Mga Lider

• Pangserbisyo nga mga Misyon: Usa ka Giya alang sa mga Bishop
• Pangserbisyo nga mga Misyon: Usa ka Giya alang sa mga Presidente sa Stake ug District
• Mga Pangserbisyo nga Misyon: Usa ka Giya alang sa mga Area Seventy
• Pangserbisyo nga mga Misyon: Usa ka Giya alang sa mga Ginikanan o sa mga Nag-atiman [Guardian] ug sa mga Pamilya
• Makatabang nga mga Sugyot alang sa mga Lider sa Pagkapari

Ang mga lider sa pagkapari dunay positibo, malungtaron nga impluwensiya sa kinabuhi sa mga kandidato sa pagkamisyonaryo, mga ginikanan, ug sa mga miyembro sa ward samtang magtudlo sila niining mahinungdanon nga mga baroganan:

• Ang matag tawag sa pagmisyon ug gimbuhaton, o pag-reassign unya, maoy resulta sa pagpadayag pinaagi sa mga sulugoon sa Ginoo.
• Ang usa ka tawag sa pagtrabaho isip pangsangyaw o pangserbisyo nga misyonaryo naggikan sa Dios pinaagi sa Presidente sa Simbahan.
• Ang espirituhanong mga gasa sa pagpanagna ug pagpadayag magauban sa tanan nga tawag sa pagmisyon ug mga gimbuhaton.

Ang mga lokal nga lider kinahanglan nga:

• Mohinumdom nga walay tawo nga may kakulangan o inutil sa mga mata sa Ginoo. Ang matag usa sa mga anak sa Langitnong Amahan gipanalanginan og lahi nga espirituhanong mga gasa.
• Mopili sa ilang mga pulong sa mainampingong paagi kon makigsulti sa mga miyembro ug mga ginikanan mahitungod sa pangserbisyo nga mga misyon. Sila ang motakda sa sumbanan kon unsaon sa pagsabot ang mga tawag sa pagmisyon ug mga kasinatian.
• Mopasabot og maayo nga ang pangsangyaw nga mga misyon ug pangserbisyo nga mga misyon mga halad nga madawat sa Ginoo ug kinahanglang maglikay sa paggamit sa mga termino nga “tinuod nga misyon,” “normal nga misyon,” o “tradisyonal nga misyon” kon maghisgot bahin sa pangsangyaw nga misyon.
• Motudlo nga ang tanan nga misyonaryo nagrepresentar sa Ginoo ug mao ang Iyang mga tinugyanan sa buhat sa kaluwasan.

Ang tanan nga takos nga batan-ong lalaki ug batan-ong babaye nga adunay tinguha nga moserbisyo og misyon ug angayan nga mohimo niini mokompleto sa pagtubag og usa ka online nga rekomendasyon nga i-proseso sa presidente sa stake. Basi sa impormasyon nga anaa sa aplikasyon, lakip ang pagtimbang-timbang sa bishop, sa presidente sa stake, ug sa mga propesyonal sa medikal, ang usa ka gimbuhaton sa pangserbisyo nga misyonaryo pagahimoon. Ang Korum sa Napulog Duha ug ang mga General Authority Seventy mosusi sa proseso sa rekomendasyon para sa misyon, ug ang tawag sa pagkamisyonaryo ihatag gikan sa Ginoo pinaagi sa Iyang propeta.

Ang kandidato sa pagkamisyonaryo dili makapili kon unsa nga matang sa misyon ang iyang serbisyohan. Ang tanan nga aplikante ikonsiderar una alang sa pangsangyaw nga mga misyon. Ang mga batan-ong lalaki ug babaye nga dili mahimong tawagon isip pangsangyaw nga mga misyonaryo tungod sa pisikal, mental, o emosyonal nga mga rason tawagon isip mga pangserbisyo nga mga misyonaryo. Kon ang usa ka aplikante tawagon isip pangserbisyo nga misyonaryo, ang pagserbisyo sa aplikante ipahaom sa iyang lahi nga mga talento, mga kahanas, ug mga gasa ug sa lokal nga palibot.

Ang pangserbisyo nga mga misyonaryo moserbisyo diha sa giaprobahan nga matinabangon nga mga organisasyon (sama sa pundohanan sa mga pagkaon, mga serbisyo alang sa refugee, o mga kasilongan), mga organisasyon nga gipadagan sa Simbahan (sama sa mga balay tipiganan, mga buhatan sa delata, mga templo, o mga seminary ug mga institute), o sa mga gimbuhaton gikan sa ilang presidente sa stake o sa bishop. Ang JustServe.org usa ka makatabang nga kapanguhaan alang sa pag-ila sa mga oportunidad sa matinabangon nga serbisyo.

