O le auaunaga a le Faaola o loo faaalia mai ai ia poloaiga sili e lua: “E te alofa atu i le Alii lou Atua ma lou loto atoa, ma lou agaga atoa, ma lou manatu atoa” ma “E te alofa atu i lē lua te tuaoi, ia pei o oe lava ia te oe” (Mataio 22:37, 39). Pe a tatou auauna atu i o tatou tuaoi, ua tatou faaalia lo tatou alolofa i le Tama Faalelagi: “Pe a outou auauna atu i o outou uso-a-tagata, ua nao lo outou auauna atu lava lea i lo outou Atua” (Mosaea 2:17).
O se Tusitaulima mo Faifeautalai o Auaunaga e tuuina atu i faifeautalai o auaunaga ua valaauina. O le tusitaulima ua tuuina atu ai fautuaga ma taiala e uiga i mataupu e pei o le tuuto atu i le auaunaga i le Alii, amioga a le tagata lava ia ma le faasologa o polokalama o aso taitasi. Ao e lei amataina le misiona mo auaunaga, e tatau i faifeautalai ona iloilo ma le totoa le tusitaulima faatasi ma o latou matua ma le peresitene o siteki.
Fetuunai i le Olaga Faafaifeautalai mo Auaunaga
O se misiona o auaunaga e mafai ona fiafia ma atuatuvale. O le galue malosi ma le auauna atu o meafaigaluega faamaonia ia i le taulimaina o le popole, leai o se faamoemoe, ma le vaivai. E taua tele ia mo se tasi e punouai i le galuega a le Alii, i le taimi o le auaunaga faafaifeautalai ma le mae’a ai foi. Ae o le galue malosi ma le auaunaga lava ia ua le na o le pau ia o au meafaigaluega. O isi punaoa o fesoasoani faapolofesa, faamanuiaga faaleperisitua, fautuaga mai tagata matutua ua lava le potomasani, ma Fetuunaiga i le Olaga Faafaifeautalai mo Auaunaga: Tamaitusi mo Punaoa. O le a fesoasoani le Alii ia te oe e atinae ia tomai ma uiga faaalia e fesoasoani ai ia te oe ia manuia lau auaunaga ma lau faasoa atu i isi.
Fesili Masani
E fesoasoani matua e faailoa mai mea e fiafia i ai, gafatia ma taleni o se faifeautalai faaolioli o auaunaga. Latou te tuu atu i taitai perisitua ma taitai misiona o auaunaga se malamalamaaga i ni auala e mafai ai ona auauna atu lelei le faifeautalai o auaunaga. E mafai foi ona tuuina atu e matua ni tuualalo ia iloa ai po o le fea auaunaga e sili ona talafeagai mo le faifeautalai. E tuuto atu le lagolago e manaomia i le taimi o le misiona, e pei o le tuliloaina o gaoioiga i aso taitasi, fesoasoani i le feaveaiina pe a manaomia, o le taulimaina o tulaga tautupe mo le vaaia o le fomai ma meatautupe mo taavale pe a manaomia, ma le ofoina atu o le lagolago alofa.
O alii ma tamaitai talavou ua i ai le manao e auauna atu i se misiona ma ua agavaa, e faatumuina se talosaga i luga o le initoneti e faagaoioia e le peresitene o le siteki. E tusa ai ma mea o loo i luga o le talosaga, faatasi ai ma le iloiloga a le epikopo, peresitene o le siteki, ma fomai, e ono faia ai se valaauga o se faifeautalai mo auaunaga. O le Korama a Aposetolo e Toasefululua ma le Pulega Aoao a Fitugafulu e latou te vaaia talosaga, ma e tuuina atu se valaauga o se faifeautalai mai le Alii e ala mai i le perofeta.
