Moyo Weba Udi ne Kipatshila ne Diumvuija

Find Answers Through Jesus

Mudimu Wanyi Udi Tshinyi Mu Bulongolodi Ebu?

Wewa udi ne Moyo pa Buloba Apa bua Kabingila

Ukatu mudiela nkonku bua tshinyi udi pa buloba apa anyi?

Tudi tuitaba ne, yonsu wa kutudi uvua ne moyo kumpala kua buloba kufukibua ne tuvua basomba ne Nzambi bu bana benda mu ngikadilu wa nyuma. Tatu wetu wa mu Dîulu wakatuma yonsu wa kutudi pa buloba apa bua ne tupeta mubidi, tulonga, ne tukola bua kulua bia bungi bu Yeya. Patudi tulonda bulongolodi bua Nzambi, tudi mua kupingana bua kusomba ku mesu kuenda.

Pawikala ukatu mudiumvua ne udi ne kipatshila kanena kapita dikala ne moyo tshianana, bidi bilelela. Udi mua kupeta kipatshila keba mu dikeba Nzambi.

A mother stands and comforts her son in their home

Nzambi Mmusua Bua Wikala ne Disanka

Lumu Luimpa lua Yezu Kilisto ludi lulaya ditalala, dikankamana, ne disanka kudi aba badi balonda mikenji ya Nzambi ne batambuishibua mu Ekelezia wa Kilisto.

Adama wakapona bua ne bantu bikalaku; ne bantu badiku, bua ne bikala ne disanka

2 Nefi 2:25

Kadi mushindu kayi udi disanka mua kuikala kipatshila ketu padi moyo muikala mûla ntenta ne diluangana. Diandamuna didi Yezu Kilisto.

Kupitshila ku Yezu Kilisto, tudi mua kupeta busambi mu tunyinganyinga tuetu ne kuikala bakankamikibua mu ntatu. Tudi mua kumvua disakidila bua bintu bishema bia bungi bidi bisankisha pa buloba ebu. Tudi mua kulengeja malanda ne aba batudi bananga mu kunemeka nshindamenu ivuaye mulongesha mu Bibiliya: lusa, disadila, dibuikidila, ne dinanga.

Mu difila Mupandishi, Nzambi wakafuka njila bua bana benda bonsu bapeta disanka.

South Africa. Braai (or barbecue). Two women standing outside near a gate.

Moyo ewu Udi Utupesha Tshikondu tshia Kulonga ne Kukola

Pawudi upitshila mu bikondu bia ntatu, bidi mua kuambuluisha bua kuvuluka ne bulongolodi bua Nzambi bueba budi butanta kupita moyo weba wa tshifuaka. Pawudi wenza mueba monsu bua kumulonda, tshintu tshionsu tshiwudi umanya netshivuijibua tshimpa dituku dikuabu kupitshila ku Yezu Kilisto. Bibiliya udi ulaya ne “Nzambi neakupule tshinsonji ku mesu kuabu; ne lufu kaluena luikalaku kabidi; madilu kêna ikalaku kabidi, nansha muadi, nansha kanyinganyinga kabidi” (

Buakabuluibua 21:4

An elderly man stands outside in Brazil while his wife kisses his cheek.

Moyo udi wangata mamanya a ntatu bualu mu bulongolodi bua Nzambi, mateta atudi tuluangana nawu adi mua kuikala bua buimpa ne dikola bietu. Ntatu eyi idi mua kutuambuluisha bua kupeta bintu bu mudi:

Makanda. Anu bu mudi bia bungi dibidija mubidi didi mua kutukankamika mubidi, ditantamena ditudi tuluangana nadi mu mioyo yetu didi ditukankamika mu nyuma, mu meji ne mu ngikadilu. Makanda â adi mua kutuambuluisha bua kutshimuna bipupu bia moyo.
Lumvu. Pawudi upitshila mu ntatu, lumvu lueba ludi lutanta. Ne pawudi wenzela dimanya dieba bua kuambuluisha bakuabu mu bikondu bia momumua, udi wambuluisha bua kuenza mudimu wa Nzambi pa buloba.
Ditukija. Padi malu a bungi akupitshila, biangata bienzedi bia bakuabu, tudi mua “kuindila bietu Mukalenga” (Misambu 27:14). Tudi mua kuitaba ne tshintu tshionsu tshidi tshitukengesha mu bubi netshivuijibua tshimpa kupitshila ku Yezu Kilisto.

Udi Mua Kushintuluka

Young women in Thailand pick berries off a bush. They are laughing and enjoying themselves.

Nzambi ukadi misangu yonsu mumanya ne udi mua kuenza bilema ne kuikala dijinga ne diambuluisha bua kutshimuna kanyinganyinga ne bubi. Bu tshitupa tshia bulongolodi bua Nzambi, wakafila Mupandishi ne Musungidi, Yezu Kilisto, bua kukenga ne kufua bueba ne bua muntu yonsu wakasomba pa buloba. Kupitshila ku mulambu wa Yezu Kilisto, udi mua kupeta dibuikidila ne londopu.

Ne diambuluisha dia Mupandishi, udi mua kutshimuna bubi, buteketa, bibidilu bibi, ne bupika budi bukupingaja panyima. Udi mua kulua muena bunangi mushindama, mubuikididianganyi, mudipuekeshi, ne mutukiji kupita tshiwuvua muikala. Pawudi ulua Muena Kilisto mushindama, newupeta dijinga dinena dia kutungunuka mu njila bua kupingana kusomba ne Nzambi.