Ikhasi eliyisiqalo - IBandla likaJesu Kristu labaNgcwele beziNsuku zokuGcina

EsiKholwa Kukho

Funda ngeBandla likaJesu Kristu labaNgcwele beziNsuku zokuGcina

Christus Consolator, by Carl Heinrich Bloch

Funda ngoJesu Kristu

Mazi futhi Umlandele

Thola Ukuchasiseleka Empilweni Yakho

Funa ukubuka kukaNkulunkulu

Bhekana Nezinselele Zempilo

Thola amandla, isiqondiso, kanye nokuthula

Wonke umuntu wamukelekile. Vakashela ibandla eliseduze nawe.

Singumphakathi ogxile kuKristu, senza okusemandleni ukubathanda sibasize abanye. Ikhona nendawo yakho lapha.

Thola ibandla eduze nawe.

Thola

Imibuzo Ejwayele Ukubuzwa

Ngabe amalungu eBandla likaJesu Kristu labaNgcwele beziNsuku zokuGcina angamaKristu na?

Yebo! Njengamalungu eBandla likaJesu Kristu labaNgcwele beziNsuku zokuGcina, sikholwa ukuthi uJesu Kristu uyiNdodana kaNkulunkulu futhi unguMsindisi woMhlaba. Usithanda sonke ngaphezu kwalokho esingakucabanga. Sizibuka njengabalandeli bakaJesu Kristu abathembekile. Nakuba ezinye zezinkolelo zethu zihlukile, sikholwa wukuthi ngempilo Yakhe, ubufundisi Bakhe, ukuzinikela Kwakhe, nangokuzwa Kwakhe ubuhlungu, uJesu Kristu usisindisa esonweni, ezinhlungwini kanye nasekufeni.

Funda kabanzi ngezinkolelo zethu.

Zinjani izinkonzo zeBandla?

Izinkonzo zeBandla zehlukene umgwamanda nomgwamanda. Kodwa-ke, ungahlezi uyilindele inkonzo enkulu yawo wonke umuntu, elandelwa amakilasi abantwana, intsha, kanye nabadala.

Inkonzo yawo wonke umuntu ibizwa ngokuthi “inkonzo yesidlo esingcwele.” Kulomhlangano kukhona amaculo, imithandazo, nezintshumayelo (noma “izinkulumo”) ezinikezwa amalungu ahlukene ebandla masonto onke. Kodwa into ebaluleke kakhulu kulomhlangano yilapho kuthathwa isidlo esingcwele (okufana neSidlo seNkosi) ukukhumbula uMsindisi.

Funda kabanzi ngezinkonzo zangeSonto noma thola ibandla endaweni yangakini.

Kungani iBandla likaJesu Kristu labaNgcwele beziNsuku zokuGcina linamathempeli?

KwabaNgcwele beziNsuku zokuGcina, ithempeli lehlukile kunezinye izakhiwo zeBandla. Ithempeli yindawo lapho abaNgcwele beziNsuku zokuGcina bethola khona imfundiso ekhethekile ngoNkulunkulu nangoJesu Kristu. Ethempelini, amalungu enza izivumelwano (noma izethembiso) zaphakade noNkulunkulu. Lokhu kubandakanya ukugcina imiyalelo, ukuliphila ivangeli likaJesu Krestu, ukwethembeka emshadweni, kanye nokunakekelana ngokwabelana ngalokho esinakho.

Okunye, ngenxa yokuthi sikholwa wukuthi imindeni ngeyaphakade, umsebenzi omningi owenziwa ngaphakathi emathempelini uhlose ukuqinisa ubudlelwano bomndeni. Imishado emathempelini ifezwa ukuba ibe ngeyaphakade, hhayi nje ukuba “nehlukaniswe wukufa.” Abazali nabantwana baba yimindeni yaphakade emathempelini. Okhokho nabo bangazithola zonke izibusiso zethempeli uma kukhona obafezela izimiso ezingcwele futhi belwamukela lolo sizo. Amathempeli ayizindawo eziphethuzelayo!

Iyini iNcwadi kaMormoni na?

