Usa ka Pinahaom nga Kasinatian
Si Presidente Russell M. Nelson namahayag: “Pinaagi sa tibuok kinabuhi nga pagserbisyo niining Simbahan, akong nakat-onan nga dili gay[o]d kana igsapayan asa moserbisyo ang usa ka tawo. Ang gipakabanaan pag-ayo sa Ginoo mao ang giunsa sa pagserbisyo sa usa ka tawo” (“Ang Pagpangalagad uban sa Gah[o]m ug Katungod sa Dios,” Liahona, Mayo 2018, 68).
Ang matag pangserbisyo nga misyonaryo hatagan og usa ka pinahaom nga kasinatian sa misyon nga gitakdo sa talagsaon nga paagi ngadto sa iyang mga talento, mga kahanas, ug mga gasa. Atol sa panahon sa ilang mga misyon, komon alang sa pangserbisyo nga mga misyonaryo nga moserbisyo og dinaghan nga mga assignment, lakip sa aprobado nga matinabangon nga mga organisasyon, mga kalihokan sa Simbahan, ug sa gi-assign sa stake nga mga oportunidad sa pagserbisyo. Sa ilang tibuok nga mga misyon, ang pangserbisyo nga mga misyonaryo anaa ubos sa eklesyastikanhong direksiyon sa ilang mga presidente sa stake.
Proseso sa Misyonaryo nga Rekomendasyon
Ang tanang takos nga mga batan-ong lalaki ug mga batan-ong babaye nga adunay tinguha nga moserbisyo og misyon ug mobati nga makahimo sa pagserbisyo og usa ka pangsangyaw nga misyon o pangserbisyo nga misyon mokompleto sa online nga rekomendasyon nga iproseso sa ilang presidente sa stake. Ang presidente sa stake mahimo nga mo-excuse sa madungganong paagi sa usa ka batan-ong lalaki o batan-ong babaye gikan sa misyonaryo nga pagserbisyo kon segurado gayod siya nga ang kandidato sa pagkamisyonaryo dili makahimo nga moserbisyo sa bisan asa nga matang sa misyon.
Ang aplikasyon alang sa tanan nga misyonaryo maglakip sa mga pagtimbangtimbang sa bishop, sa presidente sa stake, ug sa mga propesyonal sa medikal. Ang Korum sa Napulog Duha ka Apostoles ug mga General Authority Seventy mosusi sa proseso sa rekomendasyon sa misyon.
Ang kandidato sa pagkamisyonaryo dili makapili kon unsa nga matang sa misyon ang iyang serbisyohan. Ang tanan nga aplikante ikonsiderar una alang sa pangsangyaw nga mga misyon. Ang mga batan-ong lalaki ug babaye nga dili mahimong tawagon isip pangsangyaw nga mga misyonaryo tungod sa pisikal, mental, o emosyonal nga mga rason mahimong tawagon nga moserbisyo sa Ginoo isip pangserbisyo nga mga misyonaryo. Kon ang usa ka aplikante tawagon isip pangserbisyo nga misyonaryo, ang serbisyo itakdo sa talagsaon nga mga talento, mga kahanas, ug mga gasa, ug sa lokal nga palibot sa aplikante.
Ang presidente sa stake dili motino kon ang usa ka aplikante tawagon ba sa usa ka pangsangyaw nga misyon o sa usa ka pangserbisyo nga misyon. Atol sa proseso sa pag-aplay, ang mga presidente sa stake padayon nga mohatag og impormasyon sigon sa ihangyo sa Departamento sa Misyonaryo. Kon ang kandidato sa pagkamisyonaryo dili matawag ngadto sa pangsangyaw nga misyon, usa ka representante gikan sa Departamento sa Misyonaryo makigtambag sa presidente sa stake sa dili pa ihatag ang tawag alang sa pangserbisyo nga misyon. Ang presidente sa stake mogamit sa paghukom aron sa pagtino kon pahibaloon ba niya ang aplikante ug ang pamilya nga adunay nagsingabot nga tawag alang sa pangserbisyo nga misyon.
Diha sa aplikasyon, ang mga bishop ug mga presidente sa stake motubag sa pangutana nga “Kini nga kandidato duna bay grabe nga pisikal, mental, o emosyonal nga limitasyon nga angayng hunahunaon kon i-assign?” Kon ang tubag oo, ang mga lider sa pagkapari hangyoon sa paghatag og dugang nga impormasyon. Ang mga lider sa pagkapari kinahanglan nga maghisgot usab kauban sa kandidato sa pagkamisyonaryo sa posibilidad nga ma-excuse sa madungganong paagi.
Mga Pag-reassign sa Nauli og Sayo
Ang pipila sa mga misyonaryo nga sa sinugdanan gi-assign ngadto sa usa ka pangsangyaw nga misyon dili makakompleto sa ilang mga misyon tungod sa managlahing mga rason. Ang pagdetirminar kon ang pangsangyaw nga misyonaryo dili makahimo sa pagpadayon himoon sa presidente sa misyon uban sa pagpakonsulta sa mission health council, sa Departamento sa Misyonaryo, ug sa presidente sa stake sa maong misyonaryo.
