Kar jeje jān Kwe
Inaaj Bar Lo Eok Brother eo Aō Bar Juon Alen
Jān Isabella S., 11 iiō dettan, Utah, USA
Wiik eo juon kar birthday eo an bratōr eo aō edik etan in Gabriel. Enej kar jiljilimjuon an iiō, ak ekar bōk juon nan̄inmej etan cerebral palsy ak wōtame ilo ānbwin im ekar jako ruo iiō remootļo̧k. Ilo Būraimere jekar al “Gethsemane.” Naan ko rekar lukkuun alikkar im ļap meļeļeier. Ekar obrak ruum̧ eo kōn Jetōb.
Ālkin al eo, Sister Webster ekar kwaļo̧k an naan in kam̧ool kōn Pinmuur eo an Jisōs Kraist. Ekar kobrak ruum̧ eo eļapļo̧k kōn Jetōb. Innem ekar kōnono kōn wāween an bratōr eo an kar mej jejjo iiō ko remootļo̧k. Ekar kōm̧m̧an aō ļōmņak kōn Gabriel, im ikar tin jino jan̄. Ikar ļōmņak kōn iien eo ikar jiburleptok Gabe iien eo āliktata. Ikar buruom̧ōj, ak ikar bar en̄jake aeņōm̧m̧an.
Sister Webster ekar kōnono kōn wāween an kar lukkuun m̧ōņōņō kōn an jeļā bwe enaaj bar lo bratōr eo an bar juon alen. Ekar ba bwe ekar jeļā bwe aolep kōj jenaaj bar lo ro rejitenbōro ippad me em̧ōj aer jako.
Ālkin Būraimere ikar atbokwoj Sister Webster. Kom̧ro kar jan̄ ippān doon ilo jejjo wōt minit. Jetōb ekar lukkuun kajoor. Ekar ba n̄an n̄a bwe inaaj bar lo ļaddik jidikdik eo jatu bar juon alen. Ekar ba bwe Pinmuur eo an Jisōs Kraist ekar jab wōt n̄an ro rijerawiwi ak n̄an ro rej bar metak. Ekar kajjitōk ta eo ikar oon̄ kake kōn Gabe, im ikar ba ilukkun oon̄ kōn ettōn̄ ko an.
Ikar ba n̄an Sister Webster bwe eto aō burom̧ōj bwe wiik eo kar an Gabriel kemeem im ikar aikuj jeļā bwe inaaj bar lo ļaddik eo jatu bar juon alen. Ekar ba n̄an n̄a bwe dānin kōmjalaal ko rej kōmjalaal in lan̄lōn̄. Ikar maron̄ en̄jake Jetōb, im ikar jeļā bwe ta eo ekar ba ej m̧ool. Ijeļā bwe inaaj bar lo Gabriel bar juon alen, im menin ej kōm̧m̧an menin aō m̧ōņōņō. Ij iakwe e. Ijeļā bwe kōnke Jisōs Kraist ej iakwe eō, Ekar aje mour eo an bwe in maron̄ bar lo Gabriel.