Dali, Sunod Kanako
Makalingaw nga Panahon sa Kasulatan alang sa Gagmay nga mga Bata
Makahimo kang mogamit niini nga mga ideya sa pagtabang og tudlo gikan sa Dali, Sunod Kanako—alang sa mga Indibidwal ug mga Pamilya sa matag semana.
Alang sa Doktrina ug mga Pakigsaad 1: Tabangi ang inyong gagmay nga mga bata sa pagsulti, “si Joseph Smith usa ka propeta.” Dayon adto sa children.ChurchofJesusChrist.org ug i-klik ang “Music” sa pagpangita og usa ka awit nga kantahon mahitungod ni Joseph Smith.
Alang sa Joseph Smith—Kasaysayan 1:1–26: Tabangi ang inyong gagmay nga mga bata sa pagsulti, “Ang Langitnong Amahan naminaw sa akong mga pag-ampo.” Dayon gamita kini nga balak sa pagtudlo sa inyong mga anak sa pag-ampo: “Ako mopiyong sa akong mga mata. Ako moduko. Ako mokyugpos samtang naglitok sa pag-ampo.”
Alang sa Doktrina ug mga Pakigsaad 2, Joseph Smith—Kasaysayan 1:27–65: Tabangi ang inyong gagmay nga mga bata sa pagsulti, “Gihigugma ko ang akong pamilya.” Guniti pataas ang litrato sa pamilya ug tabangi ang imong gamay nga bata sa pagtudlo sa matag tawo ug isulti ang ilang ngalan.
Alang sa Doktrina ug mga Pakigsaad 3–5: Tabangi ang inyong gagmay nga mga bata sa pagsulti, “Ako makasunod sa Dios.” Pagdula og sunda-ang-lider ug hatagi ang imong anak og mga panudlo, sa tinagsa. Pakpak og dungan kon ang inyong anak nakasunod og husto.
Alang sa Doktrina ug mga Pakigsaad 6–9: Tabangi ang inyong gagmay nga mga bata sa pagsulti, “Ako makahimo og maayo.” Dayon tabangi sila sa paghimo og kard o makalipay nga butang nga mahatag ngadto sa usa ka silingan, o pangita og laing makalingaw nga paagi sa pagserbisyo ●.
Mga paghulagway pinaagi ni John Jovens