Ang pangserbisyo nga mga misyonaryo nga nagpuyo sa lagyong mga dapit magkinahanglan nga mas mosalig sa lahi-lahi nga matinabangon nga mga organisasyon sa komunidad ug serbisyo nga gisangon ngadto sa stake, sama sa mga ospital ug lokal nga pangserbisyo nga mga kalihokan.

Human ang usa ka batan-ong lalaki o batan-ong babaye matawag nga moserbisyo isip pangserbisyo nga misyonaryo, ang presidente sa stake makigsulti sa misyonaryo, sa iyang mga ginikanan, ug sa mga lider sa pangserbisyo nga misyon aron himoon ang usa ka gipahaom nga misyon nga motakdo sa mga kapabilidad sa misyonaryo. Ubos sa direksiyon sa presidente sa stake ug sa rekomendasyon sa mga lider sa pangserbisyo nga misyon, ang mga gimbuhaton mahimong usbon samtang nagpadayon ang misyon.

Ang pangserbisyo nga mga misyonaryo mopuyo sa balay ug moserbisyo sa ilang dapit. Sa pipila ka talagsa nga sitwasyon, ang pangserbisyo nga mga misyonaryo tingali makadawat og pagtugot nga moserbisyo layo sa ilang panimalay samtang magpuyo uban sa mga paryente. Piho nga mga paghan-ay kinahanglan nga buhaton sa pakigtambag uban sa presidente sa stake, sa mga ginikanan sa misyonaryo, ug sa Opisina sa Pangserbisyo nga Misyon. Kon ang pangserbisyo nga misyonaryo nagpuyo uban sa mga paryente sa lahi nga stake, ang mga rekord sa pagkamiyembro ibalhin, ug ang presidente sa stake sa mga paryente maoy mahimong eklesyastikal nga responsable sa pangserbisyo nga misyonaryo. Dili gayod mahimo nga ang pangserbisyo nga misyonaryo magpuyo nga siya ra.

Ang pangserbisyo nga mga misyonaryo kanunayng magsul-ob sa mga name badge diha sa ilang gimbuhaton sa pagserbisyo, diha sa mga miting sa pangserbisyo nga misyon, ug sa mga miting sa Dominggo sa Simbahan. Dili sila magsul-ob sa name badge sa laing mga higayon.

Dili. Ang pakig-date wala itugot alang sa pangserbisyo nga mga misyonaryo atol sa ilang mga misyon. Ang pangserbisyo nga mga misyonaryo makaapil sa mga kalihokan sa ward, stake, ug young single adult.

Ang pangserbisyo nga mga misyonaryo ug ang ilang mga pamilya maoy responsable sa mga galastohan kalabot sa misyonaryo nga pagserbisyo. Kini nga mga galastohan naglakip sa apan dili kutob lang sa transportasyon, pagkaon, sinina, ug medikal, dental, ug insurance sa sakyanan. Ang pangserbisyo nga mga misyonaryo maoy responsable sa transportasyon paingon ug gikan sa ilang mga lokasyon nga serbisyohan. Ang pangserbisyo nga mga misyonaryo walay madawat nga suportang pinansyal gikan sa General Missionary Fund [Kinatibuk-ang Pundo sa Misyonaryo].

Bisan og ang pangserbisyo nga mga misyonaryo walay mga kompanyon sama sa pangsangyaw nga mga misyonaryo, ang ilang kasiguroan ug kaayohan mahinungdanon kaayo. Ang presidente sa stake ug mga ginikanan moseguro nga adunay tukmang suporta, superbisyon, ug proteksiyon panahon sa inadlaw nga pagserbisyo nga eskedyul sa pangserbisyo nga misyonaryo. Kon mahimo, ang mga lider sa pangserbisyo nga misyon mohimo og panagkompanyon sa mga misyonaryo samtang nagserbisyo sa parehas nga dapit o alang sa katuyoan sa pagtuon sa kasulatan ug sa espesyal nga mga kalihokan sa pagserbisyo.

Oo. Ang mga lider sa pangserbisyo nga misyon mohatag sa mga misyonaryo og tukma nga pangpalambo nga mga oportunidad sa pagpangulo isip kabahin sa ilang kasinatian sa misyon. Ang mga tahas sa pagkalider sa mga misyonaryo mahimong ihatag ngadto sa mga sister ug mga elder.

Oo. Marekord kini sa samang paagi sa pangsangyaw nga misyon.

Ang presidente sa stake mahimong mohatag og madungganong pag-excuse ni bisan kinsa diin siya nakasiguro nga ang mao nga batan-ong lalaki o batan-ong babaye dili makahimo sa pagserbisyo isip pangsangyaw o pangserbisyo nga misyon. Hinoon, ang presidente sa stake dili motino kon ang usa ka aplikante tawagon ba sa usa ka pangsangyaw nga misyon o sa usa ka pangserbisyo nga misyon. Ang presidente sa stake padayon nga mohatag og ideya diha sa online nga porma sa rekomendasyon alang sa young adult nga mga lalaki o mga babaye nga tawagon isip pangsangyaw nga mga misyonaryo o pangserbisyo nga mga misyonaryo.