INcwadi kaMormoni yincwadi yemibhalo engcwele eshisekelisiwe esifundisa ngoNkulunkulu nango Jesu Kristu. Isisiza ukuba sithole ukuqondiswa ezimpilweni zethu futhi ingasisiza sizizwe sisondelene noJesu Kristu. Ngabe leli gama lavelaphi na? Emakhulwini eminyaka eyadlula, umphrofethi wasendulo ogama lakhe linguMormoni waqoqela ndawonye okubhaliwe ngabantu bakubo. Babebhekene nobuningi ubunzima esibhekana nabo nathi. Futhi njengathi, babethola amandla lapho bephendukela kuJesu Kristu. Thola isandulelo eNcwadini kaMormoni ngabefundisi bevangeli.

INcwadi kaMormoni ihambisana neBhayibheli njengelinye ithestamente likaJesu Kristu kanye nokuthunywa Kwakhe nguNkulunkulu njengoMsindisi kanye noMhlengi womhlaba. Ndawonye, iBhayibheli kanye neNcwadi kaMormoni kusinika ukuqonda okwengeziwe ngothando lukaNkulunkulu ngathi sonke futhi kungasisiza sisondele Kuye. 

Funda kabanzi ngokuthi ngabe iBhayibheli neNcwadi kaMormoni kusebenza kanjani ndawonye.

Ngabe siyakholelwa eBhayibhelini?

Yebo. IBhayibheli liyizwi likaNkulunkulu, incwadi engcwele yemibhalo engcwele, futhi ukulandela izimfundiso zalo kusilethela injabulo ezimpilweni zethu. Ndawonye neBhayibheli, sibuye sithole ugqozi kwezinye izincwadi zemibhalo engcwele eziyingqayizivele eBandleni likaJesu Kristu labaNgcwele beziNsuku zokuGcina. Zonke zisebenza ndawonye ukuze zisifundise amaqiniso abalulekile ngoNkulunkulu noJesu Kristu.

Funda kabanzi ngenkolo yethu ngeBhayibheli.

Buka Okunye

Sondela kuNkulunkulu. Hlangana nabefundisi bevangeli.

Hlangana ku-Intanethi noma nomuntu siqu. Sizoyiphendula imibuzo yakho futhi sikwazise emphakathini webandla langakini.

Cela Ukuvakashelwa

Two sister missionaries prepare to ride the subway in Hong Kong

UJesu Khristu, Uyisibonelo Sethu Esiphelelisiwe

“Sidinga ukuthanda futhi senze okuhle kubo bonke. Sidinga ukugwema ingxabano futhi sibe abalamulayo kukho konke ukuxhumana kwethu. Lokhu akusho ukuyekethisa izimiso zethu kanye nezinto eziza kuqala kithi, kodwa siyeke ukuhlasela abanye ngokhahlo ngenxa yezimiso zabo. Yilokho okwenziwa yiSibonelo sethu Esiphelelisiwe emsebenzini Wakhe wasemhlabeni. Yileso isibonelo Asibekela sona, ngesikhathi Esimema ukuthi Simlandele.”

Leon Parson will be doing a painting of President Oaks and has requested photos of President Dallin H. Oaks as reference

UMongameli uDallin H. Oaks

UMphrofethi kanye noMongameli weBandla likaJesu Kristu labaNgcwele beziNsuku zokuGcina

UMphakathi woKholo Ogxile kuJesu Kristu

Ongakulindela eBandleni

IBandla liyisiphephelo esiphithiphithini sempilo yansukuzonke—indawo lapho ongakhonza khona uNkulunkulu namanye amakholwa azama ukufana noJesu. Singathanda ukuba uvakashe!

Izinkolelo Zethu

Zonke izinkolelo zethu zigxile kuNkulunkulu noJesu Kristu. Funda kabanzi mayelana nesikholelwa kukho kanye nokuthi lezo zinkolelo ezingumongo zingakukhuthaza kanjani ukuthi ulandele uMsindisi.

Sazi ukuthi singobani

Sazi Ukuthi Singobani

Uzowathola amalungu eBandla likaJesu Kristu labaNgcwele beziNsuku zokuGcina emhlabeni wonke jikelele. Singabangani kanye nomakhelwane bakho abasebenza ndawonye ukwenza umhlaba ube yindawo engcono.

Thola izindaba ezintsha ezivela eBandleni.

Kunezinto ezinhle ezenzeka emhlabeni wonke. Thola okusha okwenzeka manje mayelana nemisebenzi yeBandla, imicimbi, imizamo yokuletha usizo lapho kunezinhlekelele, kanye nokunye.

Vakashela iNewsroom

Thola iBandla
Eduze Nawe

Hlangana nabeFundisi Bevangeli

Funda iNcwadi kaMormoni