Lumu luimpa lua Yezu Kilisto ludi mua kubenesha nsombelu weba

Eyowa! Bu bidimba bia Ekelezia wa Yezu Kilisto wa Bansantu ba Matuku a Ndekelu, tudi tujadika ne Yezu Kilisto udi Muana wa Nzambi ne Musungidi wa buloba. Mmutunanga bikola kupita mutudi mua kuela meji. Tudi tudimona bayidi ba Yezu ba lulamatu. Nansha mudi amua malu atudi tuitabuja mikala apabuawu, tudi tuitaba ne kupitshila ku nsombelu, mudimu, mulambu ne dibika ku lufu bienda, Yezu Kilisto mmutupandisha ku mibi, ku makenga ne ku lufu.

Longa Bia Bungi pa malu atudi tuitabuja.

Meba a Disadila dia Ekelezia mashilangana bilondeshila ku tshisumbu. Kadi, udi mua kutekemena misangu yonsu mushindu umua wakutendelela bua bantu bonsu, ne pashisha nekuikala tulasa bua bana, bansonga, ne bakulumpa.

Disambila bua bantu bonsu badi badibikila “tshisangilu tshia biakudia bia tshijila.” Tshisangilu esthi tshidi ne misambu, masambila, ne mayisha (anyi “miyuki”) bifidibua kudi bidimba bishilangana bia tshikongu lumingu lonsu. Kadi tshitupa tshidi tshitamba mushinga tshia tshisangilu tshidi patudi tuangata biakudia bia tshijila (bidi bifuanangana ne nkomônyi) bua kuvuluka Mupandishi.

Longa bia bungi pa Disambila dia mu dialumingu anyi kupeta ekelezia pabuipi neba.

Bua Bansantu ba matuku a Ndekelu, ntempelo udi mushilangana ne nzubu mikuabu ya Ekelezia. Ntempelo mmuaba udi Bansantu ba Matuku a Ndekelu bapeta maludiki a pabuawu pa Nzambi ne Yezu Kilisto. Mu ntempelo, bidimba bidi bienza bipungidi bia tshiendelela (anyi milayi) ne Nzambi. Ebi bidi bikongoloja milaya ya kutumikila mikenji, kuteka lumu luimpa lua Yezu Kilisto mu tshienzedi, kuikala ne lulamatu mu dibaka, ne kuambuluisha bua kutabalelangana pa kuabanyangana bintu bitudi nabi.

Bualu tudi tuitaba kabidi ne mêku adi ashala kashidi, mudimu wa bungi udibu benza mu ntempelo udi wa kukolesha malanda a mu dîku. Mabaka adibu benza mu ntempelo adi ne bua kushala kashidi, kaena anu “too ne padi lufu lunutapulula to.” Baledi ne bana badi balua mêku a tshiendelela mu ntempelo. Bankambua badi kabidi mua kupeta mabenesha onsu a ku ntempelo bikala muntu kampanda muenza mishinga ya tshijila bua bualu buabu ne bobu bitaba tshienzedi tshia mudimu ewu. Ntempelo idi miaba ya mudimu wa bungi!

Mukanda wa Molomo udi mukanda wa mifundu ya meji a nyuma udi ulongesha pa Nzambi ne Yezu Kilisto. Udi utuambuluisha bua kupeta maludiki mu nsombelu wetu ne udi mua kutuambuluisha bua kudiumvua pabuipi ne Yezu Kilisto. Muaba kayi udi dina difuma? Kukadi bidimu nkama ya bungi, muprofete mukuabu wa kala dienda Molomo wakafunda muyuki wa bantu benda. Bavua bapeta ntatu ya bungi anu bu tetu. Ne anu bu tetu, bakapeta bukola pavuabu balua kudi Yezu Kilisto. Peta Tshibangidi tshia Mukanda wa Molomo, ne ba misionere.

Mukanda wa Molomo udi ku luseka lua Bibliya bu tshijadiki tshikuabu tshia Yezu Kilisto ne tshia mudimu wenda wa tshijila bu Musungidi ne Mupikudi wa buloba. Bibliya ne Mukanda wa Molomo bidi bipetangana bua kutuambuluisha bua kumvua bimpa mudi Nzambi mutunanga bikola ne bidi mua kutuambuluisha bua kusemena pabuipi nenda. 

Longa bia bungi pa Mushindu kayi udi Bibilia ne Mukanda wa Molomo biendela pamua.

Eyowa. Bibilia udi dîyi dia Nzambi, mukanda wa tshijila wa mifundu, ne kulonda malongesha adimu kudi kutupetesha disanka mu nsombelu wetu. Pa kumbusha bibilia, tudi tupeta kabidi malu adi afumina mu mikanda mikuabu ya mu mifundu ya Ekelezia wa Yezu Kilisto wa Bansantu ba Matuku a Ndekelu. Idi yonsu yenza mudimu pamue bua kutulongesha malelela a mushinga pa Nzambi ne Yezu Kilisto.

Longa Bia Bungi pa malu atudi tuitabuja mu Bibilia.