Kar jeje jān Kwe
Ikar Kōjan̄ juon Al!
Jān Raihau T., iiō 11, Tahiti, French Polynesia
Kar kein kajuon aō ron̄ an ļeo jeiū etan in Allan kōjan̄jan̄ piano ilo iien kweilo̧k in kwojkwoj eo, ikar kōņaan bar kōjan̄jan̄. Ekar erom̧ juon iaan kōttōpar ko aō ke ikar Ajri im Jodikdik n̄an kōjan̄ juon Al ilo iien kweilo̧k in kwojkwoj eo.
Jān iien eo, illakar ekkatak kōjan̄jan̄ piano ippān uncle Ken. Kajjojo raan ij kajjieon̄ n̄an kaminene n̄an diktata 30 minit. Ālkin 10 allōn̄ ko, ikar maron̄ kōjan̄ al eo “Joseph Smith’s First Prayer” (Hymns, no. 26).
Innem eitok COVID-19. Ritōl ro an Kabun̄ in rekar kōbōjrak iien kweilo̧k ak jar ilo Jabōt. Rekar ba jej aikuj kōm̧m̧an jar ko ad ilo m̧ōko. Jinō im Jema rekar letok n̄an kōm kajjojo eddo ko. Rekar kajjitōk ippa n̄an kōjan̄ juon al in kōpelļo̧k, im ikar kōjan̄ “Joseph Smith’s First Prayer.” Iaar maron̄ kōttōprak kōttōpar eo aō n̄an kōjan̄ juon al ilo iien kweilo̧k in kwojkwoj eo! Ikar maron̄ en̄jake Jetōb ilo m̧weo im̧ōm̧.