O Se Aafiaga Faapitoa
Na tautino mai e Peresitene Russell M. Nelson, “E ala i auaunaga i le olaga atoa i lenei Ekalesia, ua ou iloa ai e le afaina lava po o fea e auauna ai se tasi. O le mea e sili ona taua i le Alii o le auala e auauna atu ai se tasi” (“Auauna Atu i le Mana ma le Pule a le Atua,” Ensign po o le Liahona, Me 2018, 68).
O faifeautalai o auaunaga taitoatasi o le a tuuina atu iai ni aafiaga faamisiona faapitoa e fua faatatau i taleni, tomai ma meaalofa. I taimi o a latou misiona, e masani lava i faifeautalai o auaunaga ona galulue i ni tofiga e tele, e aofia ai faalapotopotoga fesoasoani alofa faatagaina, galuega a le Ekalesia ma avanoa mo auaunaga e atofaina ai e le siteki I le taimi atoa o a latou misiona, o faifeatalai mo auaunaga e i lalo o le taitaiga a o latou peresitene o le siteki.
Faagasologa o le Fautuaina Mai o Faifeautalai
O alii ma tamaitai talavou agavaa uma e iai le manao e auauna i se misiona ma e lagona e mafai ona auauna atu, a le o le misiona talai po o se misiona mo auaunaga, e faatumuina se fautuaga i luga o upega tafailagi lea e faagaoioia e le latou peresetene o le siteki. E mafai e le peresetene o le siteki ona faamatuu ma le mamalu se alii po o se tamaitai talavou mai le auaunaga faamisiona pe afai na te mautinoa e le gafatia e le tagata talosaga ona auauna atu i nei ituaiga o misiona.
O tusi talosaga mo faifeautalai uma e aofia ai iloiloga e le epikopo, peresetene o le siteki ma fomai. O le Korama a Aposetolo e Toasefululua ma Pulega Aoao a Fitugafulu latou te vaaia uma le faagasologa o le fautuaina atu mo misiona.
O se sui faifeautalai e le filifilia po o fea le ituaiga misiona o le a ia auauna atu ai. O talosaga uma e fuafuaina muamua mo misiona talai. O alii ma tamaitai e le mafai ona valaaulia o ni faifeautalai e talai ona o ni mafuaaga faaletino, faalemafaufau, pe faalelagona e valaauina o ni faifeautalai mo auaunaga. Afai e valaauina se tagata talosaga e fai ma faifeautalai mo auaunaga, o auaunaga o le a fua i taleni, tomai, ma meaalofa faapitoa a le tagata ma le siosiomaga o le lotoifale.
E le filima’otia e se peresitene o le siteki pe valaauina se tagata talosaga i se misiona talai po o se misiona mo auaunaga. I le faagasologa o le talosaga, e faaauau e le peresetene o le siteki ona tuuina mai faamatalaga e pei ona manaomia mai e le Ofisa mo Faifeautalai. Afai o le a le valaauina se tagata i se misiona talai, o le a fautuaina e se sui o le Matagaluega o Faifeautalai le peresitene o le siteki a o lei tuuina atu se valaauga o se misiona mo auaunaga. E faaaoga e le peresitene o le siteki lana faamasinoga e filima’oti ai pe tatau ona ia logoina le tagata talosaga ma le aiga o le a oo atu se valaauga mo se misiona mo auaunaga.
I luga o le tusi talosaga, e taliina ai e epikopo ma peresitene o siteki le fesili “Pe iai ni tapulaa matuia faaletino, faalemafaufau pe faalelagona e tatau ona iloiloina pe a atofaina?” Afai o le tali o le ioe, o le a talosagaina taitai perisitua ina ia tuuina mai nisi faamatalaga faaopoopo. E tatau foi i taitai Perisitua ona soalaupule ma le tagata le avanoa e ono faamaloloina ai ma le mamalu
Toetofia o [Faifeautalai] e Vave Toe Foi Mai
O nisi faifeautalai na atofaina muamua i se misiona talai o le a le mafai ona faamaeaina a latou misiona ona o ni mafuaaga eseese. O le filimaotiina o le le gafatia e se faifeautalai faamisiona ona faaauau e faia e le peresitene o le misiona e ala i feutagaiga ma le aufono o le soifua maloloina a le misiona, le Matagaluega o Faifeautalai, ma le peresitene o le siteki a le faifeautalai.