Leai. O talosaga uma e fuafuaina muamua mo misiona talai. O alii ma tamaitai talavou e le mafai ona valaauina o ni faifeau faamisiona talai mo ni mafuaaga faalesoifua maloloina o le a valaauina o ni faifeautalai o auaunaga. Afai e valaauina se tagata i se misiona mo auaunaga, o le valaauga e mai le perofeta, ma o le auaunaga e fua i taleni , tomai, ma meaalofa tulaga ese a le tagata talosaga ma le siosiomaga faalelotoifale.
O alii ma tamaitai talavou e le mafai ona auauna atu i misiona talai e mafai ona valaauina e avea ma ni faifeautalai o auaunaga. O le iloiloga lenei e faia i le taimi o le faagasologa o le fautuaina mai o le faifeautalai pe o le maea ai ona auauna atu o se tagata i se vaega o le misiona talai ma toe foi atu i le aiga ae lei oo i le aso na atofaina e maea ai. E valaauina se faifeautalai o auaunaga e le Alii e ala i Lana perofeta e auauna atu i se siosiomaga e fuafaatatau faapitoa i ana taleni, tomai ma meaalofa.
A maea ona valaauina se alii po o se tamaitai talavou e auauna atu o se faifeautalai o auaunaga, ona fatuina lea o se misiona faapitoa e fetaui ma tomai o le faifeautalai e le peresitene o le siteki faatasi ai ma le fesoasoani a le faifeautalai, ona matua ma taitai misiona mo auaunaga. E ono mafai ona fetuunai ia tofiga i le taimi o le misiona.
O faifeautalai mo auaunaga e galulue i faalapotopotoga fesoasoani i nuu ua faamaoniaina (e pei o nofoaga e faaputu ai mea taumafa, nofoaga o tagata sulufai, malutaga), o galuega a le Ekalesia (e pei o fale teu meaai, fale tuu apa ai meaai, malumalu, seminare ma inisitituti), po o tofiga mai o latou taitai o le Ekalesia i le lotoifale.
O faifeautalai o auaunaga e nonofo lava i le fale ma auauna atu i le lotoifale. I nisi tulaga e seāseā ona tupu, e ono maua se faatagaga mo faifeautalai mo auaunaga e auauna atu ai i nofoaga e ese mai o latou aiga, ao nonofo ma o latou tauaiga. E matua leai lava se tulaga o le a nofo toatasi ai se faifeautalai mo auaunaga.
O faifeautalai o auaunaga e fai i taimi uma a latou pine faafaifeautalai i o latou tofiga o auaunaga, i fonotaga a le misiona o auaunaga, ma i sauniga a le Ekalesia i Aso Sa. E le faia a latou pine o igoa i isi taimi.
Leai. E le faatagaina le tafafao faamasani o faifeautalai mo auaunaga i le taimi o a latou misiona. E mafai ona auai faifeautalai mo auaunaga i gaoioiga faaleuarota, siteki po o le autalavou nofofua matutua.
O faifeautalai o auaunaga ma o latou aiga, e nafa ma tupe faaalu e faatatau i a latou misiona mo auaunaga. O nei tupe faaalu e aofia ai ae le na o le pau lea, femalagaaiga, meaai, lavalava, tausiga faafomai, tausiga o nifo, ma inisiua o taavale. O faifeautalai o auaunaga e nafa ma femalagaaiga i le alu ma le sau mai nofoaga o a latou auaunaga. E le maua e faifeautalai o auaunaga se lagolago tautupe mai le Tupe Lautele mo Faifeautalai.
E ui lava ina leai ni soa a faifeautalai o auaunaga e pei o faifeautalai faamisiona talai, o lo latou saogalemu ma le soifua manuia ua ave i ai le faamuamua. E faamautinoa e le peresitene o le siteki ma matua o loo i ai le lagolago talafeagai, vaavaaiga ma le puipuiga i taimi o galuega faatulagaina i aso uma a le faifeautalai o auaunaga. Pe a talafeagai, e ono faatulagaina e taitai misiona o auaunaga ni soa mo faifeautalai o loo galulue i nofoaga lava e tasi po o gaoioiga o auaunaga faapitoa po o le aoaoina o le talalelei.