Dili. Hinoon, kadaghanan sa pangserbisyo nga mga misyonaryo naghupot sa Melchizedek nga Pagkapari. Kon ang mga lider sa pagkapari wala mobati nga ang usa ka batan-ong lalaki andam na nga mohupot sa Melchizedek nga Pagkapari, kinahanglan nga maghupot siya sa Aaronic nga Pagkapari.

Ang pangserbisyo nga mga misyonaryo kinahanglan nga takos sa templo. Sa kinatibuk-an, ang pangserbisyo nga mga misyonaryo kinahanglan nga makadawat sa ilang tuga. Hinoon, ang mga bishop ug ang mga presidente sa stake motanyag og tambag sa pangserbisyo nga mga misyonaryo sa pagtino kon sila andam na ba ug makahimo sa pagdawat sa tuga.

Ang mga lider sa pangserbisyo nga misyon, kon adunay gitawag, maoy mohimo sa tahas sa mga lider sa misyon alang sa pangserbisyo nga mga misyonaryo. Makigtambayayong sila sa matag presidente sa stake sa pangserbisyo nga misyonaryo, kinsa maoy naggunit sa eklesyastikal nga mga yawe alang sa misyonaryo.

Ang presidente sa stake ang mosanong sa wala dayon himoa nga pagkumpisal ug sa seryosong mga kalapasan sigon sa giya sa Espiritu Santo, sama sa iyang gibuhat ngadto sa ubang mga miyembro sa iyang stake. Kon dili niya matino unsay buhaton, mahimo nga iyang sultian ang iyang mga magtatambag, ang Area Seventy kinsa maoy nangulo sa iyang coordinating council, o sakop sa Kapangulohan sa Area. Kon ang proseso sa paghinulsol makompleto atol sa padayong pagserbisyo isip pangserbisyo nga misyonaryo, ang pangserbisyo nga misyonaryo mahimong magpadayon sa iyang pangserbisyo nga misyon. Kon pormal nga disiplina sa Simbahan ang ipahigayon, ang pangserbisyo nga misyonaryo kinahanglang i-release, ug ang Opisina sa Pangserbisyo nga Misyon sa punoang buhatan sa Simbahan kinahanglang pahibaloon.

Kon ang lider sa pangserbisyo nga misyon o usa ka tigdumala sa panggawas nga mga operasyon napahibalo sa wala dayon himoa nga pagkumpisal o ang bisan unsang kalapasan, ang pangserbisyo nga misyonaryo diha-diha dayon paadtoon sa iyang presidente sa stake.

Ang pangserbisyo nga misyonaryo nga na-release sa wala pa makompleto ang pangserbisyo nga misyon tungod sa mga rason sa katakos sa kasagaran dili na makabalik. Sa talagsa nga sitwasyon, ang mga indibidwal kinsa magtinguha nga makabalik isip pangserbisyo nga misyonaryo human ma-release og sayo tungod sa mga rason sa katakos kinahanglan makigtambayayong sa ilang presidente sa stake. Kon ang presidente sa stake mobati nga ikonsiderar ang usa ka eksepsiyon, mahimo siyang mopadala og hangyo ngadto sa Departamento sa Misyonaryo. Kini nga mga hangyo sa pagbalik rebyohon sa mga General Authority nga na-assign sa Departamento sa Misyonaryo.

Human ma-assign sa usa ka pangserbisyo nga misyon, ang pangserbisyo nga misyonaryo, sa kasagaran dili i-reassign nga mahimong pangsangyaw nga misyonaryo. Kon ang mga sirkumstansiya nga maoy nakapugong sa pagserbisyo isip usa ka pangsangyaw nga misyonaryo adunay igo ug dako ang pagkausab, ang pagkonsiderar og balik mahimong ihangyo agi sa Departamento sa Misyonaryo.

Ang mga konsiderasyon nga malayo sa peligro ug sa risgo maoy importante kaayong prayoridad alang sa kaayohan sa misyonaryo, sa Simbahan, ug sa matinabangon nga mga organisasyon sa komunidad. Ang tanan nga gimbuhaton sa matinabangon nga organisasyon sa komunidad magkinahanglan daan og sinulat nga kasabotan nga moprotekta sa mga interes sa misyonaryo ug sa Simbahan. Kinahanglan nga ikoordinar kini sa Opisina sa Pangserbisyo nga Misyon. Ang pihong mga matang sa mga kalihokan gidili o gilimitahan kay kini nagpakita og mas dako nga risgo ngadto sa mga indibidwal ug sa mga organisasyon. Ang pangserbisyo nga mga misyonaryo dili moapil sa mosunod nga matang sa mga kalihokan ubos sa bisan unsang mga sitwasyon nga:

