̧a. “Reilo̧k, Mam̧a. Ij ļōmņak bwe leddik eo ej aikuj jidik jipan̄.”
Mama ekar reilo̧k n̄an ijo turājet in iaļ eo. “Ij ļōmņak kwojim̧we.”
Emma ekar jibwe pein Mam̧a ilo an kar kūrooje iaļ eo. Ekar etetal lōn̄ļo̧k ilo jikinwe eo n̄an ijo leddik eo ej jijet ie. “Iakwe,” Emma ekar ba. “Kwoj ke aikuj jipan̄?”
Leddik jidikdik eo ekar emenono jidik im reilōn̄ļo̧k n̄an er. Pein rekar libobo ilo bukwien, im mejān rekar bōroro im ebbōj.
“N̄a … Ijjab maron̄ deļon̄e apaatmen e aō.” Ekar bōk kūtuōn. Ainikien ekar lukkuun wudiddid im lur. Emma ekar bukwelōlō kepaakeļo̧k bwe en em̧m̧an an keron̄jake.
“Ijjab maron̄ riit,” leddik eo ekar ba. “Ijjab jeļā ewi wōt batin eo n̄an jiped e n̄an deļo̧n̄.”
Emma ekar reilo̧k n̄an dipin m̧weo ilo nabōj in apaatmen eo. Ekar wōr bar batin jidikdik ko. Kajjojo batin kar likūt etan ioon. Turin wōt batin eo juon rikōnono ej pād ie.
“Etan last name eo am̧?” Emma ekar kajjitōk.
“Schneider,” leddik jidikdik eo ekar ba.
Mam̧a ej lale batin ko m̧ae ekar lo juon ekar ba “Schneider.” Ekar iuunm̧aanļo̧k.
Buzz!
Batin eo ekar kōm̧m̧an juon ainikien. Innem juon ainikein ekar diwōjtok jān kein ron̄jake eo.
“Baam̧le eo an Schneider in. Imaron̄ ke jipan̄ eok?”
Mam̧a ekar kōnono ļo̧k n̄an rikōnono eo. “Iakwe! Leddik eo nejū im n̄a kom̧ro ej pād nabōj ippān leddik jidikdik eo ej ba ekar jab maron̄ deļo̧n̄.”
Leddik eo ekar m̧ōkaj in jutak im ettōr ļo̧k n̄an ippān rikōnono eo. “Mama,” ekar ba, “Ikar jab maron̄ riiti batin eo n̄an bar deļon̄, im armej rein rekar jipan̄ n̄a!”
Ainikien rikōnono eo ekar āinwōt eilbōk. “Leni! Ikar ļōmņak kwoj pād ilo ruum̧ eo am̧! Jab inepata. Ij iwōj kiiō.”
Ālkin jejjo jeken, juon kōrā ekar ettōr nabōj tok. Leddik eo ekar ettōrļo̧k n̄an ippān im atbokwoje.
Kōrā eo ekar oktakļo̧k n̄an Emma. “Kom̧m̧ol kōn am jipan̄ leddik jidikdik in nejū Leni!”
Emma ekar ettōn̄dikdik. “Ekar pidodo n̄an jipan̄.”
Rekar kajutak peir im bye im bar walalļo̧k ilo jikinwe eo. Aolepān ānbwinnin Emma ekar okmāneen. Ekar ļōmņak kōn bar juon kajjitōk n̄an Mama.
“Ekar pidodo jipan̄e leddik eo. Etke Ij lukkuun m̧ōņōņō kake?”
Mama ekar keen pein Emma. “Menin ej Jetōb Kwojarjar ej ba waj bwe em̧ōj am̧ kōm̧m̧ane juon kāālet em̧m̧an.”
Emma ekar ettōn̄dikdik. Ekar m̧ōņōņō ekar bōjrak n̄an jipan̄.