සියල්ලන්වම සාදරයෙන් පිළිගනිමු. ඔබ අසල සභාවක් බැලීමට යන්න.
සුලබ ප්රශ්න
යේසුස් ක්රිස්තුස්වහන්සේගේ පසුදවස්වල ශුද්ධවන්තයන්ගෙන් යුත් සභාවේ සාමාජිකයන් ක්රිස්තියානින්ද?
ඔව්! යේසුස් ක්රිස්තුස්වහන්සේගේ පසුදවස්වල ශුද්ධවන්තයන්ගේ සභාවේ සාමාජිකයන් ලෙස, අපි යේසුස් ක්රිස්තුස්වහන්සේ දෙවියන්වහන්සේගේ පුත්රයාණන් සහ ලෝකයේ ගැලවුම්කරුවාණන් බව විශ්වාස කරන්නෙමු. අපිට හිතාගන්න බැරි තරමට උන්වහන්සේ අපි හැමෝටම ආදරෙයි. අපි යේසුස්වහන්සේගේ කැප වූ අනුගාමිකයන් ලෙස අපවම සලකන්නෙමු. අපගේ සමහර විශ්වාසයන් වෙනස් වුවත්, උන්වහන්සේගේ ජීවිතය, දේවසේවය, පරිත්යාගය සහ මරණයෙන් නැවත නැගිටීම තුළින් යේසුස් ක්රිස්තුස්වහන්සේ අපව පාපයෙන්, දුක් වේදනාවලින් සහ මරණයෙන් ගලවා ගන්නා බව අපි විශ්වාස කරනවා.
අපගේ විශ්වාසයන් ගැන තවත් දැනගන්න
සභාවේ මෙහෙයන් මොන වගේද?
සභා මෙහෙයේ කාලය සමූහයෙන් සමූහයට වෙනස් වේ. කෙසේ වෙතත්, ඔබට සැමවිටම සෑම කෙනෙක්ම සඳහා ඇති එක් ප්රධාන නමස්කාර සේවාවක් කෙරෙහි විශ්වාසය තැබිය හැකිය, එයින් පසු ළමුන්, යෞවනයන් සහ වැඩිහිටියන් සඳහා පන්ති පැවැත්වේ.
සෑම කෙනෙකු වෙනුවෙන්ම ඇති මෙහෙය “සක්රමේන්තු රැස්වීම” ලෙස හැඳින්වේ. මෙම රැස්වීම සෑම සතියකම සභාවේ විවිධ සාමාජිකයන් විසින් පවත්වනු ලබන ගීතිකා, යාච්ඤා සහ දේශන (හෝ “කතා”) වලින් සමන්විත වේ. නමුත් රැස්වීමේ වැදගත්ම කොටස වන්නේ අපි ගැලවුම්කරුවාණන්ව සිහි කිරීම සඳහා සක්රමේන්තුව (සත්ප්රසාදයට සමාන) ලබාගැනීමයි.
ඉරිදා මෙහෙයන් ගැන තවත් දැනගන්න හෝ ඔබ අසල සභාවක් සොයා ගන්න.
යේසුස් ක්රිස්තුස්වහන්සේගේ පසුදවස්වල ශුද්ධවන්තයන්ගෙන් යුත් සභාවේ දේවමාළිගා තිබෙන්නේ ඇයි?
පසුදවස්වල ශුද්ධවන්තයන්ට, දේවමාළිගාව වෙනත් සභා ගොඩනැගිලිවලට වඩා වෙනස් වේ. දේවමාළිගාව යනු පසුදවස්වල ශුද්ධවන්තයන්ට දෙවියන්වහන්සේ සහ යේසුස් ක්රිස්තුස්වහන්සේ පිළිබඳ විශේෂ උපදෙස් ලැබෙන ස්ථානයකි. දේවමාළිගාවේදී, සාමාජිකයන් දෙවියන්වහන්සේ සමඟ සදාකාලික ගිවිසුම් (හෝ පොරොන්දු) ඇතිකර ගනීති. ආඥා පිළිපැදීම, යේසුස් ක්රිස්තුස්වහන්සේගේ ශුභාරංචිය තුළ ජීවත්වීම, විවාහයේදී විශ්වාසවන්තව සිටීම සහ අප සතු දේ බෙදාගැනීමෙන් එකිනෙකාව රැකබලා ගැනීමට උපකාර කිරීම යන පොරොන්දු මෙයට ඇතුළත් වේ.