Kon nahimo na ang pagdeterminar nga papaulion ang pangsangyaw nga misyonaryo, ang ikaduhang pagdeterminar pagahimoon, sigon sa gipasabot diha sa ubos, kon ang misyonaryo i-release ba o i-reassign ngadto sa pangserbisyo nga misyon. Usa ka representante gikan sa Departamento sa Misyonaryo ang mopahibalo sa presidente sa stake bahin sa mauli og sayo nga misyonaryo. Sa pag-uli na sa misyonaryo, ang presidente sa stake makigtambag sa misyonaryo aron masuta ang tinguha, mga kahimtang, ug abilidad sa misyonaryo sa pagpadayon og serbisyo isip pangserbisyo nga misyonaryo. Ang presidente sa stake motino kon ikonsiderar ba ang pag-reassign sa misyonaryo ngadto sa pangserbisyo nga misyon o i-release ang misyonaryo.
Kon ang presidente sa stake mo-release sa misyonaryo, iyang pahibaloon ang Departamento sa Misyonaryo. Kon ikonsiderar man ang pag-reassign, ang usa ka pinahaom nga plano sa pangserbisyo nga misyon himoon uban sa pagkonsulta sa misyonaryo, sa iyang pamilya, ug sa lider sa pangserbisyo nga misyon, kon ang usa ka tawo tawagon. Kon ang pag-reassign i-rekomendar, ang misyonaryo makadawat og reassignment sa pangserbisyo nga misyon pinaagi sa Korum sa Napulog Duha.
Mga Kapanguhaan sa Pangserbisyo nga Misyon
Opisina sa Pangserbisyo nga Misyon
Ang Opisina sa Pangserbisyo nga Misyon nahimutang sa ulohang buhatan sa Simbahan ug may trabahante nga mga empleyado sa Simbahan ug hingkod nga pangserbisyo nga mga misyonaryo sa Simbahan.
Ang Opisina sa Pangserbisyo nga Misyon makigtambayayong gayod sa kawani sa Departamento sa Misyonaryo diha sa proseso sa rekomendasyon sa misyonaryo ug mohatag og suporta ngadto sa lokal nga mga lider sa pagkapari, mga lider sa pangserbisyo nga misyon (tan-awa sa ubos), ug sa Simbahan ug komunidad nga matinabangon nga mga operasyon. Ang ulohang buhatan nga Opisina sa Pangserbisyo nga Misyon mohatag og mga pagbansay, mga kapanguhaan, ug impormasyon ngadto sa mga lider sa pangserbisyo nga misyon aron makatabang sa pangserbisyo nga mga misyonaryo nga magmalamposon.
Mga Lider sa Pangserbisyo nga Misyon
Kon gikinahanglan, ang Kapangulohan sa Area mohatag og pagtugot sa Area Seventy sa pagtawag og hingkod nga magtiayon nga mahimong mga lider sa pangserbisyo nga misyon. Kini nga mga lider magsilbi nga mga tig-koordinar tali sa mga presidente sa stake, sa matinabangon nga mga organisasyon, ug sa mga kalihokan sa Simbahan sa pagtino sa potensyal nga mga assignment. Ang mga lider sa pangserbisyo nga misyon makigtambayayong gayod sa Public Affairs ug sa JustServe.org. Kini nga mga lider motabang sa mga pangserbisyo nga mga misyonaryo aron makab-ot ang mga ekspektasyon sa mag organisasyon.
Ang mga lider sa pangserbisyo nga misyon moabag sa mga presidente sa stake sa paghimo og regular nga contact sa pangserbisyo nga misyonaryo, sa pagrebyo kon unsay iyang gihimo, ug paghatag og feedback. Kini nga mga lider mahimo usab, uban sa pagtugot sa presidente sa stake, nga motabang sa paghatag og pinakanindot nga mga kasinatian alang sa pangserbisyo nga misyonaryo, sama sa pagserbisyo sa templo o sa mga panagpundok kauban sa ubang pangserbisyo nga mga misyonaryo. Ang presidente sa stake padayon nga magpabiling responsable sa eklesyastikal nga paagi sa pangserbisyo nga misyonaryo.
Ang mga lider sa pangserbisyo nga misyon makadawat og pagbansay gikan sa mga ulohang buhatan sa Opisina sa Pangserbisyo nga Misyon. Kadaghanan sa mga lider sa pangserbisyo nga misyon makadawat og budget nga gibasi sa komposisyon sa pangserbisyo nga mission, sigon sa pag-aprobar sa Kapangulohan sa Area.
Tigdumala sa Panggawas nga mga Operasyon [External Operations Managers]
Ang mga tigdumala sa panggawas nga mga operasyon mao ang mga indibidwal nga responsable sa organisasyon sa pagserbisyo, sama sa mga tipiganan sa bishop ug mga kan-anan nga libre ang pagkaon. Motabang sila sa matag pangserbisyo nga misyonaryo sa pagbaton og tinuoray nga kasinatian sa pangserbisyo nga misyonaryo samtang nagserbisyo sa gi-assign nga lokasyon. Motabang usab sila sa pangserbisyo nga mga misyonaryo aron molampos sa pagkompleto sa ilang mga assignment sa pagserbisyo. Mopalig-on sila sa personal nga mga pasalig sa pangserbisyo nga mga misyonaryo sa mga sumbanan diha sa Service Missionary Handbook [Tamdanan nga Basahon sa Pangserbisyo nga Misyonaryo].