• Walay superbisyon nga pag-inusarang pakig-inter-aksiyon sa mga bata o huyang nga mga hamtong
• Moligo, mobantay og bata, o mohatag og ubang susama nga matang sa personal nga mga serbisyo
• Mopadagan og mga makinarya, ekipo, o mga sakyanan nga walay tukmang pagbansay o sertipikasyon

Ang uban pang dagko og risgo nga mga oportunidad sa pagserbisyo nga himoon sa pangserbisyo nga mga misyonaryo diha sa matinabangon nga mga organisasyon mainampingon nga gidumala pinaagi sa mga kasabotan. Ang susamang dako og risgo nga mga oportunidad sa pagserbisyo diha sa mga pagpadagan sa Simbahan ug diha sa mga lokasyon nga gisangon ngadto sa stake, gidumala pinaagi sa polisiya ug pagbansay. Kini nga dako og risgo nga mga kalihokan naglakip sa:

• Pagtudlo o pag-mentor diha sa mga pundok.
• Paggunit o pag-angkon og bisan unsa nga cash, securities, o uban pang bililhon nga mga butang.
• Paghatag og propesyonal nga opinyon.
• Mopadagan og mga makinarya, ekipo, o mga sakyanan nga walay tukmang pagbansay o sertipikasyon.

Ang pangserbisyo nga mga misyon madawat nga mga halad ngadto sa Ginoo kon ang pangsangyaw nga misyon dili posible. Mao nga, ang mga termino sama sa “tinuod nga misyon,” “normal nga misyon,” o “tradisyonal nga misyon” dili tukma kon maghisgot bahin sa pangsangyaw nga misyon ug kinahanglan nga likayan. Ang tanang misyonaryo nagrepresentar sa Ginoo ug maoy Iyang mga tinugyanan sa buhat sa kaluwasan.

Dili. Ang pangserbisyo nga misyonaryo kinahanglan nga mabalhin ngadto sa panarbaho o human sa high school nga pagbansay o edukasyon.

Oo. Ang misyonaryo mahimong i-reassign nga moserbisyo sulod sa panahon igo nga makompleto ang nahibilin nga 18 o 24 ka bulan sa pagserbisyo.

Palihog tan-awa sa Early-Return Reassignments nga seksiyon [Mga Pag-reassign sa Nauli og Sayo] diha sa Pinahaom nga Kasinatian nga pahina.

Ang pangsangyaw nga misyonaryo nga nauli alang sa taas kaayo nga panahon sa pagpaayo apan nagplano nga mobalik sa iyang pangsangyaw nga misyon dili na dawaton. Samtang ang misyonaryo mahimong moserbisyo isip bolunter atol niini nga panahon, ug ang lokal nga lider sa pangserbisyo nga misyon makaabag sa pagpangita og mga oportunidad sa pagserbisyo, ang nagpaayo nga misyonaryo dili usa ka pangserbisyo nga misyonaryo. Hinoon, siya mahimong moapil sa pangserbisyo nga mga misyonaryo sa tukmang mga kalihokan, kon ganahan.

Kon ang usa ka pangsangyaw nga misyonaryo nauli og sayo gikan sa iyang misyon ug gitawag ngadto sa pangserbisyo nga misyon, siya dili na kinahanglan nga i-set apart og usab. Hinoon, ang presidente sa stake giawhag nga mohatag og panalangin sa pagkapari alang sa paghupay ug tambag.

Ang usa ka mahinungdanon nga bahin sa pangserbisyo nga mga misyon nagtutok sa paghatag sa pangserbisyo nga mga misyonaryo og mga oportunidad sa pagpangalagad. Agig dugang, ang pangserbisyo nga mga misyonaryo magpadayon sa pagbaton og mga gimbuhaton sa pagpangalagad sa ilang ward ubos sa direksiyon pagpangulo sa lokal nga pagkapari ug sa Relief Society. Ang pangserbisyo nga mga misyonaryo mahimo nga, sa panagsang higayon, mosangyaw ug motudlo uban sa pangsangyaw nga mga misyonaryo isip mga miyembro, apan dili sila magsul-ob sa ilang name badge.

Ang pangserbisyo nga mga misyonaryo mamulong sa miting sa sakramento sa dili pa ug human sa ilang mga misyon, modawat sa samang pasidungog sa pangsangyaw nga mga misyon (mga plaque, mga bulletin, mga newsletter, ug uban pa) ug moreport ngadto sa high council human makakompleto sa ilang mga misyon.

Kini nga mga materyal sa kasamtangan anaa sa mosunod nga mga pinulongan: Spanish, Portuguese, French, German, Italian, Japanese, Korean, Cebuano, Tagalog, Samoan, ug Tongan