එසේම, පවුල් සදාකාලික යැයි අප විශ්වාස කරන නිසා, දේවමාළිගා තුළ සිදු කරනු ලබන බොහෝ කාර්යයන් පවුල් බැඳීම් තවත් ශක්තිමත් කිරීම සඳහායි. දේවමාළිගාවේ විවාහයන් සිදු කරනු ලබන්නේ සදාකාලිකව පවතිනු පිණිස මිස “මරණය තෙක් ඔබ වෙන් වන තුරු” නොවේ. දෙමවුපියන් සහ දරුවන් දේවමාළිගාවන් වල සදාකාලික පවුල් බවට පත්වෙති. යමෙක් මුතුන් මිත්තන් වෙනුවෙන් ශුද්ධ වූ නියෝග ඉටු කර ඔවුන් එම සේවය පිළිගන්නේ නම් ඔවුන්ටද දේවමාළිගාවේ සියලු ආශීර්වාද ලබා ගත හැකිය. දේවමාළිගා යනු කාර්යබහුල තැන් වේ!
මොර්මොන්ගේ පොත යනු කුමක්ද?
මොර්මොන්ගේ පොත දෙවියන්වහන්සේ සහ යේසුස් ක්රිස්තුස්වහන්සේ ගැන අපට උගන්වන දේවානුභාවය ලත් ශුද්ධලියවිල්ලකි. එය අපගේ පෞද්ගලික ජීවිතය සඳහා මගපෙන්වීම් ලබා ගැනීමට සහ යේසුස් ක්රිස්තුස්වහන්සේට සමීප වීමට අපට උපකාර කරයි. ඒ නම පැමිණෙන්නේ කොහෙන්ද? මීට වසර සිය ගණනකට පෙර, මොර්මොන් නම් පුරාණ අනාගතවක්තෘවරයා තම ජනතාව පිළිබඳ වාර්තාවක් සම්පාදනය කළේය. අපි මුහුණදෙන අභියෝග රැසකට ඔවුනුත් මුහුණ දුන්හ. අපිට වගේම ඔවුන් යේසුස් ක්රිස්තුස්වහන්සේ වෙතට හැරුණු විට ඔවුන්ට ශක්තියක් ලැබිණි. ධර්මදූතයන් සමඟ මොර්මොන්ගේ පොතට හැඳින්වීමක් ලබා ගන්න.
යේසුස් ක්රිස්තුස්වහන්සේ ලෝකයේ ගැලවුම්කරුවාණන් සහ මිදුම්කරුවාණන් ලෙසත් උන්වහන්සේගේ දිව්යමය මෙහෙවර ගැනත් මොර්මොන්ගේ පොත බයිබලය සමඟින් තවත් සාක්ෂියක් ලෙස පවතිනවා. බයිබලය සහ මොර්මොන්ගේ පොත එකට එක්ව, අප සැමට දෙවියන්වහන්සේගේ ඉමහත් ප්රේමය පිළිබඳව වැඩි අවබෝධයක් ලබා දෙන අතර අපට උන්වහන්සේ වෙත සමීප වීමට එයට උපකාර කළ හැකිය.
බයිබලය සහ මොර්මොන්ගේ පොත එකට එක්ව ක්රියා කරන ආකාරය පිළිබඳ තවත් දැනගන්න.
අපි බයිබලය විශ්වාස කරනවාද?
ඔව්. බයිබලය දෙවියන්වහන්සේගේ වචනයයි, එය ශුද්ධලියවිලි තුළ ඇති පරිශුද්ධ ග්රන්ථයක් වන අතර එහි ඉගැන්වීම් අනුගමනය කිරීම අපගේ ජීවිතයට ප්රීතිය ගෙන දෙයි. බයිබලය සමඟින්, යේසුස් ක්රිස්තුස්වහන්සේගේ පසුදවස්වල ශුද්ධවන්තයන්ගේ සභාවට අනන්ය වූ වෙනත් ශුද්ධලියවිලි පොත්වලින්ද අපට ආභාසය ලැබෙනවා. දෙවියන්වහන්සේ සහ යේසුස් ක්රිස්තුස්වහන්සේ පිළිබඳ වැදගත් සත්යයන් අපට ඉගැන්වීමට ඒවා සියල්ලම එකට එක්ව ක්රියා කරයි.
බයිබලය ගැන අපේ විශ්වාසය ගැන තවත් දැනගන්න.
දෙවියන්වහන්සේට සමීපව වැඩෙන්න. ධර්මදූතයන් හමුවන්න.
මාර්ගගතව හෝ පෞද්ගලිකව හමුවන්න. අපි ඔබේ ප්රශ්නවලට පිළිතුරු සපයන අතර ඔබේ දේශීය සභා සමූහයට ඔබව හඳුන්වා දෙන්නෙමු.
යේසුස් ක්රිස්තුස්වහන්සේ කෙරෙහි අවධානය යොමු කරන ඇදහිල්ලේ ප්රජාවක්
සභාවේ නවතම පුවත් ලබා ගන්න.
ලොව පුරා යහපත් දේවල් සිදුවෙමින් පවතියි. සභාවේ ව්යාපෘති, සිදුවීම්, ආපදා සහන ප්රයත්න, සහ තවත් දේ පිළිබඳ වත්මන් යාවත්කාලීන ලබාගන්න.