Ioe. E tuuina atu e taitai misiona o auaunaga ni avanoa talafeagai e atinae ai tulaga faaletaitai i faifeautalai o se vaega o a latou aafiaga faalemisiona. O matafaioi faaletaitai e avanoa mo alii ma tamaitai faifeautalai.
Ioe. E faamauina e pei lava o misiona talai.
Leai. O faifeautalai o auaunaga e tatau ona sui atu i le sailia o ni galuega po o aoaoga faamasani i le maea ai o aoga maualuga po o le aotauina
Faamolemole silasila i le itulau o le Toe Tofia o i Latou e Vave Ona Toe Foi i Aiga Aafiaga Faapitoa .
Ioe. E mafai ona toe valaauina se faifeautalai e auauna mo se taimi talafeagai e faaatoa ai le 18 po o le 24 masina o le auaunaga.
O fuafuaga o le saogalemu ma le lamatia o le faifeautalai, o mea e faamuamua na mo le faifeautalai, le Ekalesia ma faalapotopotoga o fesoasoaniga alofa i le lotoifale. O tofiga uma mo faalapotopotoga fesoasoani alofa e manaomia ai se maliliega tusitusia e puipui ai aiā a le faifeautalai ma le Ekalesia. E tatau ona faamaopoopoina lenei mea e ala atu i le Ofisa o le Misiona o Auaunaga. E i ai ituaiga o gaoioiga e le faatagaina pe faasaina ona e ono tulai mai ai se lamatiaga i tagata ma faalapotopotoga. E le tatau ona aafia faifeautalai o auaunaga i ituaiga gaoioiga o loo taua i lalo i soo se tulaga lava.
Fesootaiga taitoatasi ma tamaiti po o ni tagata matutua e ono aafia e aunoa ma se tagata e vaaia.
Faataele, vaaia o tamaiti po o le tuuina atu foi o isi auaunaga patino e talitutusa.
O le faafoeina o masini, mea e faaaoga, po o taavale e aunoa ma aoaoga faamasani talafeagai po o se faamaoniga e faafoe ai.
O isi avanoa o auaunaga e tele so latou lamatiaga e faia e faifeautalai o auaunaga i faalapotopotoga fesoasoani alofa e faia ma le faaeteete e ala i maliliega. E faapena foi nisi avanoa o auaunaga e tele sona lamatiaga i galuega a le ekalesia ma isi galuega totofi mai le siteki e taulima e ala i aiaiga ma aoaoga faamasani. O nisi nei o gaoioiga e maualuga lo latou lamatiaga e i ai:
O le faiaoga po o le faufautua i tulaga o vaega.
Taulimaina po o le umiaina o soo se tinoitupe, faamaoniga o mea tautupe, po o isi mea taua.
Tuuina atu o se manatu faaalia faapolofesa.
Faafoeina o masini, mea e faaaoga, po o ni taavale e aunoa ma se aoaoga faamasani talafeagai po o se faamaoniga e faafoe ai.
E lauga faifeautalai o auaunaga i le lotu faamanatuga ae lei alu ma i le maea mai o a latou misiona, maua le amanaiaga e pei o faifeautalai faamisiona talai (faailoga mai misiona, puletini, talafou, ma isi mea faapena), ma ia ripoti atu i le fono a fautua maualuga i le maea ai o a latou misiona.
O le Aotelega
O faifeautalai o auaunaga e lagolago i le galuega a faifeautalai faamisiona talai i le faatagaina o isi ia iloa le alofa o le Atua e ala i le mauaina lea o le auaunaga faa-Keriso. I le taimi nei ua sili atu nai lo se isi lava taimi, o alii ma tamaitai talavou ua i ai le manao e auauna atu, o le a tuuina atu i ai le avanoa e faalautele ai le galuega a le Alii i le avea ai o se faifeautalai. O se faamanuiaga sili lenei i faifeautalai, i o latou aiga ma i e latou te auauna atu i ai.