Afai loa e faia se filimaotiga o le a toe foi se faifeautalai faamisiona i lona aiga, o le a faia se filimaotiga lona lua, e pei ona faamatala atu i lalo, pe tatau ona faamaloloina pe toe atofa le faifeautalai i se misiona mo auaunaga. O se sui mai le Matagaluega o Faifeautalai o le a logoina le peresitene o le siteki a le faifeautalai e vave toe foi i le aiga. I le toe foi atu o le faifeautalai, e fono le peresitene o le siteki ma le faifeautalai ina ia iloa ai le manao, tulaga ma le gafatia o le faifeautalai e faaauau ai ona auauna atu o se faifeautalai mo auaunaga. O le a filimaoti e le peresitene o le siteki pe toe atofa le faifeautalai i se misiona mo auaunaga pe faamalolo le faifeautalai.
Afai e faamalolo e le peresitene le faifeautalai, e na te logoina le Matagaluega mo Faifeautalai. Afai e toe tuu iai se isi valaauga, o le a faatulagaina se fuafuaga faapitoa mo auaunaga faamisiona, i se feutagaina ma le faifeautalai ma lona aiga ma le taitai misiona mo auaunaga, pe afai e valaauina se tasi. Afai e fautuaina le toe valaauina, o le a maua e le faifeautalai lona valaauga mai le Korama a Aposetolo Toasefululua.
O Punaoa mo le Misiona mo Auaunaga
Ofisa o le Misiona mo Auaunaga
O le Ofisa o Misiona mo Auaunaga o loo i le nofoaga tutotonu o le Ekalesia ma o loo galueaina e tagata faigaluega a le Ekalesia ma faifeautalai matutua a le Ekalesia mo auaunaga.
O le Ofisa o le Misiona mo Auaunaga e galulue soosoo tauau ma tagata faigaluega a le Ofisa o Faifeautalai i le taulimaina o faasologa o fautuaga ma tuuina atu le lagolago i taitai perisitua i le lotoifale, taitai o faifeautalai mo auaunaga (tagai i lalo ifo) ma faatautaiga agaalofa a le Ekalesia ma le lotoifale. O le nofoaga tutotonu o Misiona mo Auaunaga e latou te faatinoina o aoaoga faamasani, punaoa ma faamatalaga i taitai o misiona mo auaunaga ina ia fesoasoani i faifeautalai ina ia manuia le auaunaga.
Taitai Misiona mo Auaunaga
Pe a manaomia, ua faatagaina e le Au Peresitene o le Eria se Fitugafulu e valaauina se ulugalii matutua e avea ma taitai misiona mo auaunaga. O nei taitai o le a fai ma sooupu i le va o peresitene o siteki, faalapotopogtoga o fesoasoani agaalofa ma galuega faafoe a le ekalesia ina ia faailoa mai ni galuega o loo faamoemoe e fai. O taitai o misiona mo auaunaga e galulue soosoo tauau ma le Mataupu Tau i le Va i Fafo ma le Justserve.org O nei taitai e fesoasoani i faifeautalai mo auaunaga ina ia ausia mea e manaomia e faalapotopotoga.
O taitai misionamo auaunaga e fesoasoani i peresitene o siteki ia faatumauina fesootaiga faifai pea ma faifeautalai mo auaunaga, e iloilo po o faapefea lana faatinog ma aumai ai ni manatu faaalia, E ono mafai foi, pe a tusa ai ma se faatagaga mai le peresitene o le siteki, e fesoasoani i le faataunuuina o aafiaga faamalieloto mo faifeautalai o auaunaga, e pei o auaunaga i le malumalu po o le faatasitasi ma isi faifeautalai o auaunaga. O le peresitene o le siteki e tumau pea ona nafa ma le tulaga faalelotu o le faifeautalai o auaunaga.
O taitai o faifeatutalai mo auaunaga e faia a latou aoaoga mai le nofoaga tutotonu o misiona mo auaunaga. O le toatele o faifeautalai mo auaunaga e maua mai le latou tala faatatau o le tupe e fuafua i a latou auaunaga faafaifeautalai ma pasiaina mai e le Au Peresitene o le Eria
Pule o Galuega Faatino mai Fafo
O Pule o Galuega Faatino mai Fafo o tagata e nafa ma le faalapotopotoga o auaunaga, e pei o fale teu oloa a epikopo ma umukuka e gasese ai supo. Latou te fesoasoani i faifeautalai taitasi o auaunaga ia maua se aafiaga moni o le avea ma se faifeautalai mo auaunaga a o auauna atu i le nofoaga na tofia i ai. E latou te fesoasoani foi i faifeautalai o auaunaga ina ia faataunuuina manuia o latou valaauga. Latou te faamalosia le tautinoga faaletagata lava ia a faifeautalai o auaunaga i tulaga faatonuina o loo i le Tusitaulima a Faifeautalai mo Auaunaga.